24 цагийн өмнө УИХ-ын гишүүн Л.Гүндалай мэдээлэл хийж "Хөвсгөл аймгийн АН-ын гишүүдийн 75 хувь нь намайг дэмждэг. Би намын дарга хэвээрээ байгаа" гэж мэдэгдэж байсан. Тэгвэл сүүлийн үеийн мэдээллээр Хөвсгөлийн АН-ын гишүүд түүнд итгэл хүлээлгээгүй байна. Дахин хуралдсан тус хорооны хурлаар Монгол улсын гавьяат хуульч Б.Чимэдийн хүү гэдгээр нь таних Ч.Батцогт, УИХ-ын гишүүн Ц.Сэдванчиг нарыг намаасаа УИХ-ын сонгуульд өрсөлдүүлэхээр болжээ. Хэдийгээр энэ шийдвэрийг АН-ын ҮЗХ-ны хурлаар эцэслэн шийдэх ч Л.Гүндалай гишүүн хуучин тойргоосоо нэр дэвшихгүй болсон нь баттай гэж олон эх сурвалж мэдээллээ.