-
2016 оны 4 сарын 22
Бага хангай
-
2016 оны 4 сарын 22
2016 оны 04 дүгээр сарын 23-наас 04 дүгээр сарын 27-ныг хүртэлх
цаг агаарын урьдчилсан төлөв:
23-нд Хөвсгөлийн уулархаг нутаг, Орхон-Сэлэнгийн саваар, 24-нд нутгийн хойд хэсгээр, 25-нд төв, говь, зүүн зүгийн нутгийн зарим газраар хур тунадас, нойтон цас орно. Салхи 23-25-нд зарим газраар секундэд 14-16 метр хүрч шороон болон цасан шуурга шуурна. 24,25-нд сэрүүсч Хангай, Хөвсгөл, Хэнтэйн уулархаг нутаг, Туул, Тэрэлж, Хэрлэн, Улз, Халх голын сав газраар шөнөдөө 7-12 градус хүйтэн, өдөртөө 3-8 градус, Их нууруудын хотгор болон говийн бүс нутгийн өмнөд хэсгээр шөнөдөө 3-8 градус, өдөртөө 15-20 градус дулаан, бусад нутгаар шөнөдөө 3-8 градус хүйтэн, өдөртөө 10-15 градус дулаан байна. Бусад хугацаанд дулаан байна.
-
2016 оны 4 сарын 22
Үс шинээр үргээлгэх буюу засуулбал өлзийтэй сайн
-
2016 оны 4 сарын 22
2016 оны 04 дүгээр сарын 21-ний 21 цагаас 04 дүгээр сарын 22-ны 21 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Хур тунадас орохгүй. Салхи зүүн өмнөөс секундэд 6-11 метр. Шөнөдөө Хангайн уулархаг нутгаар 1-6 градус хүйтэн, Алтайн өвөр говиор 4-9 градус дулаан, бусад нутгаар шөнөдөө 2 градус хүйтнээс 3 градус дулаан, өдөртөө Алтайн уулархаг нутаг, Увс нуурын хотгор, Алтайн өвөр говиор 19-24 градус, бусад нутгаар 14-19 градус дулаан байна.
ТӨВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун хойноос секундэд 5-10 метр, зарим газраар секундэд 12-14 метр хүрч шороон шуурга шуурна. Хангай, Хөвсгөл, Хэнтэйн уулархаг нутаг, Туул, Тэрэлж голын хөндийгөөр шөнөдөө 7-12 градус хүйтэн, өдөртөө 4-9 градус дулаан, бусад нутгаар шөнөдөө 3-8 градус хүйтэн, өдөртөө 10-15 градус дулаан байна.
ЗҮҮН АЙМГУУДЫН НУТГААР: Солигдмол үүлтэй. Шөнөдөө нутгийн зүүн хэсгээр, өдөртөө Халх голын саваар хур тунадас орно. Салхи зүүн хойноос секундэд 7-12 метр, шөнөдөө нутгийн зүүн хэсгээр секундэд түр зуур 18-20 метр хүрч шороон болон цасан шуурга шуурна. Сэрүүсч шөнөдөө бүх нутгаар 3-8 градус хүйтэн, өдөртөө нутгийн баруун хэсгээр 7-12 градус, зүүн хэсгээр 4-9 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Хур тунадас орохгүй. Салхи баруун хойноос секундэд 6-11 метр, зарим үед секундэд 14-16 метр хүрч шороон шуурга шуурна. Шөнөдөө 6-8 градус, өдөртөө 7-9 градус дулаан байна.
ГОВИЙН АЙМГУУДЫН НУТГААР: Багавтар үүлтэй. Хур тунадас орохгүй. Салхи баруун хойноос секундэд 5-10 метр, зарим газраар секундэд 12-14 метр хүрч шороон шуурга шуурна. Өмнөговийн нутгаар шөнөдөө 2 градус дулаанаас 3 градус хүйтэн, өдөртөө 13-18 градус дулаан, бусад нутгаар 1-6 градус хүйтэн, өдөртөө 10-15 градус дулаан байна.
