АНУ-ын Бостон хотын марафон гүйлтийн үеэр болсон дэлбэрэлтэд Чечений цагаачдын хүү ах, дүү Царнаев нарыг сэжиглэж байгаа. Баривчилгааны үеэр цагдаа нартай мөргөлдөж амиа алдсан 26 настай Тамерлан Царнаевын цогцсын зураг интернэтэд цацагдсан нь шуугиан тариад байна.

Холбогдох албаны хүн Тамерлан Царнаевын цогцсын жинхэнэ зураг гэдгийг 100 хувь баталж байна хэмээн мэдэгдсэн гэж  “TMZ” сайт бичжээ.

Тамерлан Царнаев нь олон тооны сумны шарх авснаас гадна цээж хэсэгтээ гүн зүсүүлснийг зургаас харж болно. Мөн түүний нүүрний хавьд нэлэхүйдээ цус болсон байсан бөгөөд нүд нь нээлттэй, ам нь ангайсан байв. Цагдаа нар энэ зургийг хэн илчилснийг хайж байна.