-
2016 оны 4 сарын 21
АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны өдрүүдэд Улаанбаатар хотод болно. Уулзалтад 20 гаруй орны 100 гаруй парламентын гишүүд оролцох төлөвтэй байгааг албаныхан хэлж байгаа юм. Эдгээр төлөөлөгчдөөс 5 орны УИХ-ын дарга болон зургаан орны УИХ-ын дэд дарга хүрэлцэн ирэх юм байна. Эдгээр зочид төлөөлөгчид нь нэгдүгээр зэргийн хамгаалалттай зорчдог журамтай бөгөөд энэ өдрүүдэд замын хөдөлгөөний хэт ачааллаас урьдчилан сэргийлэх зорилгоор тээврийн хэрэгслийн улсын дугаарын тэгш сондгойгоор нь ялган замын хөдөлгөөнд оролцуулахаар нийслэлийн Засаг даргын захирамж гарсан.
Маргааш буюу 4 дүгээр сарын 21-ний Пүрэв гарагт тэгш тогоор төгссөн дугаартай тээврийн хэрэгсэл, баасан гарагт сондгой тоогоор төгссөн тээврийн хэрэгсэл замын хөдөлгөөнд оролцоно.
Энэ өдрүүдэд дугаарын хязгаарлалтын үндсэн бүсээс гадна Наадамчдын гудамж, Дүнжингаравын гудамжны Төв аймаг руу салдаг уулзвараас Их тэнгэрийн уулзвар хүртэлх замдуудад 08:00-20:00 цагийн хооронд хязгаарлалтад орсон дугаартай автомашин замын хөдөлгөөнд оролцохгүй.
Энэхүү хязгаарлалтад зочид төлөөлөгчдийн цуваа, дипломат байгууллагын, нийтийн үйлчилгээний том оврын автобус, троллейбус, стандартын шаардлага хангасан такси, тусгай дуут болон гэрэл дохиогоор тоноглогдсон, таних тэмдэг бүхий хэвлэл мэдээллийн байгууллагын тээврийн хэрэгсэл болон хойшлуулшгүй ажил үүрэг гүйцэтгэж яваа тээврийн хэрэгсэл хамаарахгүй. Түүнчлэн 2016 оны 04 дүгээр сарын 21, 22-ны өдрүүдэд хязгаарлалт тогтоосон гудамж, замуудад хүнд даацын ачааны авто машин /10 тонноос дээш/-ыг 06:00-22:00 цагийн хооронд замын хөдөлгөөнд оролцохыг түр хориглоно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 20
Өнөө шөнө Сэлэнгийн өмнөд хэсэг, Төв, Хэнтий, Сүхбаатар, Дундговь, Дорноговийн нутгаар, маргааш өдөр Хэнтий, Дорнодын өмнөд, Дундговийн зүүн хэсэг, Дорноговь, Сүхбаатарын нутгаар салхи секундэд 18-20 метр, зарим үед секундэд 24 метр хүрч шороон шуурга шуурна.
-
2016 оны 4 сарын 20
Энэ сарын 10-ны өдрөөс эхлэн нэмэлт вакцинжуулалтыг эхлүүлэхээр болжээ. Тодруулбал, улаанбурхан өвчний эсрэг үйлчилгээтэй вакцин энэ оны тавдугаар сарын 4, 5-ны өдөр манай улсад ирэх юм байна. Манай улсад улаанбурханы дэгдэлт өндөр байгаа энэ үед Өрхийн эрүүл мэндийн төвийн эмч нар 0-1 насны хүүхдүүдийг дуудлагын дагуу очиж үзэх юм байна.
Энэ нь олон улсын шаардлага, стандартад нийцсэн чанартай вакцин юм.
-
2016 оны 4 сарын 20
Монгол Улсын нийт газар нутгийн 72.1 хувь нь бэлчээр, хадлангийн зориулалттай газарт хамаардаг. 2014 оны байдлаар бэлчээрийн унаган төлөв байдал нь өөрчлөгдөж 65% нь тодорхой хэмжээгээр доройтсон байна.
