Нийслэлийн Захиргааны шинэ байранд
09:00 цагт “Барилгын чанар, аюулгүй байдал, стандарт” зөвлөгөөн болно.
Цэнгэг усны нөөц, байгаль хамгаалах төвд
09:00 цагт Монгол Улсын Ерөнхийлөгчийн санаачлан зохион байгуулж буй “Цэнхэр алт” Үндэсний чуулганыг угтсан хоёр дахь салбар хуралдаан “Гадаргын усны нөөц ба тулгамдсан асуудал” хэлэлцүүлгээр үргэлжилнэ.
Шангри-Ла зочид буудалд
09:30 цагт Монгол дахь Америкийн Худалдааны танхимаас “Дараачийн Оюутолгой хаана байгаа вэ?” сэдвээр хурал зохион байгуулна.
Төрийн ордонд
10:00 цагт Байгаль орчин, хүнс, хөдөө аж ахуйн байнгын хороо хуралдана. Хуралдаанаар Тусгай хамгаалалттай газар нутгийн тухай хуулийн нийцэл, үр нөлөө, газар олголтод хийсэн гүйцэтгэлийн аудитын тайланг сонсоно.
Үндэсний номын санд
10:00 цагт Ардын уран зохиолч Дэндэвийн Пүрэвдоржийн мэндэлсний 90 жилийн ойд зориулсан "ХХ зууны Монгол найраглалын үнэт зүйл- Д.Пүрэвдоржийн уран бүтээл" сэдэвт эрдэм шинжилгээний хурал болно.
Гаалийн Ерөнхий Газрын нэг давхрын хурлын танхимд
10:00 цагт Боомтын үйл ажиллагаа хэвийн горимд шилжиж эхэлсэнтэй холбоотой мэдээлэл болон бусад хэд хэдэн асуудлаар хэвлэлийн хурал зохион байгуулна.
АТГ-ын үүдэнд
11:00 цагт "Авлигатай тэмцэх жил" болгон зарлаж, "5Ш" ажиллагаа Төрийн өмчийн байгууллагын удирдлагууд Хэмнэлтийн хууль, Шилэн дансны тухай хуулийг хэрэгжүүлэхгүй байгаа асуудлаар өнөөдөр Ардчилсан Намаас хуулийн дагуу гомдол гаргана.
НЗДТГ-ын байранд
12:00 цагт ҮАБЗ, ОБЕГ, нийслэлийн Засаг даргын Тамгын газар хамтран газар хөдлөлтийн гамшгаас урьдчилан сэргийлэх талаар иргэдэд мэдлэг, мэдээлэл олгох, төрийн болон ТББ-уудын уялдаа холбоог сайжруулах зорилгоор тавдугаар сарын 24-26-нд “Стратегийн команд штабын сургууль”-ийг зохион байгуулах талаар мэдээлнэ.
Үндэсний мэдээллийн төвд
12:00 цагт МУГЖ, дуучин М.Бямбажавын шавь залуу дуучин Г.Даваадалай бие даасан уран бүтээлийн тоглолт болон 21 аймгаар хийх аялан тоглолтынхоо талаар мэдээлэл өгнө.