УЛААНБААТАР ХОТ: Багавтар үүлтэй. Хур тунадас орохгүй. Салхи баруун хойноос секундэд 7-12 метр, шороон шуурга шуурна. Шөнөдөө 6-8 градус хүйтэн, өдөртөө 6-8 градус дулаан байна.
-
2016 оны 4 сарын 21
Улсын их дэлгүүрээс Цирк хүрэх зам автомашингүй гудамж болно
-
2016 оны 4 сарын 21
2016 оны УИХ болон аймаг, нийслэлийн ИТХ-ын ээлжит сонгууль болохтой холбогдуулан сонгогчдын ирцийг хангах, идэвхтэй оролцоход анхаарах үүднээс алдаж гээсэн болон шинээр авах цахим үнэмлэхийг тасралтгүй хэвлэн олгох тал дээр анхаарч ажиллаж байгаа гэж холбогдох албаныхан хэлж байна.
Хэрэв үнэмлэхээ хаясан бол иргэд оршин суугаа харьяа аймаг, нийслэлийн сум, хорооны улсын бүртгэгч болон УБСГ-ын Улсын бүртгэлийн газар, хэлтэст хандаж бичиг баримтын зөрчлөө арилгах ёстой юм. Ингэснээр нийслэлийн иргэн бол захиалга өгч, бүртгэл баталгаажснаас хойш долоо хоногт, орон нутгийн иргэд шуудангийн хүргэлтээс шалтгаалан 10-14 хоногийн хугацаанд авах боломжтой юм байна.
Түүнчлэн сонгуулийн жил болж буйтай холбогдуулан шилжилт хөдөлгөөний энэ сарын 30-наар түр зогсоох болсон. Харин иргэд үүнээс өмнө шилжилт хөдөлгөөнөө хийлгээд бүртгэлээ баталгаажуулсан бол шилжилтийн хуудсыг санал авах өдөр заавал авч ирэх шаардлагагүй хэмээжээ.
-
2016 оны 4 сарын 21
НИТХ-ын Тэргүүлэгчдийн ээлжит хуралдаан өнөөдөр болж хуралдаанаар нийслэлийн Засаг даргын нөөц хөрөнгөөс түргэн тусламжийн 10 машин худалдан авах тухай асуудлыг хэлэлцэн баталлаа.
Өнөөдрийн байдлаар нийслэлийн хэмжээнд эрүүл мэндийн яаралтай түргэн тусламжийн үйлчилгээнд 70 машин явж байгаа бөгөөд энэ нь яаралтай тусламж үйлчилгээ үзүүлэхэд хангалттай биш гэдгийг Эрүүл мэндийн газраас онцолж байгаа юм.
Олон улсын стандартаар 8-10 мянган хүн тутамд нэг дуудлагын машин байх ёстой бөгөөд нийслэлийн хэмжээнд яаралтай түргэн тусламжийн үйлчилгээнд явах 130 машин байвал эрүүл мэндийн түргэн тусламжийн үйлчилгээ сайжрах боломжтой юм байна.
Тиймээс нийслэлийн иргэдэд үзүүлэх эрүүл мэндийн түргэн тусламжийн үйлчилгээг сайжруулах, цаашлаад АСЕМ-ын уулзалтад ирсэн зочид, төлөөлөгчдийн эрүүл мэнд, аюулгүй байдлыг хангах зорилгоор иж бүрэн тоноглогдсон түргэн тусламжийн үйлчилгээнд явах 10 машиныг нийслэлийн Засаг даргын нөөц хөрөнгөөс худалдан авахаар шийдвэрлэлээ. Эдгээр 10 машиныг нийт 1 тэрбум 30 сая төгрөгөөр худалдан авах урьдчилсан тооцоо байгаа бөгөөд энэ нь Эрүүл мэндийн яамнаас гаргасан үнэлгээ юм байна. Шинээр худалдан авсан түргэн тусламжийн машинуудыг АСЕМ-ын уулзалтын үеэр дүүргүүдийн түргэн тусламжийн үйлчилгээ үзүүлэх цэг болон зочид төлөөлөгчдийн байрлах газруудад байршуулах бөгөөд АСЕМ-ын уулзалтын дараа дүүргүүдэд хуваарилан өгөх юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 21
Өнгөрсөн хоногт ихэнх нутгаар хүчтэй салхи салхилж, шороон шуурга шуурсан байна. Ялангуяа Хэнтий, Дорнод, Дундговь, Дорноговь, Сүхбаатарын нутгаар салхи секундэд 18-20 метр, зарим үед секундэд 24 метр хүрч ширүүсч, шороон шуурга шуурсан байна.
