-
2016 оны 4 сарын 17
Төрийн орон сууцны корпорациас “Төрийн түрээсийн орон сууцанд иргэдийг бүртгэх, сонгон шалгаруулах, түрээсийн орон сууцанд хамруулах ажлыг зохион байгуулах журам”-ын дагуу долоон ангилалаар иргэдийг 2016 оны 3 дугаар сарын 21-ны өдрөөс 4 дүгээр сарын 1 хүртэл хуваарийн дагуу бүртгэн материалыг хүлээн авсан билээ.
Бүртгэлд нийт 2400 гаруй иргэд хамрагдсан бөгөөд өнөөдрийн байдлаар бүртгэлд хамрагдсан иргэдийн материалыг нягтлан шалгах ажиллагаа хийгдэж байна. Нягтлан шалгах ажиллагаа дуусмагц Цахим сугалаанд оролцох иргэдийн нэрсийг 2016 оны 4 дүгээр сарын 18-ны өдөр Төрийн орон сууцны корпорацийн www.tosk.gov.mn сайтад мэдээллэх бөгөөд иргэд өөрсдийн биеэр ТОСК-ийн байранд ирж сугалаанд оролцох эсэхээ тодруулж болно. Цахим сугалааг 2016 оны 4 дүгээр сарын 28-ны өдөр зохион байгуулна.
-
2016 оны 4 сарын 17
цагдаа газар
-
2016 оны 4 сарын 17
УИХ-ын гишүүн С.Одонтуяа Эх, хүүхдийн эрүүл мэндийн үндэсний төв болон Баянгол дүүргийн хүүхдийн эмнэлэгт ажиллалаа. Тэрбээр дээрх эмнэлгүүдийн удирдлагуудтай уулзаж, улаан бурхан өвчнийг яаралтай бууруулахад ямар арга хэмжээ авах болон шаардлагатай тоног төхөөрөмжийг хэрхэн шийдвэрлэх талаар ярилцаж шийдвэрт хүрсэн байна. БГД-ийн хүүхдийн эмнэлгийн хувьд нь ачаалал ихтэй байгаа учир тоглоомын өрөөгөө суллан хүүхдүүдээ хэвтүүлж эмчилж байгаа аж. Өнөөдрийн байдлаар дээрх эмнэлэгт хүүхдийн судас тодруулагч нэн шаардлагатай байгаа хэмээн тус эмнэлгийн удирдлагууд хэлж байна. Тиймээс УИХ-ын гишүүн С.Одонтуяа судас тодруулагч болон бусад тоног төхөөрөмжийг яаралтай нэмэгдүүлэхээр болсон байна.
-
2016 оны 4 сарын 17
Улаанбаатар хотын Ерөнхий менежерээр батлуулсан удирдамж, хуваарийн дагуу нийслэлийн хэмжээнд бүх нийтийн их цэвэрлэгээг хийлээ.
Их цэвэрлэгээнд нийслэлийн Засаг даргын хэрэгжүүлэгч агентлаг, харьяа газрууд, дүүргүүдийн Засаг даргын Тамгын газрын харьяа хэлтэс, хороод, их, дээд сургууль, ерөнхий боловсролын сургууль, аж ахуйн нэгж байгууллага, иргэд хамрагдсан юм.
Тухайлбал, Улаанбаатар хотын цагдаагийн газрын 400 гаруй алба хаагч их цэвэрлэгээнд нэгдэж, 100 айлын гүүрнээс хойш 500 метр газар буюу Сэлбэ голын ай сав газрыг цэвэрлэжээ.
