Уншигч та бүхэнд энэ долоо хоногийн буюу аравдугаар сарын 30-аас арваннэгдүгээр сарын 5-ны  өдрийн зурхайг танилцуулж байна. 

-Хонь-

Энэ долоо хоногийг өөртөө зориул. Шинэ зүйл судлахад цагаа зарцуул. Хувийн амьдралын хэв маяг, аль эсвэл дүр төрхөө өөрчлөх шинэ зүйл туршаарай. Санхүүгийн байдлаа сайжруулах шинэ стратеги боловсруулахад тохиромжтой. Шаргуу хөдөлмөрлөж олсон мөнгөнийхөө ихэнх хэсгийг материаллаг зүйлд зарцуулах төлөвтэй байна. Гэхдээ үүгээрээ та гэр бүлийнхнээ баярлуулж чадна. Хожим нь төлбөр тооцооны асуудалд орохоос сэрэмжилж, хөрөнгө оруулалт, зээлээ сайтар хянаарай. Өөрийн мэдрэмжээ хайр уу, шохоорхол уу гэдгийг таних долоо хоног. Таны гадаад төрх, сэтгэл татам байдал хайртай хүнд тань таалагдана. Ядарч, дархлаа суларвал өдөр тутмын ажлаасаа түр хөндийрөөд шинэ зүйл хийгээрэй.

-Үхэр-

Энэ долоо хоногт бие махбод болон сэтгэл санааны хувьд ядарч туйлдаж магадгүй. Өөрийгөө барьж дийлэхгүй зарим нэг хүчтэй сэтгэл хөдлөлийг даван туулж магадгүй. Карьерийн тухайд зорилгодоо хүрэхийн тулд тууштай байгаарай. Амжилт гаргах цаг мөдхөн байна. Албан тушаал ахих, өсч дэвжих тухай сайхан мэдээ сонсож магадгүй. Хайртай хүнтэйгээ лааны гэрэлд оройн зоог барих ч юм уу романтик төлөвлөгөө гаргаарай. Санхүүгийн төлөвлөгөө, зардлын менежмент дээрээ үр дүнтэй ажиллах долоо хоног. Үр дүнд нь та маш их мэдлэгэ, туршлага хуримтлуулж үлдэх болно. Долоо хоногийн сүүл үеэр сэтгэл түгшээсэн зарим нэг зүйл тохиолдож магадгүй. Тайван байж, хэрүүл маргаанаас зайлсхий.

-Ихэр-

Энэ долоо хоногт та бусдын тус дэмийг хангалттай хүртэнэ. Найзуудтайгаа холбоо тогтоож, янз бүрийн үйл ажиллагаа зохион байгуулж магадгүй. Хамтран ажилладаг хүнд тань заавар зөвлөгөө хэрэгтэй болж, та багшийн үүрэг гүйцэтгэж магадгүй. Хэцүү төслийн ард гарахыг хичээж байгаа найз нөхөртөө сайн дураараа туслаад өгөөрэй. Хайртай хүнтэйгээ цагийг үр дүнтэй өнгөрөөнө. Та хоёрын сэтгэл санаа тогтвортой, амьдрал гайхалтай бүрэн дүүрэн байна. Хайртай хүндээ магтуулна. Санхүүгийн байдал сайн байгаад зогсохгүй тусламж хэрэгтэй хүмүүст туслана. Урт хугацааны санхүүгийн төлөвлөгөөгөө гаргаарай. Эрүүл мэндийн тухайд дасгал хөдөлгөөн, эрүүл хооллолтын хэв маягийг сонгоорой.

-Мэлхий-

Энэ долоо хоногт карьертаа түлхүү анхаарал хандуул. Урт хугацааны ажил хэргийн төлөвлөгөөгөө гаргах ч юм уу илүү том төсөл дээр ажиллаж эхлэхэд тохиромжтой. Бизнес аялалд явах, цахим хичээлд суух, ажилтай холбоотой хурал цуглаанд оролцох гэх мэт боломжийг бүү алдаарай. Замд тань таарах шинэ санаа, боломж нэг бүрийг анхаараарай. Гэр бүлтэйгээ цагийг сайхан өнгөрүүлнэ. Хайртай хүнтэйгээ хамт сэтгэл санаа сайхан байна. Төлбөр тооцооны асуудлаас болж толгой өвдөж магадгүй. Санхүүгийн бэрхшээлдээ санаа зовохын оронд орлогын нэмэлт эх үүсвэртэй болох талаар бодож үзээрэй. Өөртөө зориулан төсөв зохиогоод, түүнийгээ хатуу чанд мөрдөхийг зөвлөе. Хурц хоол хүнснээс зайлсхий.

