-
2015 оны 10 сарын 21
Тухайн өдөр гахай, хулгана, үхэр, луу, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр бурхныг тахих, залбирах, чимэг зүүх, мод тарих, байшингийн суурь тавих, сайн үйлсийг бүтээх, найр хурим хийх, их хэргэм зүүх, хувцас өмсөх, чимэг зүүх, бүжиг наадгай хийх, хараал, хариулга, хатуу үйл хийгээд өглөгийн түллэг тэргүүтнээ сайн. Цэрэг хөдөлгөх, улай гаргах, хиншүү хярвас гаргах, мод таслах, тангаргалах, хурал цуглаан хийхэд муу. Замд гарвал хулгайд өртөх гэмтэй. Баруун чих хангинавал муу зүйл болох, зүүн хангинавал жуулчин ирнэ. Үс шинээр үргээлгэх буюу засуулбал нас уртадна. Өдрийн сайн цаг нь хулгана, үхэр, туулай, морь, бич, тахиа болой. Хяруу унах улирал 03:23 цагт эхэлнэ.
-
2015 оны 10 сарын 21
2015 оны 10 дугаар сарын 20-ны 20 цагаас 10 дугаар сарын 21-ний 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 6-11 метр. Алтай, Хангайн уулархаг нутгаар шөнөдөө 7-12 градус хүйтэн, өдөртөө 2 градус хүйтнээс 3 градус дулаан, Алтайн өвөр говиор шөнөдөө 0-5 градус, өдөртөө 10-15 градус дулаан, бусад нутгаар шөнөдөө 3-8 градус хүйтэн, өдөртөө 6-11 градус дулаан байна.
ТӨВИЙН АЙМГУУДЫН НУТГААР: Солигдмол үүлтэй. Цас орохгүй. Салхи баруунаас секундэд 6-11 метр. Хангай, Хөвсгөлийн уулархаг нутаг болон Туул, Тэрэлж голын сав газраар шөнөдөө 6-11 градус хүйтэн, өдөртөө 0-5 градус дулаан, бусад нутгаар шөнөдөө 3-8 градус хүйтэн, өдөртөө 6-11 градус дулаан байна.
ЗҮҮН АЙМГУУДЫН НУТГААР: Үүлшинэ. Цас орохгүй. Салхи баруунаас секундэд 6-11 метр. Шөнөдөө нутгийн хойд хэсгээр 7-12 градус, бусад нутгаар 3-8 хүйтэн, өдөртөө бүх нутгаар 6-11 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Хур тунадас орохгүй. Салхи баруунаас секундэд 4-9 метр. Шөнөдөө 6-8 градус хүйтэн, өдөртөө 7-9 градус дулаан байна.
ГОВИЙН АЙМГУУДЫН НУТГААР: Солигдмол үүлтэй. Хур тунадас орохгүй. Салхи баруунаас секундэд 6-11 метр. Дундговийн нутгаар шөнөдөө 1-6 градус хүйтэн, өдөртөө 6-11 градус дулаан, бусад нутгаар шөнөдөө 1 градус хүйтнээс 4 градус дулаан, өдөртөө 9-14 градус дулаан байна.
УЛААНБААТАР ХОТ: Үүлшинэ. Хур тунадас орохгүй. Салхи баруун өмнөөс секундэд 5-10 метр. Шөнөдөө 4-6 градус хүйтэн, өдөртөө 8-10 градус дулаан байна.
-
2015 оны 10 сарын 20
Автотээврийн үндэсний төвөөс хот хоорондын зорчигч тээврийн үйлчилгээний чиглэлээ нэмэгдүүлж Улаанбаатар - Замын-Үүд, Замын-Үүд - Улаанбаатар чиглэлийн нийтийн тээврийн автобусаар иргэддээ үйлчилж эхэллээ.
