УИХ-ын Эдийн засгийн байнгын хорооноос Нүүрсний олборлолт, тээвэрлэлт, экспорттой холбоотой асуудлаар ерөнхий хяналтын сонсголын өнөөдөр 10 цагт эхлэх товтой. Гэвч нээлттэй сонсголын хурлын эхэнд үндсэн Б танхимд ирсэн хүмүүс багтахгүй байсан тул иргэдийн төлөөллийг А танхим руу хувааж оруулж буйд иргэд багагүй бухимдлаа. Иймд нээлттэй сонсголын 13 цагт эхлэхээр боллоо. 

Нээлттэй сонсгол эхлэх үеэр иргэд болон гишүүдийн хооронд болсон яриаг хураангуй хэлбэрээр хүргэе. 

УИХ-ын гишүүн Г.Ганболд: -Оролцох гээд байгаа хүмүүс нь наашаа суучих

Иргэд: -Оролцох гээд байгаа гэж юу гэсэн үг юм бэ? Үг хэлээ болгоомжил Г.Ганболд гишүүн ээ. Доромжлоод байна уу? 

УИХ-ын гишүүн О.Цогтгэрэл: Иргэд нь урдаа суугаад, гишүүд нь урдаа суугаад гэдэг дэгээ баримтлаад хурлаа эхэлье. 

Иргэд: Гишүүнээ иргэдээ оруулъя.

УИХ-ын гишүүн А.Адъяасүрэн:

-Иргэдтэйгээ хамт тэмцэнэ. 

-Яагаад иргэдээ өөр танхимд суулгаад байгаа юм бэ. Энэ талаар өмнөх өдрүүдэд та нар ярилцах ёстой биз дээ? 

-Би чинь сөрөг хүчин шүү дээ. 

-Ярих ёстой. Сөрөг хүчин ярьдаг шүү дээ. 

-Тийм ээ. Ярина гэж бодож байна. Ярина аа, ярина. 

УИХ-ын гишүүн Т.Доржханд: Дарга нараа босчих. Иргэдээ суулгъя. Шаардлагатай бол гишүүд зогсож байгаад ярья.

УИХ-ын гишүүн С.Чинзориг: Тэр иргэдийг нь оруулчих л даа. Байрныхаа багтаамжаар оруулчих. 

Иргэд: 

-Бид хоосон танхимд зурагт үзэх гэж ирээгүй.

-Нээлттэй сонсголыг гишүүд, дарга нар, иргэд гээд бүгд нэг дор сууж хэлэлцэх ёстой. 

-Ц.Цэрэнпунцаг гишүүн гар.

-Дарга цэргээрээ ялгарч байна.