Хөдөө аж ахуйн салбар дотоодын нийт бүтээгдэхүүний 15 хувийг, үүний дотор мал аж ахуйн салбар нь 80 хувийг үйлдвэрлэж, нийт ажиллах хүчний гуравны нэг нь уг салбарт ажиллаж байна.
Тиймээс улсын эдийн засаг, нийгмийн хөгжилд нэн чухал ач холбогдолтой энэ салбарын тогтвортой хөгжлийн үндэс суурь болсон нөхөн сэргээгдэх нөөц-бэлчээрийг зөв зохистой ашиглах, хамгаалах эрх зүйн орчинг сайжруулах асуудал чухлаар тавигдаж байгаа юм. Энэ асуудлын хүрээнд Бэлчээрийн тухай хуулийн төслийн үзэл баримтлалыг баталж, хуулийн төслийг ХХААЯ-наас батлагдсан үзэл баримтлалд нийцүүлэн боловсруулж, Засгийн газрын хуралдаанаар хэлэлцүүлэхээр бэлтгэж байна.
Бэлчээрийн тухай хуулийн төсөл нь бэлчээрийн даац хэтрүүлж байгаа үндсэн шалтгаан болох хэн ч хариуцлага хүлээдэггүй “нийтээр дундаа ашиглах” өнөөгийн тогтолцоог халж, аж ахуй эрхлэгч малчин өрхийг хот айл, саахалтаар нь бүлгийн зохион байгуулалтад оруулан бэлчээрийг гэрээгээр ашиглуулан хариуцуулах, бэлчээрийг урт хугацаагаар гэрээгээр ашиглуулах, бэлчээрийн ашиглалт хамгаалалтын менежментийг төлөвшүүлэх, бэлчээрийн доройтол, талхлалтад нөлөөлж байгаа шалтгааныг арилгах, нөлөөллийг сааруулахад чиглэгдэнэ.
Уг хуулийн төсөл батлагдсанаар бэлчээрийг ашиглах, хамгаалах гэрээний талуудын эрх үүрэг хариуцлагыг нарийвчлан зохицуулж, бэлчээрийг зүй зохистой ашиглах, хамгаалахад чиглэгдсэн Монгол орны өвөрмөц нөхцөлд тохирсон уламжлалт мал аж ахуй эрхлэх арга ажиллагааг хадгалсан, бэлчээрийн даац, сэргэх чадавхийг малын тоо толгой, сүргийн бүтэцтэй уялдуулсан бэлчээр ашиглалт, хамгаалалтыг төлөвшүүлэх эрх зүйн орчин бүрдэх юм.
-
2016 оны 4 сарын 20
Энэ сарын 22-29-нд Туркийн соёлын өдрүүдийн болно. Тус соёлын өдөр нь энэ жил гурав дахь удаагаа болж байгаа бөгөөд Элчин сайд Мурат Карагөз тавдугаар сургуулын сурагчдыг хүлээн авснаар эхлэх бөгөөд нийслэлийн таван сургуулийн сурагчид оролцсон Олон улсын хүүхдийн баярын өдөрт зориулсан тоглолтоор үргэлжлэх аж.
Мөн энэ үеэр кино долоо хоног арга хэмжээ зохиогдох юм. Тус Туркийн кино долоо хоног 23-29-нд болох бөгөөд Берлин, Венецийн олон улсын наадмуудаас шагнал хүртсэн, Туркийн алдарт найруулагчдын бугээлийг “Тэнгис” кино театрт үзэх боломжтой юм байна. Тухайлбал, Туркэд орлогоороо тэргүүлдэг шилдэг кинонуудын нэг болох “Анчин’’-аар кино өдрүүд эхлэх аж.
Мөн соёлын өдрүүдийн хүрээнд Туркийн дуурийн дуучин Серап Чифтаптвйн тоглолт болон уран зургийн үзэсгэлэн дэлгэгдэх юм. Энэ сарын 23-30-нд гарах уг үзэсгэлэнд 100 гаруй бүтээлийг дэлгэх юм.
