АНУ-ын Детройтын амьтны хүрээлэнд өнгөрсөн сарын 28-нд Сүрэн гэдэг Монголоос аваачсан дөрвөн настай ингэ ботголжээ. Монгол угшилтай хоёр бөхт бяцхан ботгыг тэндэхийн оршин суугчид ихээхэн сонирхож, амьтны хүрээлэнд хүний хөл тасрахгүй байгаа гэнэ. Ингэ ботгоо 12-14 сар тээж төрүүлсэн. Булган нэртэй нялх ботго төрөөд хагас цаг болсны дараа хөл дээрээ зогсож, бүр явж эхэлсэн нь Детройтынхонд тун ч сонирхолтой байсан бололтой, өхөөрдөн харж зогсоцгоосон гэнэ. Булган амьтны хүрээлэнгийн ажилтнуудын хэмжсэнээр 4.7 кг жинтэй төрсөн. Анх үс нь зөөлөн, боровтор өнгөтэй байсан бол одоо өтгөрч элсэн бор өнгөтэй болж байгаа. Бөх нь үл мэдэгдэм өрвийсөн хэдэн үс л байсан бол 6 сарын дараа нь аавтайгаа төстэй тэмээ болох тухай түнийг сонирхсон хүмүүст амьтны хүрээлэнгийнэн тайлбарлаж байгаа аж. Гэхдээ цаанаасаа өвлийн хүйтнийг давж гарахад зохицсон тул ноос нь өтгөрч, улам ургаад зуны халуунд шингэрч унах юм. Булганыг эсэн мэнд бойжуулахын тулд амьтны хүрээлэнгийнхэн ихэд тойглож, илчлэг сайтай хоолоор тэжээж байгаа аж. Түүнийг харахын тулд америкчууд 14 доллар төлж байна.