-
2015 оны 11 сарын 26
Юнивишн”-ийг монголчууд андахгүй сайн мэддэг болсон нь сайхан ч, хамарсалтай нь сайнаар биш саараар дурсагдах болов. Тодруулбал, “Гацах” гэсэн үгийг “Юнивишн” байнга дагуулдаг болжээ. Уг нь тус компани IPTV үйлчилгээг Монголд нэвтрүүлсэн ч интернэт, сошиал орчин дөнгөж хөгжиж эхэлж буй манай оронд хийсэн энэ туршилт нь тийм ч амжилттай байж чадахгүй байгаа юм. IPTV үйлчилгээний хэрэгжилт орчин үеийн технологи шаарддаг бөгөөд холболт нь ядахдаа 5-6 mbps байх ёстой. Хэдий тийм боловч 8 mbps байхаар стандартчилсан байна. Учир нь хэрэглэгч телевиз үзэхийн хажуур интернэт ашигладаг болохоор тэр л дээ. Гэвч “Юнивишн”-ийн дээд хурд нь үүнийг гүйцэхгүй байгаад л хамаг учир бий юм. Энгийн үгээр тайлбарлавал, та интернэтээр зурагтаа үзэж, интернэтээр утсаар ярьж байна гэсэн үг. Тэгэхээр интернэт тасарвал таны зурагт, утас бүгд таг байхгүй болно. За байхгүй боллоо гэж бодоход бичлэг үзэж байхад гацдаг шиг таны телевизээр үзэж байгаа зүйл чинь зүгээр л зураг болно. Ингээд та бид стрестэж эхэлдэг шүү дээ. Энэ мэт эрсдэл өндөр учраас Монголд IPTV-г бүрэн нэвтрүүлж чадахгүй, “Юнивишн” нийслэлчүүдийн зэвүү, дургүйг зэрэг хүргээд байгаа юм. Гомдлоо шийдүүлэх гэсэн иргэд өдөрт хэдэн арваараа “Юнивишн” рүү утас цохиж, цахим ертөнцөд гомдлоо бичсээр байна. Тус компанийн үйлчилгээтэй холбоотой бас нэгэн асуудал нь сувгийн сонголт тааруу их тоо л харуулах гэсэн янзтай “ ХҮН ТООЖ ҮЗЭХЭЭРГҮЙ ХОГИЙН СУВГУУД БӨӨНДЧИХНӨ ” энэ чинь өнөөх “БҮХ БАРАА 1000 төг” гэдэг л байх даа.
Ер нь хүсвэл хэрэглэгч бид “Юнивишн-ийг сонголгүйгээр интернэтийн үйлчилгээ үзүүлдэг компаниудаас айл өрхийн хэрэгцээнд таарах хүссэн хурдаа аваад, интернэтээр зурагтаа үзэж чадна. Зурагтаар ч хязгаарлахгүй хүссэн видео, бичлэгээ үнэгүй ухрааж үзэж, хүмүүстэй амьд холбоо үүсгэж ч болно. Харин ч нэг царай царайгаа хараад тасралт, гацалтгүйгээр vedio call хийгээд л ярина шүү дээ. Гэтэл “Юнивишн” иргэдийн гэрт бүрэн боловсроогүй “ТҮҮХИЙ БҮТЭЭГДЭХҮҮН” хүргэж өгчихөөд, тэрнийхээ төлөө мөнгө авч байна.
Гэхдээ “Юнивишн-ийн удирдлагуудад хэрэглэгчид бухимдах, уураа барах нь огт хамаагүй, мөнгө л олж байвал хангалттай бололтой. Тиймээс тус компанийн хэрэглэгчийнхээ хувьд “Хэрэглэгч хаан” гэсэн уриаг дээдэлж, мэдээллийн эрин зуунтай хөл нийлүүлэн алхах хүсэлтэй үйлчлүүлэгчдийнхээ гомдол, саналыг даруй шийдвэрлэж, үйлчилгээндээ анхаарахгүй бол хэрэглэгч бид чинь бусад байгууллага руу урвахад бэлэн байгааг дуулгахыг хүсч байна.