-
2016 оны 4 сарын 20
Нийслэлийн ИТХ-ын дарга Д.Баттулга өнөөдөр Япон улсын Итабаши хотын Захирагч, ноён Такеши Сакамото болон тус хотын ИТХ-ын дарга, ноён Х.Сугита тэргүүтэй төлөөлөгчдийг хүлээн авч уузлаа.
Уулзалтын эхэнд НИТХ-ын дарга Д.Баттулга зочид төлөөгчдийг Улаанбаатар хотод тавтай морилохыг хүсээд, Япон улс Монголын ард түмэнд олон талын дэмжлэг туслалцаа үзүүлж байдагт талархаж байгаагаа илэрхийллээ. Түүнчлэн Улаанбаатар хот нь Япон улсын Мияконожо, Саппоро, Аомори, Киото, Фүкүока хотуудтай ах дүү, найрамдалт харилцаатай бөгөөд цаашид Токио хоттой эгч дүү хотын харилцаа тогтоож хамтын ажиллагааг бүх талын салбарт илүү өргөжүүлэн хөгжүүлэх хүсэлтэй байгаагаа онцлов. Мөн тус хотын байгаль орчинд ээлтэй зарим төслүүдийг Улаанбаатар хотод нутагшуулах тал дээр хамтран ажиллах сонирхолтой байгаагаа илэрхийллээ.
Ноён Такаше Сакамото, элгэсэг дотноор хүлээн авч уулзаж байгаад талархал илэрхийлээд, “”Бид хог хаягдлыг дахин боловсруулах технологи болон хаягдал усыг цэвэршүүлэн дахин ашиглах технологийг нэвтрүүлэх тал дээр танай хоттой хамтран ажиллах боломжтой. Мөн 2 орны түүх соёлыг сурталчлах зорилгоор 2 хотын иргэдэд чиглэсэн соёлын хөтөлбөрүүдийг хэрэгжүүлэх хүсэлтэй байгаагаа илэрхийллээ.
Мөн уулзалтын үеэр энэ оны 8 дугаар сард Япон улсын Итабаши хотын дунд сургуулийн хүүхдүүдийн дунд Улаанбаатар хоттой танилцах аялал зохион байгуулахаар төлөвлөж байгаагаа дуулгасан юм.
Хотууд сурагч солилцооны хөтөлбөр хэрэгжүүлэх, үйлдвэрлэлийг хөгжүүлэх чиглэлд боловсон хүчин бэлтгэх, хог хаягдлыг дахин боловсруулах, саарал усыг хэрэглээнд нэврүүлэх зэрэг чиглэлээр хамтран ажиллахаар тохиролцож, эдгээр саналуудыг хэрэгжүүлэх зорилгоор хамтын ажиллагааны санамж бичиг байгуулахаар болов гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 20
Ардчиллын анхдагч Санжаасүрэнгийн Зориг агсны хөшөөнд цэцэг өргөж хүндэтгэл үзүүллээ. Өнөөдөр түүний төрсөн өдөр юм. Хэрэв тэр амьд сэрүүн байсан бол 54 настай байх байж. Түүний төрсөн өдрөөр нь төрсөн дүү С.Оюун, Ардчилсан намын Намын байгуулалтын газрын дарга Л.Уртнасан, ардчилал, шударга ёс, хүний эрхийн төлөө хамтдаа хүчин зүтгэж явсан найз нөхөд нь хүндэтгэл үзүүлж цэцэг өргөлөө.
-
2016 оны 4 сарын 20
Нийслэлийн хэмжээнд томуу, томуу төст өвчний амбулаторийн 78793 үзлэг хийгдснээс томуу, томуу, төст өвчтэй 4230 тохиолдол оношилогдсон буюу нийт үзлэгийн 5.4%-ийг эзэлж байгаа нь өнгөрсөн 7 хоногийн дунджаас 0.8%-иар буурсан үзүүлэлттэй байна гэж Нийслэлийн эрүүл мэндийн газраас мэдээллээ.
