Өчигдөр НОБГ-т ирсэн дуудлага мэдээллийг танилцуулж байна.

  Налайх дүүргийн 1 дүгээр хороо, Цайзын 1 дүгээр гудамжинд хөрсний өнжмөл өвс шатаж байна гэсэн дуудлагыг өгснөөр Аврах гал унтраах 28 дугаар ангийн тасгийг очиход “Ниста” ХХК-ний хашаанд 0.8 га газарт хөрсний өвс шатаж байсныг унтраасан.

   Баянзүрх дүүргийн 20 дугаар хороо, Шар хоолойн их аманд вагончик шатаж байна гэсэн дуудлагыг өгснөөр Аврах гал унтраах 35 дугаар ангийн тасгийг очиход 3х5 метрийн хэмжээтэй вагончик шатаж байсныг унтраажээ.

   Чингэлтэй дүүргийн 19 дүгээр хороо, Доод салхитын 6 дугаар гудамжинд хашаа шатаж байна гэсэн дуудлагыг өгснөөр Аврах гал унтраах 34 дүгээр ангийн тасгийг очиход айлын хашаанд  0.8 га газарт хөрсний өвс шатаж, иргэн Д-ын 1 метрийн хэмжээтэй хашаа галын дөлд хайрагдсан байсныг унтраасан байна.

   Хан-Уул дүүргийн 5 дугаар хороо, Яармагийн 18 дугаар гудамжинд байшин шатаж байна гэсэн дуудлагыг өгснөөр Аврах гал унтраах 30 дугаар ангийн тасгийг очиход 4х6 метрийн хэмжээтэй байшингийн дээврийн хэсэг шатаж байжээ.

   Сонгинохайрхан дүүргийн 1 дүгээр хороо, Толгойтын 43 дугаар гудамжинд гэр шатаж байна гэсэн дуудлагыг өгснөөр Аврах гал унтраах 18 дугаар ангийн тасгийг очиход 5 ханатай гэр, 8х8 метрийн хэмжээтэй амбаар, 4х6 метрийн хэмжээтэй гарааш тус тус шатаж байсныг унтраасан. Гал түймрийн аюулаас 30 сая төгрөгийн өмч хөрөнгийг авран хамгаалсан байна.

   Баянзүрх дүүргийн 20 дугаар хороо, Шар хоолойн халзангийн аманд айлын өвөлжөө шатаж байна гэсэн дуудлагыг өгснөөр Аврах гал унтраах 63 дугаар ангийн тасгийг очиход 5х18 метрийн хэмжээтэй өвөлжөө шатаж байсныг унтраасан. Уг гал түймэрт 2 тугал, 1 бяруу, 3 үхэр шатсан байна.

Д.Ундрах /24tsag.mn/