Тэдний хууль бус үйлдэл үүгээр дуусахгүй. Шинээр ашиглалтад орсон барилга байгууламжид шугам сүлжээгээ оруулахдаа “Манайхаас өөр кабелийн телевизийн шугам сүлжээг оруулахгүй шүү” гэсэн гэрээг СӨХ болон барилгын компанитай хийдэг байна. Тухайн байрны СӨХ болон Барилгын компанид мөнгө төлдөг нь энэ нийгэмд буруу жишиг тогтоогоод байгаа юм. Тодруулбал, өөр компани тухайн байранд шугам сүлжээгээ оруулах хүсэлт тавихад “Юнивишн” компанитай нэг жилийн хугацаанд өөр ямар ч кабелийн телевиз оруулахгүй гэсэн гэрээ хийсэн учир танайхыг оруулахгүй. Эсвэл “Юнивишн” манайд .... төгрөг төлдөг учир танайх бас төл” гэдэг юм байна. Энэхүү буруу жишиг тогтолцооны цаана хэрэглэгчдийн эрх ашиг ноцтойгоор зөрчигдөж байгааг манай улсын СӨХ, барилгын компаниуд ухаж ойлгохгүй, “Юнивишн”-ийг давраасаар байгаа нь харамсалтай. Уг нь тухайн байранд ямар ч кабелийн телевиз шугамаа оруулах эрхтэй төдийгүй оршин суугчид ямар телевизийг сонгохоо өөрсдөө шийддэг байх ёстой байлтай. “Юнивишн”-ийн энэ мэт хууль бус үйлдэл нь үргэлжилсээр, харин гацалт нь хэвээрээ. Бүр тодуурлбал, “Юнивишн” гацалт гэдэг түүхий бүтээгдэхүүнийг иргэдэд түгээчихээд тэрнийхээ төлөө өндөр хөлс авч байгаа нь дэндүү хамарсалтай.
Мөн өнөөдрийн хямралтай нийгэмд IPTV-ийг ашиглаад сар бүр доод тал нь 40-50 мянган төгрөг төлөөд байх хүн тийм ч олох байхгүй. Ердөө л нэг талх авах мөнгөөрөө интернэт, кабелийн телевизийн үйлчилгээг зэрэг авах боломжтой гэсэн сайхан рекламанд нь хууртсан нөхдүүд эхнээсээ “Юнивишний татгалзах аргагүй саналаас татгалзаж эхэлсэн. Учир нь “Юнивишн” нэмэлт үйлчилгээнүүд нэрийдлээр хэрэглэгчдийнхээ халаасыг хоосолдог болсон нь нууц биш.
-
2015 оны 11 сарын 26
Төв аймгийн Баянчандмань сумын Засаг даргын орлогч Б.Ханбаатар гэгч нь хамт ажилладаг эмэгтэйгээ хууран мэхлэх замаар хээр аваачиж, хүчирхийлж, зодсон хэрэг олныг цочирдуулж, анхаарлыг нь татсан.
-
2015 оны 11 сарын 26
Гэрээт харуул хамгаалалтын тухай хуулийн 5 дугаар зүйлийн 1, 7 дугаар зүйлд заасан журмын дагуу “..Хуулийн этгээдийн улсын бүртгэлд бүртгэлтэй хуулийн этгээд нь харуул хамгаалалтын үйл ажиллагаа эрхлэхдээ харьяалах аймаг, нийслэлийн цагдаагийн газар /хэлтэс/-т бүртгүүлснээр үйл ажиллагаа явуулах эрхтэй болдог.
Энэхүү бүртгэлийг болон харуул хамгаалалтын үйл ажиллагаа эрхлэгч аж ахуйн нэгжийн хагас жил, бүтэн жилийн үйл ажиллагааны тайлан, судалгааг цаасан хэлбэрээр хүлээн авдаг, нутаг дэвсгэр үйл ажиллагаа явуулж байгаа аж ахуйн нэгжүүдийн бүртгэл судалгаа хангалтгүй, үйл ажиллагаанд нь нэгдсэн журмаар хяналт тавих боломжгүй байлаа.