Нийт өвчлөгсдийн 81%-ийг 0-9 насны хүүхдүүд эзэлсэн бөгөөд хүүхдийн түргэн тусламжийн 1385 дуудлага ирүүлсний 623 тохиолдол буюу 45.0% нь томуу, томуу төст өвчтэй гэж оношилогдсон байна.
-
2016 оны 4 сарын 20
Монгол Улсын Засгийн газар болон АНУ-ын “Gilead Sciences” компанитай байгуулсан гэрээний хүрээнд эм импортлогч “Омбал” компани олон улсын зах зээлд 94 мянган ам.долларын үнэтэй байгаа “Харвони” эмийг хөнгөлөлттэй үнээр импортолж байгаа.
Тэгвэл элэгний С вирусийн эмчилгээнд хэрэглэх харвони эмийн 2000 тунг өнөөдрөөс худалдаалахаар болжээ. Энэхүү эмийн үнэ гурван тун буюу нэг курс нь 1200 ам.доллар байдаг аж. Одоогоор ЭМСЯ харвони эмийг зайлшгүй шаардлагатай, хөнгөлөлттэй үнээр олгох эмийн жагсаалтад багтааж бүртгүүлэх хүсэлтийг Нийгмийн даатгалын үндэсний зөвлөлд гаргаад байна.
Тус компани өнөөдрийг хүртэл нийтдээ 1600 хүн тунг импортолж, борлуулсан байна.
-
2016 оны 4 сарын 20
Улаанбаатар хотын цагдаагийн газар, Нийслэлийн Тээврийн газар, Нийслэлийн Авто Замын газрын хамтран баталсан ”Нийслэл гудамж, замын хөдөлгөөнд оролцож байгаа автотээврийн хэрэгслийн техникийн байдал, ачаа тээвэрлэлт, зам, замын байгууламжийн ашиглалтын шаардлагад хяналт тавих хамтарсан шалгалтын улирдамж”-ийн дагуу 6 дүүргийн 8 цэгт Нийслэлийн Тээврийн газрын Авто тээврийн хяналтын улсын байцаагч, Улаанбаатар хотын цагдаагийн газрын Техник, замын хяналт хариуцсан мэргэжилтэн, Нийслэлийн Авто Замын газрын Авто замын засвар ашиглалтын хяналтын мэргэжилтнүүд хамтарсан шалгалт хийж байна.
2016 оны 03 дугаар сарын 20-ны өдрөөс 04 дүгээр сарын 15-ны өдөр хүртэлх хугацаанд 20:00-03:00 цагийн хооронд хяналт шалгалтыг хийж, 16 хоногийн явцад 4244 тээврийн хэрэгсэл шалгагдснаас ”ЕС” зөвшөөрөлгүй хөдөлгөөнд оролцсон 708, Авто зам, замын байгууламжийг техникийн нөхцөл шаардлагын дагуу ашиглаагүй 22, Автотээврийн хэрэгслийн хэрэглээний стандартын үзүүлэлт шаардлагыг хангаагүй 249, нийт 979 тээврийн хэрэгслийн зөрчлийг илрүүлж Автотээврийн тухай хуулийн дагуу 11,202,000 төгрөгийн арга хэмжээ авчээ.
Нийслэлийн Иргэдийн Төлөөлөгчдийн Хурлын Тэргүүлэгчдийн 2014 оны 06 дугаар сарын 26-ны өдрийн 102 дугаар тогтоолоор баталсан “Нийслэлийн гудамж замын хөдөлгөөнд ачааны автомашиныг цагийн хязгаарлалттайгаар оролцуулах, түр олгох журам”-ыг шалгалтанд хамрагдсан Аж ахуйн нэгж, байгууллагын инженер техникийн ажилтан болон тээвэрлэгч жолооч нарт тайлбарлан танилцуулж хууль тогтоомж зөрчихөөс урьдчилан сэргийлж, мэргэжил арга зүйн зөвлөгөө өгч ажилласан байна гэж Нийслэлийн Тээврийн газраас мэдээллээ.
