“Босоо хөх монгол” хөдөлгөөний залуучууд, дэмжигчид “Бурхан халдун”-д  өвөрмонгол иргэнийг өмнөө сөхрүүлж, бичлэг хийн зураг авсан нь цахим ертөнцөд шуугиан тарьж багагүй асуудал үүсгэсэн. Улмаар энэ байдлаасаа болж хуулийн байгууллагад шалгуулж, байцаалт өгч байгаа.

Тэдний зүгээс “Өвөрмонгол иргэнийг сөхрүүлж, элдвээр доромжлоогүй байхад нийгэмд ийм мэдээлэл гарч бид нэр төрөөрөө хохирлоо. Бидний хийгээгүй хэргийн өмнөөс асуудлыг нягтлаагүй байж Хотын дарга Өвөрмонголчуудаас уучлалт гуйсанд харамсаж байна. Хотын дарга Э.Бат-Үүлийг уучлалт гуйснаас болж Хятадын хэвлэл мэдээллийн хэрэгсэлд биднийг хэт даврагсад мэтээр янз бүрээр бичиж байна. Мөн болсон үйл явдлыг шалгаж нягтлаагүй байж бид бүхнийг буруутгаж байгаад гомдолтой байна” гэсэн юм.

Мөн тэд сөхрөж суусан өвөрмонгол залуу хийгээд хамт явсан хүмүүст нь харин ч тусалсан. Биднийг тусалсаны хариуд тэд талархал илэрхийлсэн. Тиймээс бид үнэн мөнийг хэлүүлэхээр сөхөрч суусан гэх залуугийн араас БНХАУ-ыг зорьсон. Гэвч биднийг хилээр гарах эрхийг хаасан байсан. Тиймээс уг залуутай устаар ярьж баримт болгож авлаа гэв.

Цагдаагийн байгууллагад шалгагдаж эхэлсэн “Босоо хөх Монгол”-ын найман иргэнийг ийн хилээр гарахыг хориглоод байна.

Д.Ундрах /24tsag.mn/