МАХН-ын дарга Н.Энхбаярыг авлигалын хэргээр энэ сарын 13-нд Төв аймгийн урьдчилан хорих төвд саатуулсан. Түүнээс мэдүүлэг, байцаалт авахаар цагдан хорисон боловч өнөөдрийг хүртэл мэдүүлэг авч чадаагүй байна. Тэрээр гэр бүлийнхээ эсрэг нэг ч мэдүүлэг өгөхгүй хэмээн мэдүүлэг өгөхгүй байгаа юм. Хэдийгээр түүнээс нэг ч удаа байцаалт авч чадаагүй ч Сүхбаатар дүүргийн шүүхээс гаргасан 14 хоног хорих захирамж нь маргааш дуусч байгаа. Тэгэхээр Н.Энхбаяр маргааш суллагдаж магадгүй юм. Гэвч түүнийг цагдан хорьсон өдөр АТГ-ын газрын мөрдөн шалгах албаны дарга Э.Амарбат "Сэжигтнээр тооцсон учраас 14 хоног цагдан хорих захирамж гарсан. Хэрвээ яллагдагчаар татвал хоёр сар цагдан хорих боломжтой" хэмээн мэдэгдэж байсан билээ. Б.Чимэг