-
2016 оны 4 сарын 20
Нийслэлийн Засаг дарга Э.Бат-Үүлийн ахалж ажилладаг АСЕМ-ын Дээд түвшний уулзалтын Үйлчилгээ, соёл урлагийн арга хэмжээ, хоол хүнс, түүний аюулгүй байдлыг хариуцсан ажлын хэсэг 4 дүгээр сарын 19-нд НЗДТГ-ын хурлын танхимд хуралдаж, Улаанбаатар хотын мэдээлэл, газрын зургийг агуулсан гар утасны аппликейшн бэлтгэх явц, АСЕМ-ын Дээд түвшний уулзалтын 20 жилийн ойн түүхэн дурсгалт хөшөөний санал, дээд түвшний уулзалтыг сурвалжлах сэтгүүлчдийн хоол, үйлчилгээ, аюулгүй байдлын талаар хэлэлцлээ.
-
2016 оны 4 сарын 20
Ази, Европын дээд түвшний 11 дэх уулзалт 2016 оны 07 дугаар сард Улаанбаатар хотноо зохион байгуулахтай холбогдуулан нийслэлийн авто замын сүлжээг сайжруулах, зочид, төлөөлөгчид болон иргэдийн аюулгүй зорчих нөхцөлийг хангах, хотын өнгө үзэмжийг нэмэгдүүлэх зорилгоор авто замын 6 төсөл, арга хэмжээг хэрэгжүүлэхээр төлөвлөөд байна.
Эдгээр ажлын нэг болох Их Монгол Улсын гудамжны 2.1 км авто замын өргөтгөл шинэчлэлтийн ажлыг эхлээд байна. Уг замыг нийслэлийн төсвийн хөрөнгөөр “Эрдэнэ зам”, “Тотал инж” ХХК-иуд барьж байгаа бөгөөд ажлын явц 20 хувьтай байна.
Их Монгол улсын гудамж буюу Замын цагдаагийн баруун урд уулзвараас Маршалын гүүрийн урд уулзвар хүртэлх 2.1 км авто замын зорчих хэсэг нь одоо 9 метр өргөнтэй бөгөөд өргөтгөл шинэчлэлтийн ажлын хүрээнд авто замын зорчих хэсгийг 14 метр болгон өргөтгөж, замын 2 талаараа явган хүний замтай, нэг талаараа дугуйн замтай, гэрэлтүүлэг, борооны ус зайлуулах далд шугамтай, 4 эгнээ бүхий болгон шинэчлэх юм.
Уг ажлыг гэрээ ёсоор 2016 оны 06 дугаар сарын 30-нд ашиглалтад өгөх бөгөөд нийслэлийн Авто замын газраас 06 дугаар сарын 15-нд бүрэн дуусгахаар хуваарь гарган ажиллаж байна.
Замын өргөтгөлд 8 аж ахуйн нэгжийн барилгын түр хашаа болон гадна талбай, тохижилт орсон бөгөөд газар чөлөөлөлтийн ажил удаашрахгүй бол замыг хуваарийн дагуу ашиглалтад оруулахаар байгаа юм. Одоогоор нэг аж ахуйн нэгж хашаагаа чөлөөлжээ гэж гэж Нийслэлийн Авто замын газраас мэдээллээ.
-
2016 оны 4 сарын 20
ОХУ-ын Новосибирск хотын дарга А.Е.Локоть болон ИТХ-ын дарга Д.В.Асанцев тэргүүтэй төлөөлөгчид Улаанбаатар хотод энэ сарын 18-наас 22-ны өдрүүдэд албан айлчлал хийж байна. Айчлалын хүрээнд нийслэлийн Засаг дарга бөгөөд Улаанбаатар хотын Захирагч Э.Бат-Үүл Новосибирк хотын дарга А.Е.Локотийг хүлээн авч уулзлаа. Уулзалтад нийслэлийн Засаг даргын Тамгын газрын дарга Ё.Гэрэлчулуун, Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал, нийслэлийн Хөрөнгө оруулалтын газрын дарга Л.Нарантуяа, нийслэлийн Орон сууцны корпорацийн захирал Б.Тэлмэн, нийслэлийн Соёл урлагийн газрын дарга Б.Батцэнгэл нар оролцов.