Хаврын хуурайшилтын үед салхины хурд их байгаа нь ой, хээрийн түймэр гарах эрсдэлийг бүрдүүлж байна.
Тухайлбал, 2016 он гарсаар улсын хэмжээнд нийт 31 удаагийн ой, хээрийн түймрийн тохиолдол бүртгэгдэж 3 хүн нас барж, 1 хүн түлэгдэж гэмтсэн.
Өнгөрсөн хоногт Төв аймгийн Батсүмбэр сумын Баянгол багийн “Овоотын-Ам”, Архангай аймгийн Булган сумын Тамир багийн Улаан давааны “Баруун хар чулуут” гэдэг газар гарсан ой, хээрийн түймрийг цурамд оруулсан, бүрэн унтраахаар ажиллаж байна.
Харин Дорнод аймгийн Хөлөнбуйр сумын Баян-Уул багийн “Жаргалантын-Энгэр” гэдэг газар /сумын төвөөс зүүн урд зүгт 12 км/ хээрийн түймэр гарч тус аймгийн Булган сум, Сүхбаатар аймгийн Сүхбаатар сумын нутагт тархан шатсан тухай дуудлагаар /2016.04.20/, Дорнод аймгийн Онцгой байдлын газрын 19 албан хаагч, Хөлөнбуйр сумын 40 иргэн, Булган сумын 10 иргэн, Сүхбаатар аймгийн Онцгой байдлын газрын 35 албан хаагч, Баруун-Урт сумын 16 иргэн, Сүхбаатар сумын 21 иргэн, нийт 141 хүн түймрийг унтраахаар,
Мөн Булган аймгийн Сэлэнгэ сумын Сэлэнгэбүрэн багийн “Зүүн гол” гэдэг газар /сумын төвөөс хойд зүгт 60 км/ ойн түймэр гарсан дуудлагаар /2015.04.20/ тус аймгийн Онцгой байдлын газрын 12 албан хаагч, Сэлэнгэ сумын 8 иргэн, нийт 20 хүн түймрийг унтраахаар,
Төв аймгийн Мөнгөнморьт сумын Жаргалант багийн зүүн бүрхийн “Дуутын-Ам” гэдэг газар /сумын төвөөс зүүн хойд зүгт 20 км/ ойн түймэр гарсан тухай дуудлагаар /2016.04.20/ тус аймгийн Онцгой байдлын газрын 12 албан хаагч, орон нутгийн 38 иргэн, нийт 50 хүн түймрийг унтраахаар,
Дорнод аймгийн Баяндун сум, Баян-Уул сумын залгаа нутаг Хархираа багийн “Сонгоол даваа” гэдэг газар /Баян-Уул сумын төвөөс зүүн зүгт 35 км/ хээрийн түймэр гарсан тухай дуудлагаар /2016.04.20/ тус аймгийн Онцгой байдлын газрын албан хаагчид орон нутгийн иргэд нийт 24 хүн түймрийг унтраахаар тус тус ажиллаж байна.
-
2016 оны 4 сарын 21
Б.Булганыг цагдан хорих 461 рүү шилжүүлжээ
-
2016 оны 4 сарын 21
Үлэг гүрвэлийн олдвор давуулжээ
-
2016 оны 4 сарын 21
Дорнод аймагт гарсан ой хээрийн түймрийг унтраахаар ажиллаж байна
-
2016 оны 4 сарын 21
ЦЕГ-ын даргыг чөлөөлөх хүсэлт хүргүүлжээ
-
2016 оны 4 сарын 21
Нийслэлийн Тээврийн газрын техникийн хяналтын үзлэгийн төв нь жилд 2 удаа нийтийн зорчигч тээврийн хэрэгслүүдийн техникийн хяналтын үзлэгийг тус газрын даргын тушаалаар батлагдсан хуваарийн дагуу зохион байгуулдаг.
