Өнгөрсөн даваа гаригт Солонгосын Батлан хамгаалах яам, Монголын Батлан хамгаалах яаманд тусламж болгон Солонгос цэргийн хэрэглэж байсан хуучин хувцас болон бусад зүйлийг бэлэглэснээ холбогдох ажилтанд нь хүлээлгэн өгчээ. Монгол, Солонгосын Батлан хамгаалах яамны сайд нар өнгөрсөн дөрөвдүгээр сард албан ёсны уулзалт хийсэн юм. Уулзалтын үеэр Монголын Батлан хамгаалах яамны сайд Солонгосын Батлан хамгаалах яамны сайдаас цэргийн хуучин хэрэглэлүүдийг бэлэглэхийг хүсч байсан ажээ. Үүний дагуу нийтдээ найман төрлийн 1566 эд зүйлсийг бэлгэндээ авсан байна. Үүнд цэргийн хуучин гутал 239 хос, цэргийн нурууны боолт 112 ширхэг, цэргийн эвхэгддэг гудас 963 ширхэг, цэргийн ангийн зориулалттай хуучин "JEEP" болон ачааны автомашин нийт 76 ширхэг, хөнгөн тэрэг 28 ширхэг тус тус байжээ.
Солонгосын Батлан хамгаалах яам нь өнөөг хүртэл тусламж хүссэн Зүүн Тимор болон Кампучи улсад ийм туслалцааг үзүүлж байсан ба энэхүү тоонд Монгол улс өнөөдрөөс эхлэн багтаж байгаа юм байна.
