Өнөөдөр УИХ-ын таван гишүүн Соёлын тэргүүний ажилтан гэсэн цол авлаа.  УИХ-ын чуулганаар  Төрөөс соёлын талаар баримтлах бодлогын баримт бичгийг батлан гаргасан тул соёл урлагийн салбарыг хөгжүүлэхэд чухал хувь нэмэр оруулсан гэж Х.Бадамсүрэн, З.Алтай, С.Ламбаа, А.Тлейхан, Д.Дондог нарын УИХ-ын гишүүдэд энэ цолыг олгожээ. Мөн УИХ-ын Тамгын газрын Эрх зүй, хууль тогтоомжийн хэлтсийн ахлах зөвлөх Н.Тунгалаг Соёлын тэргүүний ажилтан боллоо.  Ийм шийдвэр хэдхэн цагийн өмнө гарсан ч аль хэдийн иргэдийн дунд УИХ-ын гишүүдэд ийм цол өгсөнд гайхсан, дургүйцсэн яриа тарж эхлээд байгаа аж.