Манай сайт төрийн албаныхны цомхотголын асуудлаар яам, салбар бүрээр нь онцлон хүргэж байгаа билээ. Яахын аргагүй хөндөх ёстой энэ л сэдвийн хүрээнд БОНХЯ, МХЕГ зэргийн халаа сэлгээ, төрийн албаныхны үндэслэлгүй ажлаас халагдах байдлыг илчилсэн.
Харин энэ удаад Эрүүл мэнд, Спортын яамны цомхотгол нэрийн дор төрийн албан хаагчдыг хоолноос нь салгасан “хатуухан” шийдвэрийн талаар танилцуухаар бэлтгэлээ.
Мөн л халагдсан ажилчид нь өргөдөл гомдлоо барьсаар хууль шүүхийн байгууллага, гомдол санал хүлээн авагчдын хаалгыг шагайж яваа энэ асуудлын гол буруутан нь Г.Шийлэгдамба сайд.
Анхнаасаа л мэргэжлийн бус гэдгээрээ цоллуулж муухан нэртэй сайд болсон Г.Шийлэгдамба цомхотгол нэрийн дор хуучин удирдлагынхаа хүмүүсийг халж орхисон юм.
Угтаа хамгаас илүү мэргэжлийн байх ёстой энэхүү салбарыг улс төрийн наймааны золиос болгосны уршгаар сүүлийн 10 гаруй жил ямар их доройтол, хэл ам дагуулсаныг та бүхэн мэдэж байгаа биз ээ.
Хамгийн сүүлд л гэхэд “Шийдлийн” Засгийн газар Эрүүл мэнд, спортын сайдаар аялал жуулчлалын менежер мэргэжилтэй Г. Шийлэгдамбыг томилоод ийн хэл амтайхан өдөр хоногуудыг өнгөрөөж байгаа билээ.
Түүнийг сайд болсоноосоо хойш “бүтэхгүй” хүмүүстэй нийлж, эрүүл мэндийг салбарыг бужигнуулах болсоныг олон хүн хэлдэг. Халж, мөн хууль зөрчин боловсон хүчнээ бүрдүүлж яваа Г.Шийлэгдамбад гоморхосон зарим ажилчид нь Өргөдлийн байнгын хороонд ч ханджээ.
Тухайлбал, Төрийн нарийн бичгийн даргын албан үүргийг түр орлон гүйцэтгэгчээр Эрүүл мэндийн яаманд мэргэжилтэн байсан Г. Ганчимэг гэгчийг томилуулж, “өөрийн” дуулгавартай хүмүүсийг яаманд шургалуулах, үүний тулд саад болж байгаа төрийн албан хаагчдыг замаасаа зайлуулах ажлыг Г. Ганчимэгээр хийлгэж байгааг эх сурвалж мэдээлсэн. Мэргэжилтэн Г. Ганчимэгийг Төрийн нарийн бичгийн даргын албан үүргийг түр орлон гүйцэтгэгчээр томилсон Эрүүл мэнд, спортын сайдын 2014 оны 03 дугаар тушаал нь Засгийн газрын 2011 оны 62 дугаар тогтоолоор баталсан “Төрийн жинхэнэ албан хаагчийн албан үүргийг түр орлон гүйцэтгэх журам”-ыг үндэслэсэн боловч энэхүү журмын 4.3.2, 4.7 дахь заалтыг тус тус зөрчсөн аж