Иймд гэрээт харуул хамгаалалтын үйл ажиллагаа эрхэлж байгаа этгээдүүдийн мэдээллийн нэгдсэн санг бүрдүүлэх, үйл ажиллагаанд нь тавих хяналтыг дээшлүүлэх, хуулийн этгээдээс үйл ажиллагааны тайлан, бусад судалгааг цахим хэлбэрээр гаргах боломжтой мэдээллийн системийг ЦЕГ-ын Мэдээлэл, технологийн төвөөс өөрийн дотоод нөөц бололцоонд тулгуурлан боловсруулж ЦЕГ-ын Нийтийн хэв журам хамгаалах газар, Лицензийн төв, Улаанбаатар хотын цагдаагийн газрын нийтийн хэв журам хамгаалах хэлтэст хүлээлгэн өглөө.
Хүлээлгэн өгөх ажилд Нийтийн хэв журам хамгаалах газрын дарга, туслах комиссар Б.Ганзориг, Мэдээлэл, технологийн төвийн дарга, цагдаагийн хурандаа Х.Энхжаргал, Лицензийн төвийн дарга , цагдаагийн хурандаа Г.Эрдэнэцацрал, Улаанбаатар хотын цагдаагийн газрын Нийтийн хэв журам хамгаалах асуудал эрхэлсэн дэд дарга, цагдаагийн дэд хурандаа И.Баттөгс, мөн газрын Нийтийн хэв журам хамгаалах газрын хэлтсийн дарга, цагдаагийн дэд хурандаа Ц.Цэрэнпунцаг болон албаны бусад хүмүүс оролцов.
Тус мэдээллийн систем нэвтэрснээр гэрээт харуул хамгаалалтын үйл ажиллагаа эрхлэгч хуулийн этгээд, иргэдэд учрах хүндрэл бэрхшээлийг шийдэж, хүнд суртлыг бууруулах, цаг хугацааг хэмнэн төрийн үйлчилгээг иргэдэд хүртээмжтэй хүргэх, нөгөө талаар цагдаагийн байгууллагаас гэрээт харуул хамгаалалтын үйл ажиллагаа эрхэлж байгаа хуулийн этгээдийн нэгдсэн мэдээллийн сантай болж, үйл ажиллагаанд нь тавих хяналт дээшлэн, цагдаагийн байгууллагын үйл ажиллагааны давхцлыг арилган, авилга, ашиг сонирхлын зөрчлөөс урьдчилан сэргийлэх нөхцөл бүрдэнэ гэж үзэж байна гэж МЭДЭЭЛЭЛ, ТЕХНОЛОГИЙН ТӨВ-өөс мэдээллээ
-
2015 оны 11 сарын 26
ОБЕГ-ын Гатшгаас уръдчилан сэргийюх газрын ахлах тэргэжилтэн, хошууч Б.Дулат- сурэнгээс цаг агаарын байдал болон алъ зат даваа хаагдсан талаар тодрууллаа.
-Өдөр болгон шахуу цас хялмаалж байна. Энэ нь зуд болохын дохио гэх юм. Орон нутагт нөхцөл байдал ямар байгаа вэ?
-Манай орны нийт нутгийн 80 орчим хувь нь цасан бүрхүүлтэй байна. Энэ сарын 15-наас ихэнх нутгаар цас орсон. Баруун болон төв, зүүн, говийн аймгийн нутгаар цас орсон. Увс, Завхан, Төв, Булган, Өвөрхангай, Архангай, Баянхонгор аймагт цасны зузаан 13-22 см хүрсэн. Дээрх аймгуудын хил залгаа сумдад 6-21 см зузаан цасан бүрхүүл тогтсон байна. ОБЕГ-аас аймаг, орон нутгийн иргэдэд өвөлжилтийн талаар болон сэрэмжлүүлэг мэдээлэл өгч байгаа. Цас бэлчээргүй болох аюултай байна. Мөн орон нутгийн зам даваанд халтиргаа гулгаа үүсчээ. Завхан аймгийн Загастайн даваа засвартай байгаа учраас түр хаасан. Тиймээс зорчигчид Тагтын даваагаар давж байна. Говь- Алтай аймгийн Дөтийн даваа даснаас болж хаагдсан. Ер нь энэ даваа жил бүр хаагддаг. Тиймээс тус даваагаар давалгүй тойрч явахыг анхааруулж байна.
-Баруун айшууд руу зорчих замын үзэгдэх орчин харагдахгүй, шуургатай байна гэх юм. Цаашдаа үргэлжлэн цас орох уу?
