Багануур дүүрэгт 2022-2023 оны хичээлийн жилд төрийн өмчийн 9 цэцэрлэгт 2113 хүүхэд буюу 87 хувь нь хамрагдаж байна. Төрийн өмчийн 3, төрийн бус өмчийн 1, ерөнхий боловсролын сургуульд 6882 сурагч суралцаж байна. Дүүргийн хэмжээнд сургуулийн ээлжийн коэффициент 1,7 анги дүүргэлт 33,4 байна.

Насан туршийн боловсролын төвд 41 суралцагч, “Гэрэлт-Ирээдүй” МСҮТ-д 198 суралцагч суралцаж байна. Улсын Их Хурлын гишүүн Ц.Сандаг-Очир, Боловсрол, шинжлэх ухааны сайд Л.Энх-Амгалан болон албаны бусад хүмүүс тус дүүрэгт ажиллах үеэрээ хэд хэдэн боловсролын байгууллагын үйл ажиллагаатай танилцав.

Багануур дүүргийн малчид голдуу төвлөрөн суурьшдаг 2 дугаар хороонд 2019 онд 100 хүүхдийн хүчин чадалтай цэцэрлэгийн барилгын ажил эхэлсэн. 4 жилийн турш бүтээн байгуулалт үргэлжилсэн ч өнөөдөр ашиглалтад ороогүй байна. Барилгын компанийн удирдлагууд болон хяналт тавьж байгаа хүмүүсийг байлцуулан 5 дугаар сар гэхэд дуусгах чиглэл өглөө. Гэрэлт-Ирээдүй МСҮТ нь хувийн өмчлөлийнх. Цахилгаан дулаан зэрэг байгууллагад өр үүссэн. Цаашид үйл ажиллагаа явуулахад хүндрэлтэй байгаа учир төрийн дэмжлэг хэрэгтэй байгаа талаар мэдээлэл өглөө. Багануур дүүргийн тухайд нүүрсний том уурхайтай учир уурхайг түшиглэсэн байдлаар төрөлжсөн чиглэлээр мэргэжилтэн бэлтгэх болможтой талаар мэдээлэдл солилцов.

Өнөөдөр улсын хэмжээнд сургуулийн өмнөх боловсрлын багш нарын гүйцэтгэлийн үнэлгээ эхэлж байна. Үүнтэй холбоотойгоор 235-р цэцэрлэгт ажилласан. Цэцэрлэгийн тухайд өмнөх үнэлгээнд улсын дунджаас дээгүүр үнэлэгдсэн байна. 1 багш 1 дүгээр индекст эрэмбэлэгдэж 25 хувийн нэмэгдэл авч байгаа юм. Орчин нөхцөл буюу гадна талбайн тохижилт хийгдээгүйг анхаарч ажиллахаар болов.

Нийслэлийн ерөнхий боловсролын лаборатори Боловсрол цогцолбор сургуулийн багш, ажилтан албан хаагчидтай уулзалт зохион байгууллаа. Уулзалтын үеэр багш нарын цалин, нийгмийн хамгаалал, сургуулийн менежментийг сайжруулах зорилт, боловсролын багц хууль гэсэн багц сэдвээр мэдээлэл өгч асуултад хариуллаа.