Энэ оны 03 дугаар сарын 02-ны өдрөөс 04 дүгээр сарын 15-ны өдрийн хооронд хаврын ээлжит үзлэгийг зохион байгууллаа. Энэ оны 07 сард зохиогдох АСЕМ-ын дээд түвшний 11 дүгээр чуулга уулзалтын бэлтгэл ажлыг хангахтай холбогдуулан Нийтийн зорчигч тээврийн бүртгэлийн санд бүртгэлтэй тээврийн хэрэгслүүдээ тушаалаар батлагдсан хуваарьт хугацаанд багтаан холбогдох стандартын шаардлагуудыг бүрэн хангуулж техникийн хяналтын үзлэгт жигд, шуурхай хамруулахыг тус газартай нийтийн зорчигч тээврийн үйлчилгээ эрхлэх гэрээ байгуулан ажиллаж байгаа нийт аж ахуйн нэгж байгууллагуудад мэдэгдэл хүргүүлэн ажиллав.
2016 оны хаврын ээлжит техникийн хяналтын үзлэгт үндсэн чиглэлийн 20, туслах чиглэлийн 11, буухиа чиглэлийн 4, такси үйлчилгээний 14 аж ахуйн нэгж байгуулагуудын нийт 1734 тээврийн хэрэгсэл хамрагдлаа.
Тушаалаар батлагдсан хугацаанд үзлэгт хамрагдаагүй 179, стандартын шаардлага хангаагүй 13 тээврийн хэрэгслийн мэдээллийг Улаанбаатар хотын Замын цагдаагийн газар, Замын хөдөлгөөний удирдлагын төв, Улаанбаатар смарт карт болон холбогдох хэлтсүүдэд хүргүүлэн нийтийн зорчигч тээврийн бүртгэлийн сангаас хасуулаад байна.
Тус үзлэгт хамрагдсан тээврийн хэрэгслүүдийн утаа хаялт стандартад тогтоосон хэмжээнээс хэтэрсэн, гэрэлтүүлэх хэрэгслүүд дутуу асдаг, реклам сурталчилгааг тээврийн хэрэгслийн өнгө үзэмжид сөргөөр нөлөөлөхүйц байрлуулсан зэрэг зөрчлүүд ихээхэн илэрснийг арилгуулах арга хэмжээ аваад байна.
Техникийн хяналтын үзлэгийн төвд 2015 онд Нийслэлийн төсвийн 809 сая төгрөгийн хөрөнгөөр Германы “МАХА” фирмийн тоног төхөөрөмжөөр шинэчлэл хийгдсэн. Хэмжилтийн өндөр нарийвчлал бүхий шинэ тоног төхөөрөмжүүдийг ашиглан техникийн хяналтын үзлэг хийснээр тээврийн хэрэгслийн техникийн байдалд тавих хяналт сайжирч, үйлчлүүлэгчдэд өгөх мэргэжлийн зөвлөгөө илүү бодитой боллоо. Техникийн хяналтын үзлэгт хамрагдаж байгаа тээврийн хэрэгслийн их гэрлийн тохиргоо алдагдсан байгаа тохиолдолд тохируулж өгөх үнэ төлбөргүй үйлчилгээ үзүүлж байгаа нь тээврийн хэрэгслийн техникийн бүрэн бус байдлаас шалтгаалсан зам тээврийн осол гарах эрсдлийг бууруулах чухал ач холбогдолтой ажил болж байна.
Мөн гэрлийн тохиргоо шалгах зориулалтын багажгүйгээр хананд их гэрлийг тусгаж тохируулах зааварчлагааг нийтийн тээврийн үйлчилгээ эрхэлдэг үндсэн чиглэлийн аж ахуйн нэгж байгууллагуудад файлаар болон хэвлэмэл байдлаар хүргүүлсэн. Автомашины их гэрэл бүдэг асах шалтгаан, түүнийг засварлах талаар аж ахуйн нэгж байгууллагуудын техник хариуцсан инженер, техникийн ажилтнуудад тогтмол зөвлөгөө өгч байна гэж Нийслэлийн Тээврийн газраас мэдээллээ.