-
2016 оны 4 сарын 16
4, 9 тоогоор төгссөн бол энэ сард албан татвар, төлбөр хураамжаа төлөөрэй
-
2016 оны 4 сарын 16
Зуслангийн газар өмчлүүлэх цахим бүртгэл эхэллээ
-
2016 оны 4 сарын 16
Улаанбурхан өвчнөөс сэргийлье
-
2016 оны 4 сарын 16
танилцуулж байна
Хүсэлт гаргасан иргэн, аж ахуйн нэгж Хийгдэх ажил Байршил Ажил гүйцэтгэх хугацаа
1 Э.Дэлгэрбилэг Цэвэр бохир усны шугам татах БГД 9-р хороо ”Говь сауны баруун хойно. Хойд талын урсгалыг хааж авто зам сэтэлнэ. 4-р сарын16-ны 23:00 цагаас 4-р сарын 17-ны 07:00 цагын хооронд
2 Алианс тех ХХК Дулааны шугам татах Хүннүгийн гудамж Баянмонгол хорооллын урд 4-р сарын 16-ны 22:00 цагаас 4-р сарын 17-ны 15 цаг хүртэл
-
2016 оны 4 сарын 16
Зам барилгын ажлын улирал эхэлж байгаатай холбогдуулан Монголын авто замчдын холбооны ерөнхийлөгч Т.Бямбаатай ярилцлаа.
-
2016 оны 4 сарын 16
2016 оны 04 дүгээр сарын 17-ноос 04 дүгээр сарын 21-нийг хүртэлх
цаг агаарын урьдчилсан төлөв:
17-нд зүүн зүгийн нутгийн зүүн хэсгээр, 18-нд баруун болон төвийн нутгийн хойд хэсгээр хур тунадас, нойтон цас орно. Салхи 17-нд говь талын нутгаар, 18-нд зарим газраар секундэд 12-14 метр, 20-нд нутгийн зүүн хагаст секундэд 18-20 метр хүрч шороон шуурга шуурна. Хугацааны эхээр сэрүүхэн байх боловч бусад хугацаанд Завхан голын эх, Увс нуур болон, Дархадын хотгор, Идэр, Тэс, Туул, Тэрэлж, Хэрлэн, Улз, Халх голын сав газраар шөнөдөө 7-12 градус хүйтэн, өдөртөө 1-6 градус дулаан, говийн бүс нутгийн өмнөд хэсгээр шөнөдөө 2 градус хүйтнээс 3 градус дулаан, өдөртөө 14-19 градус дулаан, бусад нутгаар шөнөдөө 2-7 градус хүйтэн, өдөртөө 9-14 градус дулаан байна.
-
2016 оны 4 сарын 16
Бямба гарагт бүх нийтийн их цэвэрлэгээтэй
-
2016 оны 4 сарын 16
2016.4.16, Бямба гараг / Билгийн тооллын: 10
Хаврын адаг луу сар
Есөн улаан мэнгэтэй шар луу өдөр
Аргын тооллын: 2016.4.16, Бямба гараг
Наран ургах шингэх: 07.01-20.44
Үс засуулбал: Эрч хүч ихэснэ
Барилдлага: Идэр
Шүтэн барилдлага: Өтлөх үхэхүй
Тухайн өдөр үхэр, бар, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр баяр баясгалангийн хурим үйлдэх, шинэ гэр барих, хувцас өмсөх, чимэг зүүх, бүжиг наадам үүсгэх, эд хураах, номын өглөг өгөх, угаах, гадагш эд өгөхөд сайн. Зүүн нүд татвал хувцас олдох, баруун нь бол элчтэй учрах, хөл тагнай татвал өөрийн гэрт үзэсгэлэн болно. Бие татвал бурханыг дурьдахуй. Өдрийн сайн цаг нь бар, луу, могой, бич, тахиа, гахай болой. Үс шинээр үргээлгэх буюу засуулбал эрч хүч ихэснэ.
-
2016 оны 4 сарын 16
БАРУУН АЙМГУУДЫН НУТГААР: Солигдмол үүлтэй. Шөнөдөө Хангайн уулсаар хур тунадас орно. Өдөртөө хур тунадас орохгүй. Салхи баруун хойноос секундэд 7-12 метр. Сэрүүсч Завхан голын эх, Идэр, Тэс голын хөндий, Хүрэн бэлчир орчмоор шөнөдөө 12-17 градус хүйтэн, өдөртөө 3 градус дулаанаас 2 градус хүйтэн, Алтайн өвөр говиор шөнөдөө 0-5 градус хүйтэн, өдөртөө 8-13 градус дулаан, бусад нутгаар шөнөдөө 8-13 градус хүйтэн, өдөртөө 5-10 градус дулаан байна.