-Ихэнх нутгаар цас орж, секундэд 12-14 метр хүрч шуурах төлөвтэйг Цаг уур, орчны шин- жилгээний газраас мэдээлж байгаа. Иймээс дулаан хувцастай, нөөц шатахуунтай, бүрэн бүтэн техниктэйгээр замд гараарай. Ялангуяа нялх хүүхэд, настай хүмүүс суудлын автомашинаар хол замд явахгүй байхыг сануулъя.
-
2015 оны 11 сарын 26
“Сүрьеэгүй Монгол” сэдэвт хэлэлцүүлгийг өнөөдөр Төрийн ордонд зохион байгуулав.
-
2015 оны 11 сарын 26
“Амгалан” дулааны станцын үйл ажиллагаа гурван цаг саатав
“Амгалан” дулааны станц нэг зуухаа туршилтаар ажиллуулж, Жуковын музейгээс цааших айл өрхийг дулаанаар хангаж эхэлсэн. Гэтэл өчигдөр тус станцын үйл ажиллагаа доголдож, 16 дугаар хороолол, Ус- 15, Кино үйлдвэр, Баянзүрх дүүрэг, “Сүнжин гранд” зочид буудал, Офицеруудын ордон орчмын айлууд гурван цаг гаруй халаалтгүй байлаа. Тус хэсэгт ”72”, “Хорго”, “Амгалан”, “Монгол” зэрэг хотхоноос гадна “Нарантуул” худалдааны төв орчмын амины орон суудууд бий.
Энэ сарын 23-24-нд шилжих шөнө тус дулааны станцын зуух хэвийн ажиллаж, түгээх төвүүдэд 120 градустай халуун ус нийлүүлж байжээ. Гэвч өчигдөр өглөө 09.40 цагт зуух ажиллахаа больж, хэрэглэгчид “Улаанбаатар дулааны сүлжээ” ТӨХК-д хандаж эхэлсэн байна. Зуухны үйл ажиллагаа зогссон шалтгааныг тодруулахаар Эрчим хүчний яам, ДЦС-4, “Улаанбаатар дулааны сүлжээ” ТӨХК-ийн удирддагууд уг дулааны станцад ажиллаж, доголддыг засуулав. Ингээд өчигдөр 13.00 цаг орчимд зу ажиллуулж, түгээх төвүүдэд 73-80 гра^ ^сын халуун ус нийлүүлж эхэлсэн юм.
-
2015 оны 11 сарын 26
Бусдын нүдийг сохолсон гэх цагдааг шалгаж эхэлжээ
Нийслэлийн Чингэлтэй дүүргийн эрүүлжүүлэх байрны цагдаа, ахлах ахлагч Н.Хувьзаяаг эрүүлжүүлэхэд саатуулсан иргэний нүд рүү нулимс арраруулагч хий цацаж гэмтээсэн хэрэгт холбогдуулан шалгаж эхэлжээ. Тодруулбал, хэрэгт холбогдсон ахлах ахлагч энэ сарын 14-ний өдөр эрүүлжүүлэгдсэн иргэнийг шаардлага биелүүлсэнгүй хэмээн гарыг нь гавлаж нүд рүү нудимс асгаруулагч цацсан аж. Ингээд үүний дараа гэмтсэн гэх иргэний нүд нь юм харахгүй болж эмнэлэгт үзүүлтэл хараагүй болсон гэх оношийг тавьжээ.
Тиймээс тэрбээр энэ талаар цагдаагийн байгууллагад гомдол гаргаж асуудлыг шийдүүлэхээр болсон аж.
-
2015 оны 11 сарын 26
Архивын газрын үйл ажиллагааг түр зогсоов
Архивын ерөнхий газрын үйл ажиллагааг ирэх сарын 1-нээс гурван сарын хугацаатай түр зогсоожээ. Учир нь, Архивын ерөнхий газрын шинэ цогцолбор барилга ашиглалтад орж, ҮТА- ыг нүүлгэн шилжүүлэх ажлыг зохион байгуулах аж. Тиймээс тусгазраас иргэд, байгууллагад үзүүлэх мэргэжил, арга зүйн зөвлөгөө, сургалт болон ҮТА- ын лавлагаа, мэдээллийн үйлчилгээг 2015 оны арванхоёрдугаар сарын 1-ний өдрөөс ирэх оны хоёрдугаар сарын 29-ний өдрийг дуусталхугацаагаар түр зогсоосон байна.