-
2016 оны 4 сарын 21
ОХУ-ын Новосибирск хотын ИТХ-ын дарга Д.В.Асанцев болон хотын дарга А.Е.Локоть нар Дүнжингарав дахь нийслэлийн үйлчилгээний нэгдсэн төвийн үйл ажиллагаатай танилцаж, туршлага солилцов. Тус төвийн үйл ажиллагааны талаар нийслэлийн Засаг даргын Нийгмийн хөгжлийн асуудал хариуцсан орлогч Ц.Энхцэнгэл, нийслэлийн Нутгийн захиргааны удирдлагын хэлтсийн дарга Ү. Ганболд нар танилцууллаа.
Энэ үеэр Новосибирск хотын дарга А.Е.Локоть “Төрийн үйлчилгээг иргэддээ чирэгдэлгүй, шуурхай хүргэдэг болсон чухал ажлыг эхлүүлсэнд маш баяртай байна. Новосибирск хотод энэ төрлийн үйлчилгээ байдаг. Бид үүнийг “Олон талт үйлчилгээний төв” гэж нэрлэдэг. Гэхдээ танайхаас туршлага судлах олон зүйл харагдаж байна. Тухайлбал, Улаанбаатар хотын иргэд удирдлагуудтайгаа видео уулзалт хийж байгаа нь үнэхээр зөв санагдлаа. Манай хот иргэдээ хотын захиргаан дээр 7 хоног бүрийн баасан гарагт хүлээн авч уулздаг. Хотын удирдлагууд иргэдтэйгээ онлайнаар холбогддог энэхүү аргыг өөрийн хотод очоод хэрэгжүүлнэ” гэлээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 21
Хөдөлмөрийн хөлсний доод хэмжээ шинэчлэгдлээ
-
2016 оны 4 сарын 21
“АСЕМ-11” уулзалтын бэлтгэлийг хангах ажлын хүрээнд нийтийн эзэмшлийн төв зам дагуух 1008 гэрэлтүүлгийн шонг угааж цэвэрлэлээ.
Нийтийн үйлчилгээний Улаанбаатар нэгтгэл, Сүхбаатар дүүрэг, Баянгол дүүрэг, Баянзүрх дүүрэг, Хан-Уул дүүрэг, Монгол Улсын Их сургуулийн 90 оюутантай хамтран Чингисийн өргөн чөлөөнд 280, Яармагийн гүүр 20, Наадамчдын гудамж 220, Нисэхийн гудамж, 111, Зайсангийн гудамж 165, Нийслэл хүрээ баруун хэсэгт 36, Олимпийн гудамж 66, Баруун 4 замаас Саппорогийн уулзвар хүртэл 170, Энхтайваны өргөн чөлөө, Их тойруу зэрэг газруудад нийт 1008 гэрэлтүүлгийн шонг угаасан.
Одоогоор угааж цэвэрлэсэн 435 гэрэлтүүлгийн шонг Нийслэлийн ерөнхий төлөвлөгөөний газраас баталсан кодын дагуу саарал өнгөөр будаад байна. Иргэд, аж ахуйн нэгж байгууллагууд угааж цэвэрлэн, будсан шонд дахин зар нааж байна. Тиймээс нийтийн эзэмшлийн эд хөрөнгийг бохирдуулан удаа дараа зар нааж хотынхоо өнгө үзэмжид нөлөөлөхгүй байхыг хүсье.
-
2016 оны 4 сарын 21
Нийслэлийн Засаг дарга бөгөөд Улаанбаатар хотын Захирагч Э.Бат-Үүл шашны байгууллагын үйл ажиллагааг шалгах ажлын хэсэг байгуулах тухай А/295 дугаар захирамж гаргаж тус захирамжийн дагуу шашны байгууллагын үйл ажиллагааг шалгаж эхэллээ. Ажлын хэсэг нь Хууль зүйн яамны бодлогын хэрэгжилтийг зохицуулах газрын даргын баталсан удирдамжийн дагуу нийслэлийн нутаг дэвсгэрт үйл ажиллагаа явуулж буй сүм хийд, шашны байгууллага, шашны чиглэлээр үйл ажиллагаа явуулдаг төрийн бус байгууллага, сургууль, цэцэрлэг, асрамж, халамжийн төвүүдийн ажлыг шалгаж байна. Шалгалалт энэ сарын 19-25-ны өдрүүдэд үргэлжилнэ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 21
Улаанбурхан өвчний улмаас 50 гаруй хүүхэд хорвоог орхисныг албаныхан хэлж буй. Мөн Засгийн газар болон олон нийтийн дэмжлэгээр энэ төрлийн өвчнийг анагаахад шаардлагатай аппарат, төхөөрөмжийг эмнэлгийн байгууллагуудад хүргүүлсээр байгаа юм. Тухайлбал, АНУ-д амьдарч буй монголчууд 1888 ам. доллар хандивласан бол Д.Дагвадорж аварга болон сайн дурын клубынхан мөнгө цуглуулж эхний ээлжийн төхөөрөмжийг хүргүүлжээ.
