УИХ-ын гишүүдийн хамгийн алдарт таван зураг, агшныг манай сайт үсгийн дарааллаар өдөр бүр цувралаар хүргэж байна. Энэ удаа толилуулах бичлэг, зураг бол гишүүн Х.Булгантуяагийнх. 

1. Сайдын үлээсэн ШҮГЭЛ

2023 оны гуравдугаар сард Х.Булгантуяа сайд "Шүгэл" нэртэй төслийг хэрэгжүүлэх талаараа тайлбарлаж, шүгэл үлээсэн. Тэрбээр "Хүчирхийлэлд өртсөн үед хүүхэд хамгаалах шүглийг үлээнэ. Энэ бол их энгийн шүгэл. Эцэг эхчүүд хүүхэддээ энэ шүглийг авч өгөх ёстой” гэсэн байдаг. Камерын өмнө шүгэл үлээсэн ч түүний үлээсэн шүгэл дугараагүй юм. 

2. Улс төр дэх үнсэлт

2023 оны нэгдүгээр сард Боомтын сайдаар Х.Булгантуяаг томилсон. Уг томилгооны үеэр МАН-ын бүлгийн дарга Д.Тогтохсүрэн, Х.Булгантуяа нарын бие биенийгээ үнсэж буй зураг нийгэмд багагүй сенсац тарьсан билээ. 

3. Төрийн тэргүүнд загнуулав

Энэ оны гуравдугаар сард “Төрийн цэргийн болон хууль сахиулах байгууллагын эмэгтэй ахлагч нарын анхдугаар чуулга уулзалт”-ын үеэр тэрбээр Ерөнхийлөгч У.Хүрэлсүхэд загнуулсныг уншигч та мэдэх биз ээ. Тухайлбал, Хуралд байнга хоцорч орж ирдэг сайд нар байх юм. Булгантуяа чи бос, хүмүүсээс уучлалт гуй. Та нар битгий хурлаас хоцорч бай" гэж загнахад сайд Х.Булгантуяа суудлаасаа босож, уучлалт хүссэн. 

4. Сонгууль дөхсөн нь...

2024 оны тавдугаар сарын 1-ны өдөр буюу өчигдөр өглөө түүний скүүтэр унан ажилдаа явж буй бичлэг олон нийтийн сүлжээнд цацагдсан. Хэвлэл мэдээлэллүүд болон иргэдийн хэлж буйгаар сонгуулийн шоу эхэлсэн аж. Х.Булгантуяа сайд үүнийг тайлбарлахдаа "Би дугуйн спортоор хичээллэдэг. Хавар, зундаа ихэвчлэн дугуй унадаг" гэсэн юм. 

5. Спортлог улстөрч 

Тэрбээр дэд сайд байхдаа Архангай аймгийн Өгийнуурт болсон Триатлоны насанд хүрэгчдийн Улсын аварга шалгаруулах тэмцээнд оролцож байсан спортлог улстөрч.