Уулзалтаар хоёр хотын хамтын ажиллагааны талаар санал солилцлоо.
Уулзалтын эхэнд нийслэлийн Засаг дарга бөгөөд Улаанбаатар хотын Захирагч Э.Бат-Үүл “Улаанбаатар хотод тавтай морилж байна уу. Тантай дахин уулзаж байгаадаа баяртай байна. 2015 оны 10 сард Новосибирск хотод айлчилж, ах дүү хотууд болох санамж бичиг байгуулсан. Айлчлалын үр дүнд хоёр хотын хамтын ажиллагаа шинэ шатанд гарч, олон салбарт хамтран ажиллахаар тохиролцсон юм. Нийслэлийн бүтээн байгуулалтын ажилд Новосибирскийн барилгачид маш их үүрэг гүйцэтгэсэн. Тийч учраас Улаанбаатар хотын хуучин барилга байгууламжийн засвар шинэчлэлийн ажилд хамтран ажиллахаар болсон. Энэхүү ажилд Та бүхний туршлага, зохион байгуулалт маш хэрэгтэй байна. Биднийг бүх талаар дэмжиж, уг ажлыг хамтран хэрэгжүүлэх гэж байгаад талархаж байна” гэв.
Харин Новосибирск хотын дарга А.Е.Локоть “Биднийг найрсагаар хүлээн авч уулзаж байгаад таатай байна. Хоёр хот ах дүү хотууд болж, бидний харилцаа улам өргөжин хөгжиж байгаад баяртай байна. Бид Улаанбаатар хотын бүтээн байгуулалтын ажилд бүх талаар хамтран ажиллаж, дэмжлэг үзүүлэх болно. Улаанбаатар хотын угсармал барилгыг иж бүрнээр шинэчлэх ажлыг гардан хийх гэж байна. Бидний зүгээс эдгээр барилгыг шинэчлэхэд хэдий хэмжээний хөрөнгө шаардлагатай талаар судалгаа гаргаж, мэргэжилтнүүдээ бэлтгэх ажилд орох гэж байна. Хөрөнгөө шийдчихвэл удахгүй ажилдаа орох юм. Мөн зам засвар, барилга, хөдөө аж ахуйн салбар, орон сууц, нийтийн аж ахуйг хөгжүүлэх тал дээр хамтран ажиллана” гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 20
АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны өдрүүдэд Улаанбаатар хотод болно. Уулзалтад 20 гаруй орны 100 гаруй парламентын гишүүд оролцох төлөвтэй байгааг албаныхан хэлж байгаа юм. Эдгээр төлөөлөгчдөөс 5 орны УИХ-ын дарга болон зургаан орны УИХ-ын дэд дарга хүрэлцэн ирэх юм байна. Эдгээр зочид төлөөлөгчид нь нэгдүгээр зэргийн хамгаалалттай зорчдог журамтай бөгөөд энэ өдрүүдэд замын хөдөлгөөний хэт ачааллаас урьдчилан сэргийлэх зорилгоор тээврийн хэрэгслийн улсын дугаарын тэгш сондгойгоор нь ялган замын хөдөлгөөнд оролцуулахаар нийслэлийн Засаг даргын захирамж гарсан.
Маргааш буюу 4 дүгээр сарын 21-ний Пүрэв гарагт тэгш тогоор төгссөн дугаартай тээврийн хэрэгсэл, баасан гарагт сондгой тоогоор төгссөн тээврийн хэрэгсэл замын хөдөлгөөнд оролцоно.
