Хотын Ерөнхий менежер М.Баяраа нөөцийн махны өргөтгөсөн худалдаа болон бусад цаг үеийн асуудлаар мэдээлэл өглөө. 

Тэрбээр “Махаа ангилж уутлахдаа өөх, махны хэмжээг тааруулах, ууталсан махаа зөөвөрлөхдөө шуудайд бус, цаасан хайрцагт зөөвөрлөх шаардлагыг 12 бэлтгэн нийлүүлэгчдэд хүргүүлнэ. Зөвхөн хонины махыг гулуузаар худалдах бөгөөд зах, худалдааны төвүүдээс 20-25 хувийн хямд үнээр худалдана. Одоо есөн дүүрэгт 481 цэгээр нөөцийн мах худалдаалж байна.

Энэ онд нөөцийн махны борлуулалт өмнөх жилүүдийнхээс муу байна. Нөөцийн мах худалдан авъя гэхээр голдуу хонины мах байдаг, амт чанаргүй, шороотой, шивтэр үнэртдэг гэх мэт гомдол байнга гардаг.

ХХААХҮЯ нөөцийн махны чанарт хяналт тавих үүрэгтэй. Энэ талаар тус яамнаас тодруулах шаардлагатай. Өнгөрсөн долоо хоногт бид захуудаар явсан. Махны савлагаа 2-3 кг байгааг 1-2 кг болгох саналыг олон иргэн хэлсэн. Мөн гялгар уут нь задарсан тохиолдлууд гарсан тул бэлтгэн нийлүүлэгч компаниудад цаасан хайрцгаар махаа тээвэрлэх шаардлага тавьсан” гэв.

Д.Батчулуун