-
2015 оны 10 сарын 20
Газрын тосны бүтээгдэхүүний нөөцийн хэмжээг шинэчлэн тогтоож, бүтээгдэхүүний нэр төрөл, хэмжээг баталжээ.
-
2015 оны 10 сарын 20
”Монголын шүүгчдийн холбоо” ТББ-аас ”шүүхийн бие даасан, шүүгчийн хараат бус” байдалд ноцтой сөрөг нөлөө бүхий тус асуудлаар Олон улсын шүүгчдийн холбоонд (International Association of Judges www.iaj-uim.org) ханджээ.
-
2015 оны 10 сарын 20
Улаанбаатар хотын Ерөнхий менежер бөгөөд Захирагчийн ажлын албаны дарга Б.Бадрал сүүлийн үед улстөржөөд байгаа 2013-2015 оны нийслэлийн тохижилт, ногоон байгууламж, хог хаягдлын чиглэлээр хийсэн ажлын талаар хэвлэлийнхэнд мэдээлэл өглөө.
Тэрбээр хог хаягдлын менежментийг хэрэгжүүлэх ажлын хүрээнд хог хаягдлыг үүссэн цагаас нь дарж булж устгах хүртэлх бүхий л шатанд буцаан хэрэглэж болох зүйлсийг баялаг болгон ашиглах зорилгоорнийслэлийн айл өрхүүдэд хогны уутыг тарааж хэрэглэж хэвшүүлэх ажлыг эхэлсэн. Эцсийн зорилго нь хог хаягдлыг анхан шатанд нь ангилан ялгаж эцсийн бүтээгдэхүүн үйлдвэрлэх. Энэ ажилд нийт 5.8 тэрбум төгрөг зарцуулсан.Японд цаг хугацаа их шаардаж 20 жил ухуулга суртал хийж хэрэгжүүлсэн ажлыг 2 жилийн дотор монголдоо хэрэглэж хэвшүүлж байсан. Гэтэл энэ ажлыг улстөржүүлсээр байгаад 2015 оны 3 дугаар сард зогсоосон. Хог хаягдлын тухай хууль,Төсвийн тухай хуулийг зөрчин сургууль цэцэрлэг барина гэж зүтгэсэн.Айл өрхийн хогны мөнгийг хог хаягдлыг багасгахад л зарцуулах ёстой. Төсвийн хууль зөрчиж өөр ажилд зарцуулах боломжгүй шүү дээ.Аж ахуйн ажлыг улстөржүүлэх шаардлагагүй. Намуудын заавраар хогоо шүүрдэхгүй. Ажилд тусалдаггүй юм гэхэд дараа болдоггүй байх хэрэгтэй. Хэдэн жилийн дараа хог хаягдлыг ангилан ялгах хэрэгтэй, хогны уут хэрэгтэй байсан юм байна гэдгийг ойлгоно. Дотоодын үйлдвэрлэлээ дэмжсэн.Гэтэл урдаас оруулж ирсэн гэж худлаа улстөржүүлсээр байгаад унагасанд харамсаж байна. Авлигатай тэмцэх газраас шалгаад хэвийн явагдсан ажил байна гэж дүгнэсэн. Уг нь хогны уутыг үнэгүй тарааж, зузааныг нь нэмж, иргэдэд хүндрэлгүй хүргэх үүднээс худаг хүнсний дэлгүүрээр хүртэл тараалтыг хийхээр зохион байгуулсан.
Хогны уутанд зарцуулж байсан мөнгийг хог хаягдлын менемжментийг сайжруулах ажил, эко парк байгуулах, гэр хорооллын айл өрхүүдийн бие засах газар, бохирын цооногийг ариутгах, шилдэг тохижилттой аж ахуйн нэгж шалгаруулах, цас мөс хайлуулах бодис худалдан авах, оршуулгын газруудын хамгаалалтын бүсийг хашаажуулах, тэмдэгжүүлэх ажилд зарцуулж байгаа.
