"Шийдвэр гаргах түвшинд жендэрийн тэгш төлөөллийг хангах "АМЛАЛТ" Олон Улсын форум болж байна. Энэ үеэр УИХ-ын гишүүн Б.Баярсайхан мэдээлэл өглөө. 

Тэрбээр "Эмэгтэй хүн манлайлж болох сайн нийгмийг бэлдэхэд юу хийхийг мэдэхгүй байна. Урьд өмнө нь шийдвэр гаргах түвшинд эмэгтэйчүүдийн оролцоог хангах талаар ийм том дэвшил гаргаж байгаагүй. Улс төрийн хамгийн томд тооцогдож буй арван нам эмэгтэйчүүдээ таатаы нөхцөлөөр нэр дэвшүүлэх талаар ярьлаа.

100 хувь сэтгэлийн хөөрлөөр харахаас илүү эмэгтэйчүүдээ парламентийн сонгуульд оролцуулах, тэднийг дэмжихэд ямар бодитой ажил хийх вэ гэдгийг өнөөдрөөс эхлэн бодох хэрэгтэй. Эмэгтэйчүүд Монгол Улсын хүн амын 51 хувийг эзэлдэг. Хөдөлгөх юм бол хамгийн том хүч байдаг.

Эмэгтэйчүүдээ үл тоосноор нийгмийн хөгжил сондгой байна. Нийгмийн хамгийн гол асуудлууд үлдчихсэн байна. Эрэгтэй эмэгтэй хүмүүсийн тэнцвэр улс орны хөгжилд алдагдчихаад байна. Өнөөдрийн үйл ажиллагааг бүх талаар дэмжин ажиллах болно" гэв. 

Д.Батчулуун