ТӨВИЙН АЙМГУУДЫН НУТГААР: Солигдмол үүлтэй. Шөнөдөө зарим газраар хур тунадас орно. Өдөртөө хур тунадас орохгүй. Салхи баруун хойноос секундэд 7-12 метр. Сэрүүсч Хангай, Хөвсгөлийн уулархаг нутгаар шөнөдөө 10-15 градус, өдөртөө 0-5 градус, бусад нутгаар шөнөдөө 4-9 градус хүйтэн, өдөртөө 4-9 градус дулаан байна.
ЗҮҮН АЙМГУУДЫН НУТГААР: Үүлэрхэг. Шөнөдөө нутгийн хойд, өдөртөө зүүн хэсгээр хур тунадас, нойтон цас орно. Салхи баруун хойноос секундэд шөнөдөө зарим газраар, өдөртөө нутгийн зүүн хэсгээр секундэд 14-16 метр хүрч шороон болон цасан шуурга шуурна. Шөнөдөө нутгийн зүүн хэсгээр 1 градус дулаанаас 4 градус хүйтэн, баруун хэсгээр 4-9 градус хүйтэн, өдөртөө бүх нутгаар 3-8 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Бага зэргийн хур тунадас орно. Салхи баруун хойноос секундэд 7-12 метр, зарим үед түр зуур секундэд 14-16 метр хүрч ширүүснэ. Шөнөдөө 5-7 градус хүйтэн, өдөртөө 6-8 градус дулаан байна.
ГОВИЙН АЙМГУУДЫН НУТГААР: Үүл багасна. Хур тунадас орохгүй. Салхи баруун хойноос секундэд 7-12 метр. Нутгийн хойд хэсгээр шөнөдөө 4-9 градус хүйтэн, өдөртөө 4-9 градус дулаан, өмнөд хэсгээр шөнөдөө 1-6 градус хүйтэн, өдөртөө 7-12 градус дулаан байна.
УЛААНБААТАР ХОТ: Үүл багасна. Хур тунадас орохгүй. Салхи баруун хойноос секундэд 6-11 метр. Шөнөдөө 5-7 градус хүйтэн, өдөртөө 4-6 градус дулаан байна.
-
2016 оны 4 сарын 15
”Монгол коммент” -ын М.Батбилэгийн гэр бүлд зориулсан хандивын тоглолт өнөөдөр болно
-
2016 оны 4 сарын 15
ЭМСЯ, ХӨСҮТ, ЭХЭМҮТ хамтран өнөөдөр улаанбурхан өвчний талаар болон цаг үеийн асуудлаар сэтгүүлчдэд мэдээлэл хийлээ.
Монгол Улсын Засгийн газраас явуулсан тогтвортой бодлогын үр дүнд тав хүртэлх насны хүүхдийн эндэгдэл жилээс жилд буурсаар ирсэн. Тухайлбал тав хүртэлх насны хүүхдийн эндэгдэл 1990 онд 1000 амьд төрөлтөд 87.5 хувь байсан бол 2010 онд 20.0, 2015 онд 18.3 хувь болтлоо буурч өнгөрсөн онд тав хүртэлх насны хүүхдийн эндэгдлийг дөрөв дахин бууруулах Мянганы хөгжлийн зорилтыг бүрэн хэрэгжүүлж чадсан. Энэ үзүүлэлтээрээ НҮБ-ын Мянганы хөгжлийн зорилтыг амжилттай хэрэгжүүлсэн есөн орны тоонд Монгол Улс орсныг хэвлэлийн хурлын эхэнд Төрийн нарийн бичгийн дарга С.Ламбаа онцоллоо. Тэрбээр хэлэхдээ нэг хүртэлх насны хүүхдийн эндэгдэл 1000 амьд төрөлтөд ногдох нялхсын эндэгдлийн түвшин 1990 онд 63.4 хувь байсан бол 2015 онд 15.3 болж 4.1 дахин буурсан байна.