Сүүлийн өдрүүдэд улаанбурхан өвчний тархалт буурч байгаа ч эмч, эмнэлгийн ажилтнууд ачаалал ихтэй хэвээр байгаа юм байна. Тиймээс АШУИС-ийн оюутнуудыг бүртгэж /2016.04.21/ энэ сарын 4-өөс ирэх сарын 5-хүртэл ХӨСҮТ-д жижүүрт гаргахаар болжээ. Оюутнуудыг маргааш 18:00 цагт ХӨСҮТ-ийн тасаг нэгжүүдэд хуваарилж, шаардлагатай мэдээллийг өгөх юм.
-
2016 оны 4 сарын 21
Ази, Европын Дээд түвшний 11 дүгээр уулзалтын хүрээнд Ази Европын парламентын түншлэлийн 9 дүгээр уулзалт өнөөдрөөс эхлэн гурав хоногийн турш Улаанбаатар хотноо зохион байгуулагдах гэж байна.
Энэ үеэр зочид төлөөлөгчдийн аюулгүй байдал, гарч болзошгүй гэмт хэрэг, зөрчлөөс урьдчилан сэргийлэх, замын хөдөлгөөний ачааллыг бууруулах зорилгоор хэд хэдэн зохион байгуулалтын арга хэмжээ авах тухай Нийслэлийн Засаг даргын захирамж гарсан. Захирамжийн дагуу дөрөвдүгээр сарын 21, 22-ны өдрүүдэд томоохон зах, худалдааны төвүүд амрах бөгөөд эдгээр өдрүүдээс хойш ердийн цагийн хуваарийн дагуу ажиллана.
Зохицуулалтад хамрагдах томоохон зах, худалдааны төвүүдийн цагийн хуваарийн өөрчлөлт
№ Худалдааны төвүүдийн нэр Аж ахуйн нэгжийн нэр Байршил Зохицуулалт хийх өдрүүд
04/21 04/22
Пүрэв Баасан
1 Нарантуул ОУХТөв Нарантуул ХХК Баянзүрх дүүргийн 14 дүгээр хороо Амарна Амарна
2 Өгөөмөр техникийн зах Даймонд ХХК Баянзүрх дүүргийн
14 дүгээр хороо Амарна Амарна
3 Бөмбөгөр- 1
Худалдааны төв Юмт бөмбөгөр ХХК Чингэлтэй дүүргийн 2 дугаар хороо Амарна Амарна
4 Бөмбөгөр- 2 худалдааны төв Эрдэнэбулган ХХК Чингэлтэй дүүргийн 2 дугаар хороо Амарна Амарна
5 Алтжин бөмбөгөр худалдааны төв Даян Өндөр ХХК Чингэлтэй дүүргийн 2 дугаар хороо Амарна Амарна
6 Дүнжингарав худалдааны төв Дүнжингарав ХХК Баянзүрх дүүргийн
14 дүгээр хороо Амарна Амарна
7 Сандэй худалдааны төв Сандэй плаза ХХК Баянзүрх дүүргийн
14 дүгээр хороо Амарна Амарна
8 Шөнийн зах Нармон ХХК Баянзүрх дүүргийн
14 дүгээр хороо Амарна Амарна
-
2016 оны 4 сарын 21
залуу гэр бүл-1-239
төрийн албан хаагч-240-637
хувиараа хөдөлмөр эрхлэгч-638-1250