Цагаан даваа, Нарангийн энгэрт эко парк байгуулж 12 хувийн хэвшлийн аж ахуйн нэгж хогийг мөнгө болгохоор өөрсдөөсөө хөрөнгө гарган хамтран ажиллаад явж байна. Төр хувийн хэвшлийн хамтын ажиллагааг хангах үүднээс нийслэлээс дэд бүтцийн шийдвэрлэх гэж байна.
Энэ ажлын хүрээнд 99 хорооны машин хүрэх боломжгүй нийтийн эзэмшлийн зам талбайн цэвэрлэгээг иргэдийн бүлгээр нь гүйцэтгүүлэх ажлыг зохион байгуулж байна.Тухайн хороонд амьдардаг иргэд нь орчноо цэвэрлэж байгаа.Нийслэлийн 9 дүүрэгт 153 олон нийтийн байцаагч ажиллуулж байна. Гүйцэтгэлээр нь санхүүжилтийг нь олгож хяналтыг дүүрэг, хороо, хөндлөнгийн төрийн бус байгууллагууд хийж байна.
Мөн хог тээврийн 110-120 автомашинд хог ачилтын автомат төхөөрөмж суурилуулж, хог их үүсдэг газруудад 240, 450 литрийн багтаамжтай цинкен хогийн сав байршуулахаар төлөвлөж байна. Чимээгүй хот нь суурьшлын бүстэйгээ нийлсэн байсан учраас оршуулгын газрын хамгаалалтын бүсийг тогтоож хашаажуулсан.
Ногоон байгууламжийн тухайд 2013 онд хотын гудамж талбайд 21 байршилд 350 сая, 2014 онд 76 байршилд 500 сая, 2015 онд 12 байршилд 200 сая төгрөгөөр цэцэг тарьсан. Энэ ажилд нийт 1 тэрбум 50 саятөгрөг зарцуулсан. Өвлийн -35 хэмийн хүйтрэлттэй манайтай адил сэрүүн уур амьсгалтай орнууд нэг наст цэгийг тарьдаг. Цаг агаар, хөрсний онцлогоос шалтгаалж олон наст цэцэг тарих нь үр дүнгүй гэсэн зөвлөгөөг олон улсын байгууллагууд өгдөг. Олон наст цэцэг тарих нь нэг наст цэцэг тарихаас илүү зардал өндөртэй. Өөрөөр хэлбэл 3-4 дахин илүү зардал шаарддаг. Арчлалт хамгаалалт их шаардлагатай байдаг. Энэ бүх онцлогийг тооцож үзээд мод бут сөөгийг илүү тарьж байгаа. Ургамлын ургалт арчилгаа тордолгооны онцлог байдлыг харгалзаж үзэх хэрэгтэй.
-
2015 оны 10 сарын 20
МЗЭХТ-ийн тэргүүн Ш.Батсайхан
-
2015 оны 10 сарын 20
Эм, эмнэлгийн хэрэгслийн тухай хуулийн шинэчилсэн найруулгын төслийг УИХ-д өргөн мэдүүлнэ
-
2015 оны 10 сарын 20
Хоёр солонгосын иргэд өнөөдөр уулзана
-
2015 оны 10 сарын 20
Авто замын тухай хуулийн төсөл боловсруулна
-
2015 оны 10 сарын 20
Цахилгаанаар хангах гэрээнд ийм өөрчлөлт оруулжээ
-
2015 оны 10 сарын 20
Шонхор шувуу хил давуулах гэж байсан иргэдийг хилчид илрүүллээ
-
2015 оны 10 сарын 20
Төрийн үйлчилгээг цахим хэлбэрт шилжүүлэх төслүүдийг концессоор гүйцэтгүүлнэ
-
2015 оны 10 сарын 20
Газрын тосны бүтээгдэхүүний нөөцийн хэмжээг шинэчлэн тогтоолоо
-
2015 оны 10 сарын 20
Шаргалжуут голын эргээс хайрга олборлож, гольдролыг өөрчлөн урсацыг нь багасгаж болзошгүй хэрэг гарчээ.
