Өнгөрсөн гуравдугаар сарын 31-ний өдөр Увс аймгийн Өмнөговь сумын Улиаст багийн Цэхээ гэдэг газар Цэцэг цэврүү шиг дөнгөж дөрвөн настай бяцхан охиныг хүчирхийлсэн хүний санаанд багтамгүй жигшүүрт хэрэг хэрэг гарсан. Ээж нь таван настай хүү, дөрвөн настай охиноо гэртээ үлдээгээд малд явах хойгуур нь тус хэрэг болсон байдаг. Хэргийг Ховд аймгийн харьяат, 50 орчим насны Балт гэгч үйлдсэн бөгөөд ахыг нь гар утсаараа тоглуулан гадаа гаргаад, дүүг нь хүчирхийлжээ. Тэр ч бүү хэл, охиныхоо эмзэг эрхтнээс цус гарч байгааг хараад цагдаа дуудахаар завдсан ээжийг нь хутгаар сүрдүүлчээд гарч явсан байна. Тэр даруй сумын эмнэлэг, цагдаад дуудлага өгснөөр охиныг сумын эмнэлэгт, маргааш нь аймгийн эмнэлэгт хүргүүлсэн бөгөөд одоогоор охин ямар ч дуу чимээгүй, гөлийсөн байдалтай байгаа аж. Харин гэмт этгээд Балтыг Баян-Өлгий аймгаар дамжин ОХУ руу оргон зугтах гэж байхад нь баривчилжээ. Балтын хувьд өмнө нь 12 настай охиныг хүчирхийлж байсан бөгөөд түүнд мөнгө өгөөд хэргээс мултарч байсан юм байна.

Д.Ундрах /24tsag.mn/