Архивын ерөнхий газрын шинэ цогцолбор барилгын гүйцэтгэлийн ажил 2013 оноос хойш тодорхой шалтгаануудын улмаас зогсоод байсан ч ийнхүү ашиглалтад орохоор болжээ. Хан-Уул дүүргийн X хороо буюу Буянт-Ухаа хоёр хорооллын баруун талд байрлах архивын шинэ цогцолбор байр нь Монгол Улсын түүх, соёлын архивын баримт, биет үзмэр, бүтээл хадгалах олон улсын стандартад нийцсэн, оффис, хадгаламжийнсан, лаборатори, нийтийн зориулалт бүхий 16.700 m2 талбай бүхий зориулалтын байр аж.
Одоогийн байдлаар архивын байгууллагын нийт ажилтнууд шинэ цогцолбор барилга руу нүүх бэлтгэл ажлыг хангаж уртасгасан цагаар, архивын баримтыг гэмтэж устахаас хамгаалж, аюулгүй байдлыг ханган ажиллаж байна. Өөрөөр хэлбэл, архивын баримтыг тусгайлан багцалж тээвэрлэх буюу 16.700 хайрцаг, 37.500 уут архивын баримтыг нүүлгэх юм.
-
2015 оны 11 сарын 26
Онцгой байдлын ерөнхий газрын дарга, бригадын генерал Т.Бадрал Азийн гамшгийн бэлэн байдлын төвөөс 2015 оны 11 дүгээр сарын 26-28-ны өдөр Тайландын Вант Улсын Бангкок хотод зохион байгуулж буй “Гамшгийн эрсдэлийг бууруулах үйл ажиллагааг уур амьсгалын өөрчлөлтөд дасан зохицох үйл ажиллагаанд нэгтгэх нь” сэдвийн хүрээнд зохион байгуулж буй Пан Азийн бүс нутгийн форумд оролцож байна.
Тэрбээр “Хүрээлэн буй орчин, амьжиргааны эх үүсвэр болон хүнсний аюулгүй байдлын салбар дахь гамшгийн эрсдэлийг бууруулах үйл ажиллагааг уур амьсгалын өөрчлөлтөд дасан зохицох үйл ажиллагаатай нэгтгэх” сэдэвт эхний хэлэлцүүлгийг удирдан явуулж байгаа бөгөөд маргааш буюу 11 дүгээр сарын 27-ны өдөр “Гамшгийн эрсдэлийг бууруулах үйл ажиллагааг уур амьсгалын өөрчлөлтөд дасан зохицохтой нэгтгэх Монгол Улсын туршлага” сэдвээр илтгэл тавина.
Форумын эхний өдрийн хуралдааныг шууд нэвтрүүлэх ба дараах хаягаар орж үзэж болно.
-
2015 оны 11 сарын 26
Өнөөдөр та бүхэн энэхүү экосистемийг бүрдүүлэх чиглэлээр олон улсад хүлээн зөвшөөрөгдсөн экспертүүдийг оролцуулан чуулган зохион байгуулж байгаад баяртай байна. Түүнээс гадна тус чуулганд эрдэмтэн-судлаачид, энтерпренерүүд, бодлого тодорхойлогчид, хөрөнгө оруулагчдыг өргөнөөр оролцуулж байгаа нь Монгол оронд шинжлэх ухаан, технологийн чөлөөт бүс, шинжлэх ухааны парк хөгжүүлэх боломжийг тодорхойлох, бодлого үйл ажиллагаандаа тусгахад түлхэц өгнө гэдэгт миний бие эргэлзэхгүй байна.