-Арслан-

Аливаа ажил хэргийг илүү том зургаар нь харахын тулд нэг алхам ухрах шаардлагатай болно. Сонирхож буй сэдвээрээ өөрийгөө хөгжүүлж, шинэ зүйл сур. Унш, бич, судал. Хамт ажилладаг хүнийхээ тусламжтайгаар ахиж дэвшиж магадгүй. Хэн нэгэнд сэтгэгдэл төрүүлэх хүсэл эрмэлзэл тань өндөр байна. Шинэ танилтай болж, бусдад нөлөөлөхөд тохиромжтой үе. Хайр дурлалын харилцаанд тань бага зэрэг анхаарал халамж хэрэгтэй байна. Уйтгартай зүйлсээ хаяад хайртай хүнээ гайхшруул. Амьдралдаа сэтгэл хангалуун байхын тулд багагүй мөнгө зарцуулах төлөвтэй байна. Хааяа өөрийгөө баярлуулахад гэмгүй. Үүний зэрэгцээ мөнгөний урсгалыг тасалдуулахгүйн тулд төлөвлөгөөтэй ажилла.

-Охин-

Энэ долоо хоногт өөрийгөө сайжруулах хүсэл эрмэлзэл дүүрэн байна. Зөн совингоо дагаад илүү том зорилгын төлөө тэмүүл. Чухал уулзалтад оролцох юм уу илтгэл тавих бол өөрийнхөөрөө байгаарай. Шинэ бизнес эхлүүлэхээр төлөвлөж байсан бол энэ долоо хоногт хамгийн тохиромжтой үе. Хайр дурлалын харилцаанд зөрчилдөөн гарч, сэтгэл санаа зовооно. Тэвчээрийг тань шалгах долоо хоног гэдгийг санаарай. Танд асуудлыг шийдвэрлэх авъяас байж болох ч болгоомж хэзээд илүүдэхгүй. Санхүүгийн байдлаа сайжруулмаар байгаа бол бизнесийн шинэ хэтийн төлөвийг эрэлхийл. Том шийдвэр гаргахаасаа өмнө мэдээллээ дахин нэг нягтал. Цуу ярианд шууд итгэж болохгүй. Хооллох зуршлаа өөрчлөхгүй бол эрүүл мэнд сайнгүй байна.

-Жинлүүр-

Энэ долоо хоногт та дотно харилцааг нэн тэргүүнд тавина. Хайртай хүнтэйгээ эсвэл дотны найзтайгаа цагийг сайхан өнгөрүүлж, болзоонд явна. Буулт хийх нь харилцаагаа сайжруулах хамгийн чухал алхам. Ажил мэргэжлийн хувьд шинэ багт нэгдэх эсвэл шинэ хүнтэй хамтран ажиллаж эхэлнэ. Бусад хүмүүсийн эерэг энергийг эвдэлгүй ямар ч саналыг нээлттэй хүлээж авахыг хичээгээрэй. Энэ саналууд нь эргээд танд ашиг тусаа өгнө. Хөрөнгийн зах зээлд хөрөнгө оруулахаас зайлсхий. Хожим нь өрөнд орох эрсдэлтэй. Урт хугацаандаа санхүүгийн амжилтад хүрэхэд тань туслах хүчирхэг хүмүүстэй харилцаа тогтоохыг хичээ. Амжилтад хүрэх дөт зам гэж байхгүй учир зөв зам дээр анхаарлаа төвлөрүүлээрэй.

-Хилэнц-

Энэ долоо хоногт тун завгүй байна. Олон жижиг ажилд ухаан санаагаа зарцуулахын зэрэгцээ шинэ үүрэг хариуцлага хүлээж магадгүй. Үүнээс болоод анхаарал сарних магадлалтай. Анхаарал төвлөрөлөө хадгалахын тулд ажлаас ажлын хооронд завсарлага авч байгаарай. Долоо хэмжиж нэг огтол. Хайр дурлалын харилцааны гол цөм нь итгэл. Ганц бие хилэнцийнхэн хосоо хайж байгаа бол нэн тэргүүнд тухайн хүндээ итгэх ёстой гэдгийг санаарай. Санхүүгийн байдал сайжирна. Удаан хүлээсэн ашиг орж ирнэ. Туршлага, ур чадварынхаа ачаар бизнесээ өргөжүүлж чадна. Ажлын ачаалал ихэссэний улмаас ядарч магадгүй. Тиймээс ажлуудаа эрэмбэлж, хамгийн чухлаас нь эхлэн эрч хүчээ зарцуулаарай.

