Хамтарсан Засгийн газрын 14 мега төслийг цувралаар танилцуулж байна. Засгийн газар "хөгжлийн хөдөлгүүр" гэгдэх 14 мега төслийг зорилго болгон ажиллахаа зарлаад буй. Ерөнхий сайд Л.Оюун-Эрдэнэ "2025 оны төсөв бол Монгол Улсын хувьд бүсчилсэн хөгжлийн үзэл баримтлалын дагуу боловсруулсан эхний төсөв бөгөөд ирэх 4 жилийн улс орны хөгжлийн чиг хандлагыг тодорхойлох ач холбогдолтой" гэж байлаа.

Нүүрс-хими, Кокс-химийн цогцолбор

Эдийн засгийн хувьд тогтвортой, үйлдвэрлэгч орон болох... Хамтарсан Засгийн газрын хэрэгжүүлэх 14 мега төсөлд өндөр технологи бүхий аж үйлдвэрийн төслүүд багтсан байгаа. Түүнийг хөгжүүлж чадвал, эцсийн үр дүнд хүрч чадвал эдийн засгийн тогтвортой, бие даасан байдлыг хангахад ихээхэн үүрэг гүйцэтгэнэ гэж харж буй.

Манай улс байгалийн баялагаа олборлож, шууд экспортлох замаар л эдийн засгийн торхоо дундлахгүй явж ирсэн нь үнэн. Энэ байдал нь тодорхой хэмжээгээр эдийн засгийн тэлэх боломжийг хаадаг байна. Түүнчлэн баяжуулах, боловсруулах салбар төдийлөн хөгжөөгүй гэдгийг мэргэжилтнүүд хэлсээр ирсэн.

Уул уурхайн бүтээгдэхүүний нийт экспортын 92 хувийг  боловсруулаагүй түүхий эд эзэлдэг байна. 

Цаашид үйлдвэрлэл, технологийн парк байгуулсан болон байгуулж байгаа аж ахуйн нэгжүүдэд холбогдох хууль, тогтоомжид нийцүүлэн үйлдвэрлэл, технологийн паркийн үйл ажиллагаа эрхлэх тусгай зөвшөөрөл олгуулах, паркийн газрыг улсын тусгай хэрэгцээнд авах, гаргах зэрэг асуудлыг Засгийн газраар хэлэлцэх нь цаг хугацааны асуудал болсон. 

Нүүрс-хими, Кокс-химийн цогцолбор төслийн үр дүнд...

2025 оноос төр хувийн хэвшлийн түншлэлээр хэрэгжүүлнэ. Нийт хөрөнгө оруулалт 12 их наяд 133,2 тэрбум төгрөг. 

Нүүрсийг дахин боловсруулж устөрөгч болгох, нүүрсийг угаах технологийг бий болгоно.

Гарах үр дүн:

• Нэмүү өртөг шингэсэн хүнд үйлдвэрлэлийг хөгжүүлж, боловсруулах үйлдвэрлэлийг нэг шат ахиулснаар экспортын орлогыг нэмэгдүүлэх, олон улсын түүхийн эдийн үнээс хараат байдлыг бууруулах боломж бүрдэнэ.

 Кокс-химийн үйлдвэр:

• Нүүрс баяжуулах үйлдвэрийн 1 дүгээр шатанд 10 сая тонн коксжих нүүрсийг угааж, 5.4 сая тонн баяжуулсан нүүрс, 3 сая тонн завсрын бүтээгдэхүүн (мидлинг) үйлдвэрлэнэ.

• 2.7 сая тонн баяжуулсан нүүрсийг боловсруулж, 2 сая тонн хатуу кокс, 107 МВт цахилгаан эрчим хүч үйлдвэрлэнэ.

• Дотоодын хэрэглээнээс илүү гарсан 1.5 сая тонн коксын бүтээгдэхүүнийг экспортолно.