Энэ сарын 10-ны өдөр Чингэлтэй дүүргийн 12 дугаар хороонд ноцтой хэрэг гарч, 15 настай охины хоолойг хэрчин хөнөөсөн байсан билээ. Хэргийг үйлдсэн этгээдийг орон даяар эрэн сурвалжилж байгаад түүний хамаатных нь ах буюу аавынх нь төрсөн дүү сэжиглэн шалгажээ. Харин тэрээр мөрдөн байцаалтын явцад оргоод зугтаж явахдаа амиа хорлон нас барсан байна. Уг этгээд Нийслэлийн Сонгинохайрхан дүүрэгт амьдардаг байсан аж. Талийгаач охины гэр бүл нэлээд асуудалтай буюу 15 настай охины аав, ээж нь гэртээ бусдыг дагуулж ирж байнга архиддаг хүмүүс байжээ. Талийгаачийн эцэг эх нь архидан согтуурч, гэрт нь байнга болж бүтэхгүй хүмүүс орж гардаг хэмээн хөрш айлууд нь мэдүүлсэн байна.
Хэрэг гарсны дараа гэрчүүд мэдүүлэхдээ хэд хоногийн өмнө талийгаач охин нэгэн согтуу эрийг галын төмөр хайч барин гэрээсээ хөөж байсныг харсан гэжээ.
