Шилэн лонхон доторх энэхүү өвс ногоог олон жилийн хүч хөдөлмөрийн үр дүнд ургуулсан гэж та бодож байгаа бол андуурч байна. Дэвид Латимерийн байшингийн шатан дор байсан энэ лонхонд 40 жил ус хийгээгүй байтал ийм их өвс, ногоо ургасан нь хачирхалтай. Дэвид анх 1960 онд лонхонд өвс ургуулах туршилт хийж байв. Энэ санаагаа хэрэгжүүлэхийн тулд 10 ширхэг том хэмжээтэй, бөмбөгөр лонх худалдан авч ёроолд нь үр цацжээ. Ингээд ганцхан улирал услаад энэ санаа нь хэрэгжихгүйг мэдээд лонхнуудыг хуучин байрандаа үлдээгээд мартаж орхисон гэнэ. Шилэн дотор хаясан ургамлын үрнээс навч цэцэглэн, фотосинтез явагдан, ургамал ургахад шаардлагатай гэрлүүдийг сорох боломжтой болсон хэмээн Дэвид тайлбарлаж байна. Фотосинтез явагдсанаар ургамал хүчилтөрөгчөөр амьсгалж, агаараас хангалттай чийг авчээ. Энэ нь ургамал нөхөн төлжих боломжтойг, байгаль өөрөө эргэлтэнд оршдогийг батлалаа хэмээн мэргэжилтнүүд үзэж байна. Гэхдээ усалгаагүй шилэнд ургамал ургах нь энгийн үзэгдэл биш юм.