-
2015 оны 11 сарын 26
Нийслэлд авто худалдаа эрхэлж байгаа 8000 гаруй иргэд шинээр баригдсан авто худалдааны цогцолбор руу хүчээр нүүлгэх шийдвэр гаргасан Хотын дарга Э.Бат-Үүлийн А/980 тоот захирамжийг эсэргүүцэн 2015 оны 11-р сарын 27-ны өдрийн 10 цагаас Нийслэлийн захиргааны хэргийн шүүхийн гадна жагсаал цуглаан зохион байгуулах гэж байна. Хүчээр нүүлгэн шилжүүлэх асуудлыг эсэргүүцсэн шүүх хурал уг өдрийн 10:30 цагаас эхлэх тул үүнтэй зэрэгцэн эсэргүүцлийн цуглаан зохиож байгаа юм. Учир нь авто худалдаа эрхэлдэг 8000 иргэний зөвхөн нэг өрх нь л гэхэд 10-30 сая төгрөгийн арилжааны банкны зээлтэй. Хамгийн багаар тооцоолон гаргасан энэхүү дүнг нэгтгэвэл 800,000,000,000 төгрөгийн нэгдсэн дүн гарч байгаа юм. Энэ нь зөвхөн эд хөрөнгөө үнэлж байгаа үнэлгээ бөгөөд эрүүл мэндээ огт үнэлээгүй гэдгээ мэдэгдлээ. Жагсаалд 1000 машины зах, Да хүрээ зах, Өгөөмөр зах, Мөнгөн хүлэг зах, Цирк болоод Саруул худалдааны төвийн машины худалдаа эрхлэгчид, Хүнд машин механизмын техникийн зах, сэлбэгийн худалдаа эрхлэгчид, авто плаза төв түүнийг тойрсон төвүүдийн төлөөлөл зэрэг захуудаас гадна хувиараа авто худалдаа эрхлэгчид, захуудыг дагаж хүнс болоод барааны худалдаа эрхлэгчид, банш бууз зарж өдрийн хоолоо залгуулдаг иргэд хүртэл оролцоно. Жич: Дээрхи авто худалдааны захуудыг түшиглэн худалдаа эрхэлдэг хүмүүс гол төлөв хижээл насныхан буюу хувь болоод улсын аль ч байгууллагуудад тавьдаг ажлын байрны өндөр шаардлагыг хангадаггүй иргэд байдаг. Тэд улсаас ажлын байр гуйдаггүй ч жилд төлөх татварын хэмжээ төрийн албан хаагчдаас өндөр, бусдыг ажлын байраар давхар хангадаг хүмүүс байдаг юм. Дэлгэрэнгүй мэдээлэл авахыг хүсвэл: 96011010 Ууганаа 1000 машины захын худалдаа эрхэлгч, 96669570 Г.Батбаяр өмгөөлөгч, 98984473 К.Султанбек өмгөөлөгч нартай холбогдоно уу.
-
2015 оны 11 сарын 26
Анхдугаар үндсэн хууль баталж, Бүгд найрамдах улсыг тунхагласны 91 жилийн ойд зориулсан үндэсний бөхийн уламжлалт барилдаан өнөөдөр 14:00 цагт Монгол бөхийн өргөөнд эхэлнэ. Жил бүр 256 бөх зодоглодог уг барилдаан нь бөхчүүд болон үзэгчид ач холбогдол өгдөг томоохон барилдааны нэг билээ. Барилдаанд энэ цагийн шилдэг улсын аварга, арслан цолтон тэргүүтэй бөх сонирхогчдын тэргүүн бөхийн тааварт байдаг олон бөх зодоглох аж.
Өмнөх жилийн барилдаанд Увс аймгийн Баруунтуруун сумын харьяат Хилчин спорт хороо, Увснуур дэвжээ, Монголросцветмет нэгдлийн бөх улсын аварга С.Мөнхбат найм даван түрүүлж, Ховд аймгийн Чандмань сумын харьяат Аврагч спорт хороо, Ховд дэвжээ, Нью прогресс группийн бөх улсын харцага Б.Пүрэвсайхан долоо даван үзүүрлэж байсан юм.
