Илүүдэл жинтэй, байгаагаасаа нарийхан харагдахыг хүсдэг бүсгүйчүүддээ нарийхан, гуалиг харагдуулах бяцхан залийг бэлтгэлээ.1. Яг таарсан хувцас:
Ихэнх эмэгтэйчүүд хэтэрхий бариу, биеэ барьсан хувцас өмссөнөөр нарийхан, туранхай харагдана гэдэгт итгэдэг. Гэтэл бодит байдал дээр өөрийн биед яг таарсан, зөв хэлбэртэй хувцасыг өмссөнөөр төсөөлж байснаас чинь ч илүү зөв, аятайхан галбиртай харагддаг юм шүү.
2. Хөхний даруулганд учир бий:
Яв цав таарсан, зөв хэлбэртэй хөхний даруулга цээжийг чинь өргөж гэдэсний илүү өөхүүдийг чангалдаг. Хөхний даруулга хэтэрхий бариу, чанга байснаар нурууны “өөх”ийг товойлгож, шахаж харагдуулдаг юм.
3. Хуниастай өмд:
Скини жийнс моод байж болох ч бага зэргийн мярайлаг, гуя болон гэдэс хэсгээр гэдэс ихтэй бүсгүйчүүдэд тийм ч тохиромжтой биш. Үүний оронд бараан, хар өнгийн хуниастай өмднүүд хөлийг илүү урт, нарийхан харагдуулж чаддаг.
4. Босоо, шулуун хэлбэртэй юбка:
Юбканы хувьд хуниас нугалаастайгаас татгалазаж шулуун, босоо судалтайг нь сонго. Итгэх итгэхгүй нь таны дур ч, хар өнгөтэй наалдах хэрэггүйдээ. Үүний оронд үнсэн саарал, тэнгисийн цэнхэр, гүн ногоон, шоколадан бор зэрэг өнгөнүүд ч бас бүсгүй таныг нарийхан харагдуулдаг. Тэдээд ч эдгээр өнгөнүүд ажил хэрэг ч өнгө шүү дээ.
5. Өсгийтэй гутал:
Туранхай харагдахыг хүсвэл намхан гуталнаас татгалз. Өсгийтэй гутал өмссөнөөр биеийнхээ хамаг жинг дээд хэсэгтээ хурааж, биеэ чангалаад байдаг бол аль болох гэгээлэг өнгийн, чимэглэл, шигтгээ ихтэй өсгийт бусдын харцыг өөр дээрээ булааж цээжин биеийн чинь өөг далдлах болно. Мөн бүдүүн шилбэ, том шагайны ястай бол шилбэ гарсан мөн шагай хэсгээ оосор бүчтэй гутал өмсөх хэрэггүй.
6. Булцгар найзуудаа нууцгаая:
Биеийнхээ сайхан хэсгүүдийг тодруулаарай. Зах хэсгээрээ сонирхолтой ухлаадастай цамц, даашинз нь таны хүзүүний уртыг эсхүл тэгш сайхан мөрий чинь илүү тодотгож, ардаа жижиг эсхүл товгор оёдолтой кармтай өмд нь хавтгай, жижиг өгзөгийг том, “тонтгор” харагдуулдаг.
7. Чимэглэл хуниастай цамц өмс
Олонхи бүсгүйчүүд чимэглэлтэй цамц, даашинз өмсвөл улам мяраатай харагдана гэж итгэсэндээ цулгай загварыг сонгодог. Үнэндээ цулгай загвар цээжийг илүү “уужим” харагдуулдаг гэмтэй. Тэрний оронд ханцуй хэсгээрээ бага зэрэг хуниастай, энгэртээ шигтгээтэй цамц чамайг дэгжин харагдуулна. Харин дэгжин төрх нь бодит байдлаас бага ч болов туранхай харагдах нууцуудын нэг гэдгийг мэднэ биз дээ?
