Дөрвөн настай охин төрсөн эцэг, хойд эхийнхээ гарт амиа алдсан харамсалтай хэрэг гараад сар гаруйн хугацаа өнгөрч байна.  Улмаар төрсөн эцэг Т.Цогт болоод хойд эх Г.Маралмааг нь хорих 461 дүгээр ангид саатуулан эрүүгийн хэрэг үүсгэн шалгаж байгаа.

Тэгвэл тэдэнд холбогдох хэргийн мөрдөн байцаалт дуусч, яллах дүгнэлт үйлдүүлэхээр прокурорын байгууллагад шилжүүлсэн байна.

Мөрдөн байцаалтын явцад Т.Цогт ар гэрийнхэн хуулийн байгууллагад танилтай учраас хэргийг хамтран амьдрагч Г.Маралмаад тохох гэж байгаа тухай хэвлэл мэдээллийн хэрэгслээр цацагдаж байсан. Тэгвэл Т.Цогт нь хэргээ хамтран амьдрагч Г.Маралмаад тохсон байж болзошгүй нөхцөл байдал үүсээд байгааг эх сурвалж мэдээллээ. Учир нь Т.Цогтод Эрүүгийн хуулийн тусгай ангийн 107.3, 246.1-т зааснаар хэрэг үүсгэн прокурорт яллах дүгнэлт үйлдүүлэхээр шилжүүлсэн байна.

Харин хамтран амьдрагч Г.Маралмаагийн хувьд Эрүүгийн хуулийн тусгай ангийн 91.2.12, 91.2.15-т зааснаар буруутгагдаж байгаа юм байна.  Өөрөөр хэлбэл,  Г.Маралмаа охиныг хөнөөсөн зүйл ангиар буруутгагдаж, Т.Цогт хэргийг нуун дарагдуулсан гэж буруутгагдаж байна.

Д.Ундрах /24tsag.mn/