ЭМЯ-ны нийтийн эрүүл мэндийн бодлогыг хэрэгжилтийг зохицуулах газрын дарга Л.Энхсайхан вакцины гурав дахь тунтай холбоотойгоор мэдээлэл өглөө.

Тэрбээр "Вакцины эхний хоёр тун ижил байх ёстой. Харин гуравдугаар тунд өөр вакцин хийх үү эсвэл ижил вакцин хийх үү гэдгийг судалж байна. Судалгаа дууссаны дараа Эрүүл мэндийн сайдын тушаал гарч байж хүн амд хийнэ.

Иргэдийн зүгээс эхний тундаа А гэдэг вакцинд хамрагдсан. Хоёр дахь тундаа Б гэдэг вакцинд хамрагах хүсэлт ирүүлж байна. Ингэж болохгүй. Эхний хоёр вакцин ижил тунтай байж үр дүнгээ өгнө.

Дельта вирусний халдвар эрс нэмэгдэж байгаа энэ үед эмч, цагдаа, онцгой зэрэг тэргүүн фронтод ажилладаг хүмүүсээ өвчлүүлэхгүй байх үүднээс олон улсын судалгаанд үндэслэн нэмэлт тунг зөвхөн сайн дурын үндсэн дээр хийж байна. Одоогийн байдлаар 2000 гаруй хүнийг хамруулаад байна” гэлээ.

А.Сүх