Таны гал тогоонд байдаг байгалийн гаралтай хүнсний бүтээгдэхүүн таны гоо сайханд ч чухал байр суурийг эзлүүлдэг байна. Хавар цаг ирж хүн бүхэн гоо сайхандаа анхаарч байгаа энэ үед энгийн аргаар сайхан арьстай болох аргыг та бүхэндээ хүргэж байна. 

1. Нуурын давс
Үрэвслийг хурдан дарах эсвэл батга гарсан газар хэрэглэхэд тохиромжтой. Далайн давс нүүр, биеийг гүн цэвэрлэдэг, арьсны үхэжсэн хэсгийг гуужуулж, шингэн хадгалалтыг тогтоон чийгшлийг тэнцвэржүүлж, нүх сүвнээс хорыг гадагшлуулж, булчинг амрааж өгдөг ид шидтэй юм байна. Хэрэглэх хамгийн энгийн арга нь арьсаа норгоод, нойтон гаран дээрээ давсаа наалдуулаад, арьсандаа зөөлхөнөөр алгадаж өгнө. Хэдэн минут байлгаж эсвэл шууд зайлж болно. Хэтэрхий үрэхгүй байх хэрэгтэй.

2. Алимны хүчил
Алимны хүчил бол таны арьсны хүчиллэг байдлыг тэнцвэржүүлэхэд чухал үүрэгтэй байгалийн хамгийн сайн агшаагч. Цусны эргэлтийг нэмэгдүүлж, бактер болон вирусыг устгадаг. Хүчил нь хүчтэй учраас хэрэглэхдээ дандаа усаар шингэрүүлэх хэрэгтэй. Даавуу эсвэл хөвөнд шингээж нүүрэндээ тавина. Угаах шаардлагагүй.

3. Наргил модны тос
Энэхүү тос нь арьсыг гайхалтай чийгшүүлэх ба шингэц хурдацтай, олон цагаар чийгшлээ хадгална. Бактер ба мөөгөнцрийн эсрэг үйлчилгээтэй болохоор тууралт, сорви, үрэвсэл, батга зэргийг эдгээхэд тустай. Энэ тос нь мөн нарнаас хамгаална. Наргил модны тос арьсанд их тэжээл өгнө.

4. Оливын тос
Оливын тос нь нүүрэнд чийгшэл сайтар өгөх чадвартай бөгөөд мөн үнийн хувьд ч боломжийн юм. Оливын тос нарны гэмтэл болон арьсны хорт хавдраас таныг хамгаална. Хүний арьсанд харшил өгдөггүй тул бүх төрлийн арьсанд тохиромжтой. Зөвхөн арьсанд бус үс арчилгаанд ч хэрэглэж болно.

5. Нунтагласан овьёос ба бүйлс самар (алмонд)
Арьсыг маш зөөлхөн болгодог хөнгөн гуужуулагч. Энэ хоёр хоёулаа арьсыг гайхамшигтай тайвшруулах болон анагаах үйлчилгээтэй ба арьсны үрэвслийг багасгана. Овьёосыг хэрэглэх хамгийн амархан арга бол аяга дүүрэн овьёосыг ваннтай бүлээн усанд хийж, хэвтэх юм.

6. Хүнсний сод
Толбо арилгагч, ооны орц, хуйхан дахь шампуны хуримтлалын гүн цэвэрлэгч, үнэр арилгагч. Хэрэглэх хамгийн сайн арга бол нүүрний батгыг эмчлэх юм. Устай хольж шавар шиг болгож байгаад батганы шархан дээр түрхэнэ. Үнэр орсон газар цацаж нилээн хүлээж байгаад зайлахад эвгүй үнэр арилна.

7. Зөгийн бал
Арьсыг чийгшүүлж, амрааж өгөх ба давхар бактер устгана. Үрэвслийн эсрэг ба нүхийг хатаадаг. Гуужуулагч болон масканд нэмэхэд маш сайн орц болох ба дангаараа ч маш сайн маск юм. Нүүрэндээ түрхээд нилээн байлгаж байгаад (шөнийн турш биш), бүлээн усаар зайлна.

8. Сармис
Сармис нь арьсны үхэжсэн эд эсийг гуужуулж сорвитой гадаргыг мөн гуужуулахаас гадна батгыг үүсгэж байгаа тос болон нянг устгадаг байна. Сармистай хандыг 5 минутаас дээш хугацаанд нүүрэндээ байлгаж болохгүй ба бүлээн усаар нүүрээ угаагаад өөрөөр нь арчилгүй хатаана. Мөн хомхойг ул мөргүй арилгаж болохоос гадна батганаас үлдсэн сорвийг ч үлдээлгүй алга болгож болно. Ингэхийн тулд  нэг ширхэг сармисыг үрж хоёр халбага буцалсан устай холино. Нүүрээ угааж хуурай болсны дараа бэлэн болсон хольцыг нүүрэндээ түрхэнэ.

9. Элсэн чихэр
Усанд хурдан хайлдаг, арьсыг толигор болгож, цэвэрлэж өгдөг. Та этилийн спирттэй исэлдэгч химийн бодисоор хийдэг үнэтэй гуужуулагчийн талаар сонсож байсан уу? Тэр нь элсэн чихрийн хиймэл хувилбар юм. Түүний оронд гоё гялалзсан, цэвэр арьсийг хүсэж байвал элсэн чихрийг ашиглаарай. Усанд орж байхдаа арьсаа чихрээр үрж болно. Нүүрэндээ зөөлхөн иллэг маягаар хэрэглэхэд тохиромжтой.

10.Зуун наст
Арьсыг хурдан эдгээх, чийгшүүлэх, шинэ эсийг төлжүүлнэ, үрэвсэл болон загатнааг багасгах, ба үл исэлдүүлэгч бодис агуулдаг. Навчнаас нь шууд шинээр нь зүсэж аваад нялцгай хэсгийг арьсандаа тавьж хэрэглэвэл хамгийн тохиромжтой. Мөн шүүс болон гелэн хэлбэрээр хэрэглэж болдог.