Нийслэл хотод өнөөдөр 27-29 градус дулаан байна. Харин маргааш Өвөрхангай, Төв, Дундговь аймгийн нутаг, Баянхонгор, Хэнтийн өмнөд, Өмнөговийн баруун хэсгээр салхи секундэд 16-18 метр, зарим үед секундэд 24 метр хүрч шороон шуурга шуурна. 28-нд төв болон зүүн зүгийн ихэнх нутгаар, 29-нд зүүн зүгийн нутаг, говийн нутгийн зүүн хэсгээр, 30-нд төв, зүүн зүгийн нутгийн хойд хэсгээр, 31-нд зүүн зүгийн нутгаар бороо, нойтон цас орно. Салхи 28-нд говь талын нутгаар секундэд 18-20 метр, зарим үед секундэд 24 метр хүрч шороон шуурна. Ихэнх нутгаар хүйтэрч Алтай, Хангай, Хөвсгөлийн уулархаг нутгаар шөнөдөө 1-6 градус хүйтэн, өдөртөө 6-11 градус, Говийн бүс нутгаар шөнөдөө 5-10 градус, өдөртөө 16-21 градус, бусад нутгаар шөнөдөө 3-8 градус, өдөртөө 13-18 градус дулаан байна. Хугацааны сүүлчээр нутгийн баруун хэсгээр дулаарна гэж Ус цаг уурын хүрээлэн мэдээллээ.