-Нум-

Энэ долоо хоногт шинэ хүмүүстэй хамтарч ажиллах болно. Учир нь төслийн явцад таныг өөр багт хуваарилж магадгүй. Эсвэл танай баг бүрэлдэхүүнд шинэ хүмүүс нэмэгдэнэ. Тиймээс хүмүүстэй мэдлэгээ хуваалцаж, өөрийгөө хөгжүүлэх сайхан боломж гэж үүнийг хараарай. Хайр дурлалын харилцаанд таны сэтгэл хөдлөл давамгай байна. Өчүүхэн бэрхшээлд хүртэл сөхөрч, сэтгэлээр унах хандлагатай байна. Харилцаагаа аврахын тулд хайртай хүнтэйгээ нээлттэй ярилцаарай, хайраа илэрхийлээрэй. Санхүүгийн хувьд хөрөнгө оруулалт хийх, хамтарсан үйлдвэр байгуулах, шинэ компани байгуулах зэрэгт азтай одтой байна. Зүгээр л бүх хүчээ дайчил. Эцэст нь үр шимийг нь хүртэх болно. Өөдрөг, эрч хүчтэй байснаар төлөвлөсөн ажлуудаа хугацаанаас нь өмнө дуусгаж чадна. Эрүүл хооллолтын төлөвлөгөө боловсруул.

-Матар-

Энэ долоо хоногт ихэнх цагийг гэр бүлтэйгээ өнгөрөөнө. Ажлаа түр хойш тавиад, гэр бүлээ нэгдүгээрт тавь. Хайр дурлалын харилцааныхаа зөрчлийг хэдий хурдан шийднэ, төдий чинээ сайн. Өр шир байгаа бол энэ долоо хоногт ихэнхийг нь барагдуулж чадна. Мөн та хэн нэгэнд тус болсон бол тэр хүн тань эргээд талархлаа илэрхийлж, хариу барина. Танд тусламж хэрэгтэй байгаа бол бусдад хандахаас бүү эмээ. Шинэ бизнес эхлүүлэхэд тохиромжтой. Өмнөх хөрөнгө оруулалтынхаа үр шимийг хүртэнэ. Нийгмийн сүлжээгээ өргөжүүлэх шинэ боломжуудыг эрэлхийл. Эрүүл мэнд маш сайн байх ч ус сайн уугаарай. Ажил дээрээ онцгой үр бүтээмжтэй, аз жаргалтай байж чадна.

-Хумх-

Энэ долоо хоногт шинэ, хуучин танилуудтайгаа уулзаж учраад завгүй байна. Шинэ хүмүүстэй танилцахаас гадна хуучин найз нартайгаа ч уулзаж, урам зориг авна. Олон ажилд самгардаж магадгүй. Утасны дуудлага, цахим шуудангаас эхлээд анхаарал сарниулах зүйлс бишгүй байна. Аливаа тоон мэдээлэл гаргахдаа гол баримтуудыг орхигдуулах вий анхаараарай. Хайр дурлалын харилцаа бүтэмж муутай байна. Хайртай хүндээ сэтгэгдэл төрүүлэхийг хичээх ч санаснаар болохгүй бололтой. Мэдрэмжтэй байхын зэрэгцээ сэтгэл хөдлөлөө хянаж гэмээнэ эрүүл харилцаагаа хадгалж үлдэж чадна. Үнэтэй эд хөрөнгө худалдаж авахаас зайлсхий. Үүний оронд мөнгөө хэмнээд илүү том зүйлд хадгал. Эрүүл мэнд сайн. Гагцхүү өөрийн ааш авираасаа болж сэтгэл хямарч магадгүй.

-Загас-

Энэ долоо хоногт та ажил дээрээ урам зориг дүүрэн байна. Шинэ төсөл боловсруулж, шинэ санаагаа хэрэгжүүлж чадна. Бие дааж аливаа ажил эхлүүлэхэд тохиромжтой. Хэлэх гэснээ хэлчихдэг хурц зан ааштай хүмүүсээс болж бухимдах үе гарна. Гэхдээ зөөлөн нь хатуугаа иддэг гэдгийг санаад тэвчээртэй байгаарай. Зөөлөн байсны үр дүнд цаад хүмүүс тань ч тайвширж, танд ажлаа дуусгах боломж олгоно. Хайр дурлалын харилцаагаа аврахын тулд багагүй хүчин зүтгэл гаргах шаардлагатай байна. Санхүүгийн байдал дунд зэрэг. Сонор сэрэмж, болгоомж хэзээд илүүдэхгүй. Их хэмжээний мөнгө олох боломж гарах ч гэлээ ирээдүйгээ харж, одооноос хэмнэ. Эрүүл мэндээ үл тоомсорлон, хэт их ажилласнаас болоод сэтгэл түгшиж, бие ядрана.