Япон улсын нийслэл Токио хотод чөлөөт бөхийн Дэлхийн цомын төлөө эмэгтэй багуудын IҮ тэмцээн дууслаа.
    Япон улсын нийслэл Токио хотод чөлөөт бөхийн Дэлхийн цомын төлөө эмэгтэй багуудын IҮ тэмцээн дууслаа.
    Манай баг Ү байрын төлөө барилдаанд украиний багт 2:5 онооны харьцаагаар хожигдож ҮI байрт шалгарч өнгөрсөн жил Ү байр эзлэсэн амжилтаасаа ухарлаа. Манай баг 4 багтай барилдаан хийснээс 1 хожил авсан байна.
    Тус тэмцээнд японы баг оросын багийг 4:3 онооны харьцаагаар хожиж алтан медаль, хятадын баг канадын багийг 5:2 онооны харьцаагаар хожиж хүрэл медаль хүртэж АНУ-ын баг азербайжаны багийг 5:2 онооны харьцаагаар хожиж ҮII байр эзлэжээ.
    Манай багаас 51 кг-ийн жинд барилдсан олон улсын хэмжээний мастер Д.Отгонцэцэг 4 ялалт авч түүний дотор 48 кг-ийн жинд олимпийн эрх аваад байгаа украиний алдарт бөх, олимпийн аварга И.Мельник-Мерленийг ялж багийнхаа амжилтанд чухал хувь нэмэр оруулсан байна.
    Жин өгсөн 67 кг-ийн жинд барилдсан Гавьяат тамирчин О.Насанбурмаа 3 ялалт авсан байна. 63 кг-ийн жинд барилдсан Гавьяат тамирчин С.Батцэцэг тус жинд олимпийн эрх аваад байгаа оросын бөх Л.Волосовад цэвэр, украиний бөх Ю.Остапчукт оноогоор ялагдсан байна. Энэ оны хоёрдугаар сард Киев хотод болсон олон улсын тэмцээнд С.Батцэцэг Ю.Остапчукт цэвэр ялагдаж байсан юм. 48 кг-ийн жинд хүч үзсэн олон улсын хэмжээний мастер Э.Нарангэрэл 4 ялагдал хүлээсэн байна.

Монгол, Украиний багуудын барилдааны дүн

48 кг               Эрдэнэсүхийн Нарангэрэл – Олександра Когут              0:3, 0:1
51 кг               Даваасүхийн Отгонцэцэг – Ирина Мерлени                   3:1, 1:0
55 кг               Сүндэвийн Бямбацэрэн – Ирина Хуцяк                          0:3, 0:1
59 кг               Тунгалагийн Мөнхтуяа – Анна Василенко                    3:1, 1:0
63 кг               Соронзонболдын Батцэцэг – Юлия Остапчук                 0:5, 0:1
67 кг               Очирбатын Насанбурмаа – Алёна Стадник                      0:5, 0:1
72 кг                Бадрахын Одончимэг – Катерина Бурмистрова                0-3, 0-1

Эмэгтэй багуудын Дэлхийн цомын төлөө 2012 тэмцээнийн дүн

I байр              Японы баг
II байр             ОХУ-ын баг
III байр                        БНХАУ-ын баг
IҮ байр           Канадын баг
Ү байр             Украиний баг
ҮI байр           Монголын баг
ҮII байр          АНУ-ын баг
ҮIII байр         Азербайжаэы баг

Эмэгтэй багуудын Дэлхийн цомын төлөө тэмцээнд манай багийн оролцсон байдал

2009он            БНХАУ-ын Тайюань хот                   ҮII байр
2010он                        БНХАУ-ын Нанжин хот                    ҮI байр
2011он                        Франц улсын Левин хот                    Ү байр
2012 он           Япон улсын Токио хот                                   ҮI байр