Энэ өдрүүдэд дугаарын хязгаарлалтын үндсэн бүсээс гадна Наадамчдын гудамж, Дүнжингаравын гудамжны Төв аймаг руу салдаг уулзвараас Их тэнгэрийн уулзвар хүртэлх замдуудад 08:00-20:00 цагийн хооронд хязгаарлалтад орсон дугаартай автомашин замын хөдөлгөөнд оролцохгүй.
Энэхүү хязгаарлалтад зочид төлөөлөгчдийн цуваа, дипломат байгууллагын, нийтийн үйлчилгээний том оврын автобус, троллейбус, стандартын шаардлага хангасан такси, тусгай дуут болон гэрэл дохиогоор тоноглогдсон, таних тэмдэг бүхий хэвлэл мэдээллийн байгууллагын тээврийн хэрэгсэл болон хойшлуулшгүй ажил үүрэг гүйцэтгэж яваа тээврийн хэрэгсэл хамаарахгүй. Түүнчлэн 2016 оны 04 дүгээр сарын 21, 22-ны өдрүүдэд хязгаарлалт тогтоосон гудамж, замуудад хүнд даацын ачааны авто машин /10 тонноос дээш/-ыг 06:00-22:00 цагийн хооронд замын хөдөлгөөнд оролцохыг түр хориглоно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 4 сарын 20
АСЕМ-ын дээд түвшний уулзалтын хүрээнд зохион байгуулах Ази, Европын парламентын түншлэлийн есдүгээр уулзалт дөрөвдүгээр сарын 21,22-ны Пүрэв, Баасан гарагуудад Уланбаатар хотод болно.
Энэ үеэр зочид төлөөлөгчдийн аюулгүй байдал, гарч болзошгүй гэмт хэрэг, зөрчлөөс урьдчилан сэргийлэх, замын хөдөлгөөний ачааллыг бууруулах зорилгоор хэд хэдэн зохион байгуулалтыгн арга хэмжээ авах тухай Нийслэлийн Засаг даргын захирамж гарсан. Захирамжийн дагуу 4 дүгээр сарын 21, 22-ны өдрүүдэд томоохон зах, худалдааны төвүүд амрах бөгөөд эдгээр өдрүүдээс хойш ердийн цагийн хуваарийн дагуу ажиллана гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
ЗОХИЦУУЛАЛТАД ХАМРАГДАХ ТОМООХОН ЗАХ, ХУДАЛДААНЫ
ТӨВҮҮДИЙН ЦАГИЙН ХУВААРИЙН ӨӨРЧЛӨЛТ
№
Худалдааны төвүүдийн нэр Аж ахуйн нэгжийн нэр Байршил Зохицуулалт хийх өдрүүд
04/21 04/22
Пүрэв Баасан
1 Нарантуул ОУХТөв Нарантуул ХХК Баянзүрх дүүргийн 14 дүгээр хороо Амарна Амарна
2 Өгөөмөр техникийн зах Даймонд ХХК Баянзүрх дүүргийн
14 дүгээр хороо Амарна Амарна
3 Бөмбөгөр- 1
Худалдааны төв Юмт бөмбөгөр ХХК Чингэлтэй дүүргийн 2 дугаар хороо Амарна Амарна
4 Бөмбөгөр- 2 худалдааны төв Эрдэнэбулган ХХК Чингэлтэй дүүргийн 2 дугаар хороо Амарна Амарна
5 Алтжин бөмбөгөр худалдааны төв Даян Өндөр ХХК Чингэлтэй дүүргийн 2 дугаар хороо Амарна Амарна
6 Дүнжингарав худалдааны төв Дүнжингарав ХХК Баянзүрх дүүргийн
14 дүгээр хороо Амарна Амарна
7 Сандэй худалдааны төв Сандэй плаза ХХК Баянзүрх дүүргийн
14 дүгээр хороо Амарна Амарна
8 Шөнийн зах Нармон ХХК Баянзүрх дүүргийн
14 дүгээр хороо Амарна Амарна
-
2016 оны 4 сарын 20
Тэрээр амьд сэрүүн байсан бол 53 нас хүрэх байжээ.