-
2015 оны 11 сарын 26
Ерөнхийлөгч “Шинжлэх ухаан, технологи, инновацийн экосистем” уулзалтад оролцогчдод илгээлт явуулав
-
2015 оны 11 сарын 26
2015 оны 11 дүгээр сарын 25-ны өдөр Улаанбаатар хотын Замын цагдаагийн газрын ЖШУХ дээр нийт 415 дуудлага мэдээ мэдээлэл хүлээн авснаас зам тээврийн ослын 350 дуудлага бүртгэгдсэн байна. Үүнээс ХАБАЖЭГХэрэг 3 бүртгэгдэж 3 хүн хүнд хөнгөн гэмтсэн үүнээс жолооч-0, явган зорчигч-3, зорчигч-0. Хүүхэд зам тээврийн осолд өртсөн 1 үүнээс сургуулийн өмнөх насны 0, сургуулийн насны 2, согтууруулах ундааны зүйл хэрэглэсэн үедээ хөдөлгөөнд оролцсон жолооч 1, явган зорчигч 2. Согтууруулах ундааны зүйл хэрэглэсэн үедээ зам тээврийн осолд холбогдсон жолооч 1, явган зорчигч 1. Согтуугаар тээврийн хэрэгсэл жолоодсон 59 жолоочийг журамлан гарч болзошгүй осол хэргээс урьдчилан сэргийлсэн.
-
2015 оны 11 сарын 26
Нийслэлийн Засаг дарга бөгөөд Улаанбаатар хотын Захирагч Э.Бат-Үүл БНАСАУ-ын нийслэл Пхенян хотын Ардын хорооны дарга Ча Хий Римийн урилгаар энэ сарын 19-23-ны өдрүүдэд Пхенян хотод ажлын айлчлал хийлээ. Айчлалын хүрээнд нийслэлийн Засаг дарга БНАСАУ-ын Ардын дээд хурлын Тэргүүлэгчдийн нарийн бичгийн дарга эрхэмсэг ноён Ким Ён Нам-д бараалхаж хоёр улс, цаашлаад хотуудын хамтын ажиллагааны талаар хамтран ажиллах чиглэлээр санал солилцов. БНАСАУ-ын Ардын дээд хурлын Тэргүүлэгчдийн нарийн бичгийн дарга Ким Ён Нам нийслэлийн Засаг дарга Э.Бат-Үүл болон айчллын төлөөлөгчдийг элгэмсэг, халуун дотноор хүлээн авсан бөгөөд энэхүү айчллыг хоёр хотын төдийгүй хоёр улсын найрамдалт харилцааг бэхжүүлэхэд чухал ач холбогдолтой гэж үзэж байгаагаа илэрхийллээ. Мөн нийслэлийн Засаг даргын санаачилгаар Улаанбаатар хотод зохион байгуулсан “Зүүн хойд азийн хотуудын дарга нарын форум”-д тус улсын төлөөлөгчид оролцож, аялал жуучлалын бүс нутгийн хөгжлийн талаар илтгэл тавьсныг дурдлаа. Түүнчлэн бидний уламжлалт найрсаг харилцаа, хамтын ажиллагаа Зүүн хойд Азид энхтайвныг бэхжүүлэхэд чухал үүрэгтэй” гэдгийг онцлон тэмдэглэв.
Нийслэлийн Засаг дарга, Пхенъян хоттой аж ахуйн байгууллагуудын хооронд харилцан ашигтай хамтын ажиллагааг идэвхжүүлэх, хотын тохижилт, бүтээн байгуулалт, цэцэрлэгжүүлэлт, хотын хөгжлийн асуудлаар туршлага солилцох арга хэмжээг мэргэжилтнүүдийн түвшинд зохион байгуулах, энэ хэлбэрийн хамтын ажиллагааг Монголын хувийн хэвшлийн нэгжүүдийн оролцоотойгоор хэрэгжүүлэх, хоёр хотын аялал жуучлалын салбарын хамтын ажиллагааг хөгжүүлж, аялал жуучлалын төлөөлөгчийн газрыг Улаанбаатар хотод байгуулах зэрэг саналыг эрхэмсэг ноён Ким Ён Нам-д хэллээ. Уулзалтын төсгөлд нийслэлийн засаг даргын тавьсан ажил хэрэгч эдгээр санал, санаачилгыг дэмжин, өөрийн зүгээс шаардлагатай ажлуудыг хийнэ гэдгээ илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 26
Нийслэлийн Засаг дарга БНАСАУ-ын нийслэл Пхенъян хотод энэ сарын 19-23-ны өдрүүдэд ажын айлчлал хийх үеэрээ тус улсын Вөнсан хот болон Зүүн бүсийн аялал жуучлалын хөгжлийн төлөвлөгөөтэй танилцаж, хоёр хотын хооронд шууд нислэгтэй болох талаар санал солилцлоо.