Олон нийтийн цахим мэдээллийн хэрэгслээр тав хүртэлх насны 918 хүүхэд нас барсан мэтээр ташаа мэдээлэл ихээр тарж байгааг мэргэжлийн байгууллагын төлөөлөл үгүйсгэж бодит мэдээллийг энэ үеэр сэтгүүлчдэд өгсөн юм.
2016 оны эхний 3 сард тав хүртэлх насны 491 хүүхэд эндсэний дотор нэг хүртэлх насны хүүхэд 427 байгаа нь өмнөх онтой харьцуулахад тав хүртэлх насны хүүхдийн эндэгдэл 120 хүүхдээр нэмэгдсэн.
Улсын хэмжээнд он гарсаар нийт 16270 улаанбурхан өвчний сэжигтэй тохиолдлоос 3347 нь лабораторийн шинжилгээгээр батлагдаж, 39734 хүүхэд өвчилснөөс 39675 хүүхэд буюу 99.8 хувь нь эдгэрсэн. ХӨСҮТ-д уг өвчний улмаас 13515 өвчтөн хэвтэн эмчлүүлснээс эрчимт эмчилгээний тасагт нийт 1431 хүүхэд эмчлэгдэн эдгэрсэн. Эхний гурван сарын байдлаар 59 хүүхэд эндэж, нас баралтын түвшин 0.3 хувь байгаа талаар ХӨСҮТ-ийн Эрчимт эмчилгээ сэхээн амьдруулах тасгийн эрхлэгч Ц. Чинбаяр мэдээллээ.
ДЭМБ-ын тооцоогоор улаанбурхан өвчин дэгдэлт хэлбэрээр гарч байгаа үед нийт өвчлөлийн 5-10 хувь нь энддэг гэсэн судалгаа байдаг. Манай орны хувьд энэ онд улаанбурхан өвчний эндэгдлийн хувь 0.3 хувь байна.
Эндсэн хүүхдүүдийн 76.2 хувь нь 0-8 сартай буюу вакцин тариулах нас болоогүй хүүхдүүд, эдгээр хүүхдүүдийн 50.8 хувь нь лабораторийн шинжилгээгээр батлагдсан. Нийт эндсэн хүүхдүүдийн 70 хувь нь архаг, суурь хавсарсан өвчтэй тухайлбал тураал, цус багадалт, рахит, диатез, төрөлхийн дархлаа дутагдал, уруул тагнай сэтэрхий, эвэрхий, уналт таталт, төрөлхийн гаж хөгжил, цусны хорт хавдар зэрэг архаг суурь өвчтэй байна. Эдгээрийн 96.8 хувь нь уушгины хатгалгаа, 3.2 хувь нь ларингитаар хүндэрчээ.
-
2016 оны 4 сарын 15
Өнгөрсөн хоногт Улаанбаатар хотоос гадна Завхан, Говь-Алтай, Архангай, Хөвсгөл, Булган, Орхон, Дархан-Уул, Сэлэнгэ аймгийн нутгаар цас орсон. Цас үргэлжлэн орж, шуурч байгаа нь ялангуяа Сэлэнгэ, Дархан-Уул, Орхон, Төв аймгийн орон нутгийн зам даваа хаагдах, халтиргаа гулгаа үүсэх зэргээр автозамын хөдөлгөөнд хүндрэл учруулаад байна.
-
2016 оны 4 сарын 15
Улаан бурхан нь халууралт, амьсгалын зам болон нүдний салст бүрхэвчийн үрэвсэл том толбот гүвдрүүт тууралтаар илэрдэг цочмог халдварт өвчин юм. Өвөл хаврын улиралд өвчлөл ихэсдэг бөгөөд өвчлөл 8-10 жилийн үечлэлтэй дэгддэг. Вакцины үр дүнд 90 хувийн дархлаа тогтох ба энэ нь 20 жил түүнээс дээш хугацаагаар хадгалагдана.
-
2016 оны 4 сарын 15
Манай оронд улаанбурхан, салхин цэцэг, менингококкт халдварын өвчлөлүүд гамшгийн хэмжээнд хүрч эхний гурван сарын байдлаар зөвхөн улаанбурхан өвчний улмаас 918 хүүхэд амь насаа алдаад байна. Мөн улсдаа цор ганц халдварт өвчний эмнэлэг болох ХӨСҮТ-д хэвтэн эмчлүүлэгсдийн тоо хэвийн хэмжээнээс хэтэрч ачааллаа даахгүй ажиллаж байна.
