"H&M" компани Австралид сурагчийн дүрэмт хувцасны сурталчилгаагаараа олон нийтийн сүлжээгээр дамжуулан хүүхдүүдийг бэлгийн харилцаанд уруу татсан хэмээн буруутгагдав. Улмаар олон нийтээс ирсэн хүчтэй шүүмжлэлийн дараа тэд уучлалт гуйж, зар сурталчилаагаа татжээ.
"Бид уг зарыг устгасан. Үүнээс үүдсэн асуудалд бид гүнээ харамсаж байгаа. Цаашид кампанит ажлаа хэрхэн танилцуулах хянамгай байж, судалж байна" гэж CNN-д өгсөн яриандаа дурджээ.
Зар сурталчилгааг устгахаас өмнө олон нийтийн сүлжээнд хэрэглэгчид SCREENSHOT хэлбэрээр нийтэлсэн. Уг сурталчилгаанд бага ангийн хоёр охин сургуулийн дүрэмт хувцас өмссөн байх бөгөөд зурагны дээд талд “Make those heads turn in H&M’s Back to School fashion” гэсэн уриаг бичжээ.
Энэ нь олон нийтийн мэдээллийн хэрэгслээр шуугиан дэгдээж, хэрэглэгчид уг зар сурталчилгааг байх ёсгүй зүйл хэмээж, сургуульд байх үеийн таагүй дурсамжуудаа эргэн сөхөцгөөж байна.
Австралийн зохиолч Мелинда Танкард Рейст өөрийн бүтээлээрээ бэлгийн харьцаанд оруулах, порнографын хор хөнөөлийг хөнддөг бөгөөд олон нийтийн сүлжээгээр сурталчилгааг эсэргүүцсэн анхны хүмүүсийн нэг байв.
Л.Сайнаа