Украйн улсын иргэн 33 настай Сергей, 24 настай Юри нар Сүхбаатар, Чингэлтэй, Баянгол дүүргийн “ХААН” банкны АТМ буюу бэлэн мөнгөний машинаас хуурамч карт ашиглан их хэмжээний бэлэн мөнгө залилан авсныг УМБГ-ын дөрөвдүгээр хэлтэс илрүүлсэн байна. Украйн улсын хоёр иргэн бүлэглэж нийт 13 удаагийн үйлдлээр уг залилангийн хэргийг хийснийг тогтоогоод байна. Мөн тэд ОХУ-ын Москва хот руу нисэх тасалбар захиалсан байжээ. Дээрх хоёр иргэн ОХУ-аас ирсэн бөгөөд тэднээс 13 ширхэг хуурамч карт, 500 дэвсгэртийн евро 200 ширхэг, 100 ам.доллар гурван ширхэгийг хураан авчээ. Хэргийг УМБГ-т шалгаж байна.