-
2015 оны 10 сарын 20
БНАСАУ-д мах экспортох талаар санал солилцлоо
-
2015 оны 10 сарын 20
ОХУМ Г.Анхбаяр: Пара дэлхийн аваргаас Монгол улсын анхны медалиудыг авчирсан
Дорнод аймгийн Таэквондогийн нэгдсэн холбооны Нарийн бичгийн дарга, шигшээ багийн дасгалжуулагч ОУХМ Г.Анхбаяр гэх энэ даруухан залуутай хэдхээн хором уулзаж ярилцах завшаан тохиосон юм. Таэквондогийн төрлөөр өөрөө ч шавь нар нь ч Монголын “анхны анхны” гэсэн тодотголуудыг дэлхийгээс авчирсан ч түүний алдар гавьяаг түмэн төдийлөн мэддэггүй нь сэтгүүлч миний хувьд харамсалтай санагдсанаа нуух юун.
-Уучлаарай, таны гар ийм мухар байхад яаж яваад спортын хамгийн хүнд төрлүүдийн нэг Таэквондог сонгосон юм бэ?
Юуны өмнө өөрийгөө танилцуулах нь зүйтэй болов уу. Би Дорнод аймгийн Сэргэлэн суманд төрж тэндээ амьдарч байгаад 1998 онд аймаг руу ороод 5-р сургууль төгссөн. Дараа нь ХААИС-д орсон ч ээжийн бие муудаад эргэж ирээд Дорно дээд сургуульд орж тэндээ анхны клубээ нээсэн юм. Түүнээс хойш аймаг, сум, нийслэл, улсын тэмцээн уралдаанд ороод явдаг байсан. Ингээд 2003 онд багшлах эрхтэй болоод “Дорнын од” клубдээ багшилж байна даа.
-Дээр үеэсээ Дорнодчуудыг танхай, зодоонч цохиочоороо алдартай гэдгийг бараг бүгд мэдэх байх. Таны хувьд?
/инээв/ Сурсан зүйлээ ашиглаад амьтан хүн зодоод явахыг угаасаа хориглодог. Одоо тийм зүйл гэж юу байхав дээ. Миний шавь нар одоо аймгийнхаа бүх л медаль, улсаас бараг бүгдийг л хамж байна. 2008 оноос улсын спартакиадаас алт авч эхлээд л 2009 оноос улсад түрүүлдэг болсон. Энэ жилийн Хүүхдийн олимпоос нэг хоёрдугаар байрыг авсан. Харин миний хувьд анх Казакстанд болсон оюутны ази тивийн аварга шалгаруулах тэмцээнээс Монгол улсын анхны хүрэл медалийг авчирч байлаа. 2009 онд Азербажайны Баку хотод болон анхны пара дэлхий аваргаас Монгол улсын анхны хүрэл медалийг авчирсан. 2013 онд Швейцарт болсон дэлхийн аварга шалгаруулах тэмцээнээс ахиад хүрэл 2014 онд Москвад болсон тав дахь удаагийн дэлхийн аваргаас алт авчирсан. Энэ жилийн хувьд зардал мөнгө байхгүй юм чинь гээд бэлтгэлээ хаячихаад хэдэн хүүхдүүдүүддээ анхаарал тавьчихаад байж байсан чинь Туркэд болсон тэмцээнд оролцсон манай нэг тамирчин бэртээд тэгээд оронд нь Сочид очиж оролцоод хүрэл медаль аваад ирлээ.
-Пөөх, та чинь тэгвэл Монгол улсын хувьд хосгүй амжилт үзүүлчихээд байгаа хүн юм байна шүү дээ. Бодвол одоо их мөнгөөр шагнагдах байх даа?
