Япон сангийн Ядуурлыг бууруулах буцалтгүй тусламж болох 2.200.000 ам.долларын санхүүжилтээр Сүхбаатар аймгийн Баруун-Урт суманд хэрэгжиж буй Хатуу хог хаягдлын менежментийг сайжруулах төсөл хэрэгжиж эхэллээ.

Уг төслийн хүрээнд Баруун-Урт сумаас 4.5 км зайд 8-р багийн нутаг дэвсгэрийн Адгийн шандын 1 га талбайд 53,000м3 хүчин чадал бүхий II зэргийн ландфиллын ажил, хог ангилан ялгах, дахин боловсруулах үйлдвэр, техник тоног төхөөрөмжийн парк шинэчлэлт гэх зэрэг томоохон хөрөнгө оруулалтын ажил 2021-2022 онуудад хэрэгжиж дуусах юм.

Аймгийн Засаг даргаар ахлуулсан ажлын хэсэг тус төслийн явцтай танилцаж тулгамдаад байсан цахилгааны эх үүсвэр болон техник тоног төхөөрөмжийн хүчин чадлыг нэмэгдүүлэх асуудлыг шийдвэрлэхээр болов.