Өнөөдөр МАН бага хурлаараа 2012 оны сонгуульд нэр дэвших хүмүүсээ эцсийн байдлаар тодруулна. Тиймээс тус намын Удирдах зөвлөлийн гишүүд 8 цагаас эхлэн хуралдаж байна. Өчигдөр үдээс хойш мөн хуралдсан ч шийдэж, тохироогүй асуудал байсан бололтой. Удирдах зөвлөл хуралдаж дууссаны дараа 9 цагт Бага хурлаа эхлүүлж, нэр дэвшигчдийн талаар хэлэлцэх юм. Хурал МАН-ын төв байр, Тусгаар тогтнолын ордонд болно. Эх сурвалжийн мэдээлж байгаагаар УИХ-д нэр дэвших эсэх нь тодорхойгүй байгаа олон хүн энэ хурлын үр дүнг сэтгэл түгшин хүлээж байгаа аж. 24tsag.mn хурлын үйл явцыг шуурхай дамжуулах болно.