Өнгөрсөн ням гараг Олон улсын эмэгтэйчүүдийн эрхийг хамгаалах өдөр боллоо. Энэхүү өдрийг манай улсад өргөн дэлгэр тэмдэглэдэг. Бүсгүйчүүд энэ өдөр гадуур гарч, согтууруулах ундаа хэрэглэх нь цөөнгүй. Иймд, бид өнөөдөр шартаж сэрсэн эмэгтэйчүүддээ зориулсан шар тайлах зөвлөгөөг хүргэж байна. 

     Согтууруулах ундаа хэтрүүлэн хэрэглэсний дараа толгой өвдөх, дотор муухайрах, ядрах зэрэг шинж илэрдэг. Эдгээрийг шарталт гэж нэрлэдэг бөгөөд зөв арга хэмжээг авах нь бие махбодыг хурдан сэргэхэд тустай.

Эхний ээлжинд хамгийн чухал нь шингэн нөхөх юм. Ус, жимсний шүүс, бага зэрэг давс, сахар агуулсан шингэн нь биеийн ус, эрдэс бодисыг нөхөхөд тусалдаг. Мөн хөнгөн хоол идэх нь тохиромжтой. Шөл, будаа, банан, талх, өндөг зэрэг нь биеийн энергийг сэргээж, дотор муухайралтыг багасгахад дэмжлэг болдог.

Түүнчлэн биеийг амраах нь зайлшгүй чухал. Унтаж амрах замаар архины хорт бодис биеэс аажмаар гадагшилж, эрч хүч сэргэдэг. Цэвэр агаарт богино хугацаанд алхах, бага зэрэг хөдөлгөөн хийх нь цусны эргэлтийг сайжруулж, биеийг сэргээхэд дэмжлэг үзүүлдэг. Харин кофе их хэмжээгээр хэрэглэх нь биеийг дахин шингэн алдалтад оруулж болзошгүй тул анхаарах хэрэгтэй.

Эмч нарийн зөвлөгөөний дагуу, “дахин архи ууж шарталтыг тайлах” нь түр зуурын мэдрэмж өгдөг ч бие махбодод сөрөг нөлөөтэй гэж онцолж байна. Хүчтэй бөөлжих, ухаан балартах, цээжээр өвдөх зэрэг шинж илэрвэл яаралтай мэргэжлийн тусламж авах хэрэгтэй.