ИЗНН-ын дарга Д.Энхбат 2012 оны сонгуульд нэр дэвшихгүй, оролцохгүй гэдгээ албан ёсоор мэдэгдлээ. Түүний нэр ИЗНН-ын намын листэнд хоёрдугаарт бичигдсэн ч тэрбээр ийнхүү нэрээ татсан байна. Мөн НИТХ-ын сонгуульд өрсөлдөх санал тавьсан ч хүлээж аваагүй аж. Тэрбээр парламентийн танхимд суухаас илүү нийгмийн ажил хийсэн нь дээр гэж үзсэн байна. Д.Энхбат гишүүн намынхаа тухайд “Надтай надгүй сайхан чадварлаг хамт олон бүрдүүлж чадсан болохоор алзахгүй” гэсэн юм.
 Уг нь тэрбээр УИХ-ын гишүүн С.Оюуны дараа намын листэнд бичигдэж, дараагийн парламентад сонгогдох боломж өндөр байсан билээ.