Өргөн уудам говь нутаг гар хүрээгүй унаган байгалийн сайхныг харуулна. Тэр гадаргаас доош 30 мерт гүнд харанхуй ертөнцөд, хууль бус алт олборлогчид хөдөлмөрлөнө. Хуягаа, алт хайж газар дор хууль бусаар ажилладаг “нинжа”. Гоё чулуунуудыг сайн хараад байвал алтны ул мөр байдаг уу, үгүй юу? гэж тэр асууснаар нэгэн кино эхэлнэ. Энэ бол “Алтны үнэ” гэдэг шинэ кино юм. Монголын орчин үеийн эгэл хүмүүсийн төлөөлөл болсон нинжа нарын амьдралыг харуулсан энэ кино тавдугаар сарын эхээр Канадын Торонто хотод нээлтээ хийх гэж байна. Найруулагч Сьюэн Зеллнэр, туслах найруулагч Борхүүгийн Чингүүнжав нарын хамтарсан бүтээл дөрвөн гол дүртэй. Хуягаа, Өсөхөө ах, Ээгий, Хишгээ нарын газар доорх амьдралыг 86 минутад багтаан толилуулжээ. Уг кино олон улсын баримтат киноны “ХотДокс” хэмээх наадамд өрсөлдөж байгаа юм.

     “Өнгөрсөн зуунд хойд Америк тивд өрнөсөн алтны оргил үе өнөөдөр Монгол улсад нүүрлээд байна. Гадаадын компаниуд Монголын орд газрыг ухаж ашиглаж байхад 100 000 орчим нинжа өлмөн зэлмүүн амьдарсаар. Орчин үеийн технологийг бариагүй, бие даасан жижигхэн бүлэг хүмүүс амь насаараа дэнчин тавьж алт ухаж байна. Энэ бол тэдний газар нутаг” хэмээн “ХотДокс”-ын зохион байгуулагч Линнь Крокер онцлон хэлжээ.