БНАСАУ-ын Вөнсан хот нь зүүн далайн эрэг дагуу байрладаг бөгөөд 7400 га газар нутагтай. Энэхүү хотыг бие даасан байдлаар, зүүн бүсийн аялал жуучлалын бүс болгон хөгжүүлэхээр бүтээн байгуулалтын ажлыг эхлүүлжээ. Тус хотод олон улсын стандартад нийцсэн цанын бааз байгуулснаас гадна, олон улсын нисэх онгоцны буудлын бүтээн байгуулалтын ажлыг эхлүүлжээ. Мөн энэ хотод Олон улсын хүүхэд, пионерийн зуслан, хүүхдийн асрамжийн газар, далайн парк зэрэг жуулчдыг татах олон шинэ бүтээн байгуулалт байгууламжийг хийжээ.
Гэхдээ эдгээр барилга байгууламжийг хамгийн богино хугацаанд цэрэг болон ард иргэдийн хүчээр босгосон гэдгээ Вөнсан хотын удирдлагууд хэлж байсан юм. Тус хотод барьсан цанын баазыг 10 сарын хугацаанд барьж ашиглалтад оруулсан бөгөөд Зүүн хойд азийн бүс нутагт байхгүй олон улсын стандартыг хангасан гайхалтай бүтээн байгуулалт гэдгийг нийслэлийн Засаг дарга онцолж байсан юм.
Мөн олон улсын хүүхдийн зусланд тоглоомын талбай, далайн парк, хөл бөмбөгийн талбай гээд хүүхдийн хүсэл сонирхлыг татахуйц бүтээн байгуулалтыг цогцоор нь хийсэн байна. Нийслэлийн Засаг дарга Вөнсан хотын дарга Ри Меонг Хван, Вөнсан хотын аялал жуучлалынн тусгай бүсийн захирал Чо Ёонг Док нартай уулзах үеэрээ Аялал жуучлалын бүс нутаг болгон хөгжүүлж байгаа энэхүү хот руу Улаанбаатар хотоос шууд нислэгтэй болох, Вөнсан хотын аялал жуулчлалын төлөөлөгчийн газрыг Улаанбаатар хотод байгуулахыг хүслээ. Вөнсан -Улаанбаатар хотуудын хооронд шууд нислэгтэй болсноор Улаанбаатараар дамжин Азийн олон орны жуулчид Вөнсан хотын аялал жуучлалын бүс нутаг руу зорчих боломж бүрдэнэ гэж үзэж байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2015 оны 11 сарын 26
Монгол инженерүүдийн зохион бүтээсэн эко автобус өнөөдрөөс үйлчилгээнд гарна.
-
2015 оны 11 сарын 26
Монгол Улсын иргэн Н.Золзаяа Малайзад хар тамхины хэрэгт холбогдон тус улсын шүүхээс цаазын ял сонссон билээ.
-
2015 оны 11 сарын 26
ХУД-15 Чингисийн өргөн чөлөө, 120 мянгатын уулзварт амины Toyota Allion автомашины жолооч А нь явган зорчигч 72-р сургуулийн ..а ангийн сурагч БЗД-5 хороонд суух П /17н,эр/ мөргөж гэмтээсэн.
СБД-6 Батмөнхийн гудамж ..-р сургуулийн урд замд амины Toyota Prius автомашины жолооч Б нь явган зорчигч ..-р сургуулийн ..в ангийн сурагч СХД 25 хороонд суух Э /9н,эм/ мөргөж гэмтээсэн хэргүүдийг шалгаж байна.
-
2015 оны 11 сарын 26
БЗД-14 “Нарантуул” ОУХТөвийн зүүн талын автозогсоол дээр 13:00 цагийн үед цагдаагийн алба хаагчид эргүүлийн чиглэлд ажиллаж байхдаа сэжиг бүхий СХД-19 хороонд оршин суух А /эр.43н/ гэгчийг саатуулан шалгахад: Биедээ “АКМ” бууны сум 300ш, ”Дробинка” бууны сум 100ш-ийг авч явсаныг илрүүлэн БЗДЦХ-1 шалгаж байна