-
2016 оны 4 сарын 20
Ази Европын дээд хэмжээний 11 дэх удаагийн чуулга уулзалтын бэлтгэл ажлын хүрээнд Улаанбаатар хотын 13 гудамж зам, талбайд тохижилтын ажил хийж байна. П.Гэндэнгийн гудамжинд “Гэрэлт ой” ХХК нийт 131 мод тарихаас өнөөдрийн байдлаар 56 шилмүүст мод суулгаж, савтай 10 гацуур байршуулан, Жамьянгүний гудамжинд 25 улиас, Олимпийн гудамжинд 10 шинэс, 40 голт бор тарьжээ. Мөн Жамьянгүний гудамжинд 1800 м2 улаан хүрэн хавтанг шинээр суурилуулав. Гэндэнгийн гудамжинд явган хүний замын эвдэрсэн хуучин хавтанг сольж, нөхсөн байна. Жамьянгүний гудамжнаас гарсан хавтанг Гэндэнгийн гудамж, Нийслэл хүрээ өргөн чөлөөнд шилжүүлэн суурилууллаа. Энэ ажлын хүрээнд Монголын Хүүхдийн ордны хажуу талын 1500 м 2 талбайг цементэлж, нийт 282 м2 явган хүний замд нөхөн сэргээлтийн ажил хийлээ гэж Улаанбаатар хотын Захирагчийн ажлын албанаас мэдээллээ. - See more at: http://zasag.mn/m/ulaanbaatar/view/13116#sthash.D1DpDK1J.dpuf
-
2016 оны 4 сарын 19
Сумитра Махажан нар
-
2016 оны 4 сарын 19
Компьютерийн сүлжээний улсын VI олимпиад, сүлжээний инженерийн ур чадварын II тэмцээн энэ сарын 16-нд боллоо.
Тэмцээнийг Улаанбаатарын Их сургуулийн “Физик электроникийн тэнхим”-ээс санаачлан, Нийслэлийн Мэдээллийн Технологийн газар болон Emposoft ХХК-тай хамтран зохион байгуулсан байна.
Тэмцээнд оролцогчдыг ганцаарчилсан төрөл болон багийн дүнгээр шалгаруулж ганцаарчилсан төрөлд тэргүүн байранд МУИС, ХШУИС-ийн оюутан Н.Мархаажий, дэд байранд МУИС, ХШУИС оюутан Т.Тэлмүүн, 3-р байранд Б.Цолмонбаатар нар тус тус шалгарчээ.
Харин багийн дүнгээр 1-р байрд D.C. #NUM(Defendin Champion) МУИС, ХШУИС-ийн баг шалгарсан ба энэ баг нь 3 жил дараалан тэргүүн байр эзэлсэн тул шилжин явах цомоо хадгалж үлдэхээр боллоо.
Мөн инженерийн ур чадварын II тэмцээнд 1-р байрыг Unitel группийн сүлжээний инженер Ж.Алтай, 2-р байрыг Mobicom Корпорацийн сүлжээний инженер Э.Улсболд, тусгай байрыг Топнэт ХХК-ийн сүлжээний инженер Б.Шийрэв, Unitel группийн сүлжээний инженер Г.Мөнхбат нар тус тус байр эзэлэлсэн байна.
Тэмцээнд амжилттай оролцож байр эзэлсэн оролцогчдод Улаанбаатарын Их сургуулийн Физик электроникийн тэнхим, Нийслэлийн мэдээллийн технологийн газар болон Empasoft ХХК-аас тус тус шагнал гардуулав гэж Нийслэлийн Мэдээллийн Технологийн газраас мэдээллээ. - See more at: http://zasag.mn/m/ulaanbaatar/view/13114#sthash.Cg5mT9vl.dpuf
-
2016 оны 4 сарын 19
Монгол брэндээ үнэгүй бүртгүүлээрэй
