“Блью Скай” зочид буудалд
08.30-12.30 цагт "Хүнсний хангамж, аюулгүй байдлыг хангах талаар авах зарим арга хэмжээний тухай" УИХ-ын тогтоолын хэрэгжилтийг хангах хүрээнд хөнгөлөлттэй санхүүжилтэд хамрагдах боломжуудыг үйлдвэр эрхлэгч нарт танилцуулах сургалт, мэдээлэл өгнө.
“Холидэй Инн” зочид буудалд
09.00 цагт Уур амьсгалын ногоон сангийн хурал болж, тус сангийн санхүүжилтээр 2024-2027 онд Монгол Улсад хэрэгжүүлэх төсөл хөтөлбөр, тэргүүлэх салбарууд, тэдгээрийн төлөвлөгөө, оролцогчдыг тодорхойлон танилцуулна.
УИД-ийн өмнөх талбайд
10.00-11.00 цагт Хүүхдийн эсрэг хүчирхийллийг таслан зогсоох “It Takes A World” кампанит ажлын хүрээнд "Найз байя” үе тэнгийн дарамт, ялгаварлан гадуурхлын эсрэг үндэсний аяныг олон улсын “Дэлхийн зөн” байгууллага болон “Гэрэл плас медиа холдинг" зохион байгуулна.
Шонхор тауэрт
11:00 цагт "4/11 Ардчиллын цаг"-аар Үндсэн хуулийн нэмэлт өөрчлөлт, Сонгуулийн тухай хууль, Улс төрийн намын тухай хууль болон бусад асуудлаар мэдээлэл хийнэ.
Үндэсний мэдээллийн төвд
11:30 цагт Хууль эцэслэн батлахад өгсөн саналыг УИХ-ын Тамгын газар хууль зөрчин, нууцалж буй талаар, уг мэдээллийг нээлттэй болгохыг УИХ-ын Тамгын газраас шаардаж, "Мэдэх эрхтэй" аян өрнүүлж “Цогц” хөгжлийн Үндэсний төвөөс мэдээлэл хийнэ.
Хил хамгаалах ерөнхий газарт
11:40-12:00 цагт Хилийн цэргийн 0288 дугаар ангил байлдааны туг гардуулах ажиллагаа болно.
МҮЭ-үүдийн холбооны байранд
11:00 цагт Монголын Төмөр замчдын ҮЭ-ийн холбооноос “Шүүр ажиллагаа” болон цаг үеийн асуудлаар мэдээлэл өгөх хэвлэлийн бага хурал зохион байгуулж байна.
"WTM Mongolia | GDG Ulaanbaatar" discord server-ээр live
19: 00 цагт 4 дүгээр сард тохиодог олон улсын “Мэдээлэл, технологийн салбарын охидын өдөр”-ийг угтсан “Цахим орчин дахь хүүхэд хамгаалал” уулзалт болно.