/инээв/ Юун тийм юм байхав дээ. Саяны тэмцээнд манай тамирчид түрүүлж Туркэд тэмцээнд оролцохоор явсан. Миний хувьд нэг тамирчин бэртсэн учраас оронд нь гэр орныхоо тавьж болох бүх л зүйлийг ломбарданд тавиад араас нь очиж оролцлоо. Миний оролцдог төрөл бол K44 буюу тохойноос доош гаргүй гэсэн төрөл байдаг. Энэ нь журмынхаа дагуу 1,200,000 төгрөгөөр шагнагддаг юм билээ. Миний хувьд 4 сая төгрөг төлөөд явсан, одоо өртэй стресстэй л явж байна. Өмнө нь Монгол улс дэлхийн наадмаас нэг ч удаа медаль авч байгаагүй юм билээ. Сая манай таэквондогийн дөрвөн хүн яваад дөрвүүлээ медальтай ирсэн.
-Өө тийм бага байдаг юм уу, учиргүй их мөнгөн шагнал дагалддаг гэж боддог шүү дээ. Тийм юм бол заавал энэ спортоор хичээллэх юу байна?
-Анхнаасаа л хичээллээд явсан болохоор одоо орхино гэж юу байхав дээ. Миний хувьд 2012, 2015 онд улсын аваргад хоёрдугаар байрт орсоноос бусад бүх жилүүдэд аваргалсан. Саяын хүүхдийн их наадмаас манай аймаг 15 медаль авсны 8 медалийг миний шавь нар авлаа. Үүнээс илүү амжилт гэж юу байхав. Өөрийгөө байг гэхэд хэдэн хүүхдүүд минь хэтдээ юм дуулгах байлгүй дээ.
-Аймаг, орон нутгаас чинь энэ амжилтыг чинь үнэлдэггүй хэрэг үү?
-За бараг үгүй дээ. Тэмцээн уралдаанд оролцох болохоор аймгийн хэдэн байгууллагыг гүйцээх юм, энэ нэг юм гэсэн байртай зарим нэгэн хүн ханддаг болохоор өөрөө болон хэдэн хүүхдийнхээ аав ээжийн дэм буянаар л болох юм.
-Аав ээжүүдийн дэм буянаар гэснээр та клубээсээ нэлээн орлого олчихно биз?
Бас нэг асуудал байдаг юм аа. Манайх аймаг болон улсаас эхний гурван байрт орсон хүүхдүүдийг үнэ төлбөргүй хичээллүүлнэ гээд заачихдаг юм. Тэгсэн миний хэдэн шавь чинь бүгдээрээ эхний хэдэн байрыг авчихдаг болохоор тэднээсээ санхүүжинэ гэсэн зүйл байхгүй ээ. /инээв/ Энэ спортоор хичээллэх хүүхэд тэр болгон байхгүй, ачааллыг нь даадаггүй юм.
-Таныг чинь хэдэн хүүхдээ ачиж аваад л голын эргээр дасгалжуулаад явдаг гэж сонссон. Хаанаасаа бензин тосныхоо мөнгийг залгуулдаг юм?
Яахав ээ хөөрхий ээж аав нар заримдаа ихэвчлэн өөрөө л бензин шатахуунаа зохицуулна даа. Тэгээд хөдөөгүүр бэлтгэл хийгээд явж байхад манай малчид чинь халуун савтай хоол унд бариад ирдэг юм. Түмнийхээ буянаар болж л байна.
-Энэ байдлыг чинь орон нутгийн тань удирдлагууд сонссон л байлгүй. Дэмжлэг үзүүлж байна уу?