-
2016 оны 4 сарын 15
Өнөөдрийн байдлаар нийт эх малын 42.9 хувь буюу 10.2 сая эх мал төллөж 10.0 сая төл хүлээн аваад байна. Энэ нь өмнөх 7 хоногоос 2.4 саяар нэмэгдсэн үзүүлэлт юм. Үүнээс 28.9 мянган ботго, 69.9 мянган унага, 239.3 мянган тугал, 5.3 сая хурга, 4.4 сая ишиг бойжиж, төл бойжилт 98.3 хувьтай байна.
Монгол Улсын Засгийн газар болон Нэгдсэн Үндэстний Байгууллагын Хүнс, хөдөө аж ахуйн байгууллага хамтран өвөлжилт, хаваржилт хүндэрсэн аймгуудын малчин өрхөд тусламж үзүүлэх цувааг хүргүүллээ. Энэхүү тусламжийг НҮБ-ын Онцгой байдлын үеийн яаралтай тусламжийн сангийн 2.4 сая ам.долларын санхүүжилтээр өвс, тэжээл, малын эм, бэлдмэл, хүнсний бүтээгдэхүүний багцыг өвөлжилт, хаваржилт хүндэрсэн Увс, Баянхонгор, Архангай, Завхан, Дундговь, Сүхбаатар аймгийн 45 сумын 4390 өрхөд орон нутгийн засаг захиргааны нэгжээр дамжуулан хүргүүлсэн нь хаваржилтын хүндрэлээс урьдчилан сэргийлэхэд дэмжлэг боллоо.
Хаврын цаг агаарын тогтворгүй үзэгдэл үргэлжилсээр байна. 4 сарын 13-14-нд Увс аймгийн нийт нутаг, Баян-Өлгий, Ховд аймгийн урд тал, Дорнодын зүүн, Сүхбаатарын урд хэсгээр 1.1-5.1 мм цас орсон. Өнөө шөнө Архангайн зүүн, Өвөрхангайн хойд, Булган, Сэлэнгийн өмнөд, Төв аймгийн баруун хэсгээр, маргааш өдөр Хэнтийн нутаг, Төв аймгийн зүүн, Дорнодын баруун, Сүхбаатарын хойд хэсгээр цасан шуурга шуурч, шөнөдөө Өмнөговь, Дундговь, Дорноговийн нутаг, Өвөрхангай, Сүхбаатарын өмнөд хэсгээр салхи секундэд 18-20 метр, зарим үед секундэд 24 метр хүрч шороон шуурга шуурлаа.
Өнөөдрийн байдлаар ихэнх нутгаар цас орж, салхи 14-16 м/с-ийн хурдтай шуурч байна.
4 сарын 16-нд төв, зүүн зүгийн нутгийн зарим газраар, 17-нд зүүн зүгийн нутгийн зүүн хэсгээр, 18-нд баруун болон төвийн нутгийн хойд хэсгээр, 19-нд төв, зүүн зүгийн нутгаар хур тунадас, нойтон цас орно. Салхи 16-нд говь, талын нутгаар, 18-нд зарим газраар секундэд 14-16 метр хүрч шороон болон цасан шуурга шуурна. Хугацааны эхээр сэрүүхэн байх боловч бусад хугацаанд Завхан голын эх, Увс нуур болон, Дархадын хотгор, Идэр, Тэс, Туул, Тэрэлж, Хэрлэн, Улз, Халх голын сав газраар шөнөдөө 7-12 градус хүйтэн, өдөртөө 1-6 градус дулаан, говийн бүс нутгийн өмнөд хэсгээр шөнөдөө 2 градус хүйтнээс 3 градус дулаан, өдөртөө 14-19 градус дулаан, бусад нутгаар шөнөдөө 2-7 градус хүйтэн, өдөртөө 9-14 градус дулаан байна.
-
2016 оны 4 сарын 15
Эерэг 24: Энэ онд 1532 км хатуу хучилттай замыг тавина
