Долдугаар сарын 1-ний хэрэгт буруутгагдаад буй цагдаагийн экс дарга нарын шүүх хурал энэ сарын 30-нд товлогдсон хэмээн эх сурвалж мэдээллээ. Учир нь Сүхбаатар дүүргийн шүүхээс гэрч нарт шүүх хуралдаан ирэх долоо хоногт болох тухай дуулгасан байна.Шүүх хуралдааны тов зарлагдсантай давхцан хошууч генерал Ч.Амарболд, цагдаагийн хурандаа О.Зоригт, Ш.Батсүх, Г.Ганбаатар нар ЦЕГ-ын Хуулийн хэлтсийн албан хаагчдын эрх ашгийг хамгаалах тасагт шүүгдэгч нарын өмгөөлүүлэх эрхийг зөрчиж байгаа талаар өргөдөл гаргажээ.
Үндсэн хууль болон олон улсын эрхзүйн гэрээ ёсоор шүүгдэгчид өмгөөлөгчөө өөрсдөө сонгох эрхийг зөрчиж, хүчээр өмгөөлөгч томилон шүүх хуралдаанд ёс төдий байлцуулан хэргийг шийдвэрлэх гэж байгаа талаар дурьдсан байна.
Тодруулбал, Нийслэлийн өмгөөлөгчдийн зөвлөлөөс томилогдсон Д.Даваа, Ж.Батзориг, Г.Орхон, Н.Хишигбаатар, А.Ундрах, М.Алтан-Өлзий нар нь өөрсдөө цагдаагийн экс дарга нарын хэрэгт өмгөөлөгчөөр оролцохоос татгалзжээ.