Сонсдог ч юмуу үгүй ч юмуу мэдэхгүй ээ. Сүүлийн үед энэ мэт нөхцөл байдлаас болоод сумынхаа ИТХ-д орж ажилладаг юмуу гэж хүртэл бодох боллоо. Хөндлөнгөөс гуйгаад бүтэхгүй бол дотор нь ороод ажиллахад ядаж л сум орон нутаг хөгжүүлэх төсөв мөнгөнөөс нэг удаагийн тэмцээн уралдааны зардлыг гаргуулах гээд асуудал байдаг л юм байна. Миний нэг шавь Мятад сумын ИТХ-д байдаг юм. Тэр маань сая дэлхийн уралдаан тэмцээнд оролцож буй нэг хүнийхээ зардал мөнгийг шийдүүлчихэж байна. Энэ мэтээр дотор нь орж ажиллах нөхцөл байдал зайлшгүй гарч ирж байна даа.
Таньд баярлалаа
-
2015 оны 10 сарын 20
лаанбаатар хотод 2015 оны эхний 9 сард бүртгэгдсэн гэмт хэрэг, зөрчлийн мэдээлэл, бусдын эд хөрөнгийг хулгайлах гэмт хэргийн тоон үзүүлэлт , хулгайлах, дээрэмдэх, булаалт, хүүхдийг гэмт хэрэг, зөрчлөөс урьдчилан сэргийлсэн сэрэмжлүүлэг, ”Цагдаагийн нийт албан хаагчдын иргэдтэй харилцах харилцаанд нөлөөлж буй хүчин зүйлсийг тодорхойлох хоёр хувьсагчийн судалгаа, цагдаа болон иргэдийн эерэг, сөрөг харилцаанд нөлөөлж буй хүчин зүйлсийг талаар мэдээлэл хүргэнэ.
-
2015 оны 10 сарын 20
Цагдаагийн байгууллагын хэмжээнд тоймлон хүргэдэг “Цагдаа” эмхтгэлийнхээ 2015 оны 3-р улирлын дугаарыг та бүхэндээ хүргэж байна.
Энэ удаагийн дугаараараа “БҮРГЭД-2015” үйл ажиллагаа зохион байгуулаглдлаа, Хууль зүйн яамны харьяа агентлагуудын хууль сурталчилах өдөрлөг боллоо, Европын аюулгүй байдал, хамтын ажиллагааны байгууллагын парламентын ассамблей амжилттай зохион байгуулагдлаа, Дорнод аймаг, Налайх хотын түүхт 80-н жилийн ой, Мөрдөн байцаах алба үүсэн байгуулагдсны 69 жилийн ой боллоо зэрэг түүхэн тэмдэглэлт үйл явдлуудлыг сурвалжиллаа.
Дугаарын зочноор Булган аймгийн Цагдаагийн газрын дарга, цагдаагийн хурандаа О.Ганбат уригдаж, орон нутгийн цагдаагийн байгууллагын ажил амьдралын талаар илэн далангүй ярилцлага өгсөн юм. “Албаны бахархал” булангаараа ЦЕГ-ын Төв архивын газраас бэлтгэсэн цагдаагийн алба хаагчдын хувцасны талаарх түүхийг өгүүлж, “Ахмадын үг” буландаа бэлтгэл хурандаа С.Раднаабазарын ярилцлага, “Харих болоогүй аав” булангаараа Налайх дүүргийн цагдаагийн хэлтсийн хэв журмын ахлах офицер, цагдаагийн ахмад О.Болдбаатарыг танилцуулж, Монголын цагдаад дэслэгчээс хурандаа болтлоо зүтгэсэн нэг ангийнхан, Хүүхдийн амь аварсан цагдаагийн дэслэгч Э.Төмөрхуяг, Олон нийтийн цагдаагийн ажил алба гээд олон сонирхолтой үйл явдал, хоёргүй сэтгэлээр албандаа зүтгэдэг алба хаагчдынхаа тухай нийтлэлээ.
Мөн Алба хаагчдын асуултанд хариулья, шинэ ном, танин мэдэхүй зэрэг булангуудаараа та бүхний нийтлэг асуултанд хариулт өгсөн юм
-
2015 оны 10 сарын 20
лон улсын стандартад нийцсэн хөнгөн атлетикийн замтай болно
