Баяр наадмын уур амьсгалыг далимдуулж ард түмний сэтгэлзүйгээр тоглон “хулгайгаар” санаархлаа хэрэгжүүлдэг “муухай монгол” аргыг прокурор, шүүхийн байгууллага хэрэгжүүлдэг гээд хэлчихвэл хэлсдэхгүй л байх.

Өнгөрсөн удаад шинэ жилийн баяр хийгээд Монголчуудын өргөн хүрээнд тэмдэглэдэг баярын өдрүүдээр олон сар, жилээр шийдэж чадаагүй хэргүүдээ гэнэт шүүхийн байгууллагад шилжүүлсэн хэд хэдэн тохиолдол гарч байсан.

Тухайлбал, 7-р сарын 1”-ний үймээнтэй холбоотойгоор цагдаа нарын хэргээс эхлээд олон хэргийг энд нэрлэж болно.

Тэгвэл дөнгөж сая албаны эх сурвалж бидэнд мэдээлэл ирүүллээ. Түүний хэлж буйгаар өнөөдөр Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүхийн хэргийг шүүхэд шилжүүлсэн байна.

Баяр наадмын өмнөх өдөр буюу хүмүүсийн анхаарал сарнисан энэ үед Чоно борооноор гэдэг шиг ийн яаран сандран шүүх рүү шилжүүлсэн нь  учир мэдэх хүмүүсийн анхаарлыг татаж эхэллээ.

Ер нь хууль батлагчид хийгээд хуулийн байгууллагынхан баяр наадам, хүмүүсийн анхаарал сарнисан мөчид янз бүрийн арга заль хэрэглэдэг нь тогтсон хэв маяг болох нь.

Д.Дуулим