Сангийн дэд сайд Ч.Ганхуягийг МОХ-ны ерөнхийлөгчийн албан тушаалаас огцрох ёстой гэж үзэн хэсэг оюутнууд эсэргүүцэх болсон билээ. Оюутнуудад хувьцаа эсвэл сая төгрөгөө авах сонголт өгөхгүй, шууд сургалтын төлбөрт шилжүүлсэн нь тэдний саналыг асуугаагүй, эрхийг нь хүндэтгээгүй үйлдэл болсон гэж "МОХ-ын шинэчлэл" хөдөлгөөний оюутнууд мэдэгдэж байв. Мөн тус байгууллагаар дамжуулан оюутнуудыг сонгуулийн сурталчилгаанд ашиглаж байна гэж үзэж байсан юм. Тэд Ч.Ганхуяг дэд сайдыг энэ албанд тохирохгүй гэж Үндсэн хуулийн цэцэд хүртэл хандаад байсан. Тэгвэл баттай эх сурвалжийн хэлснээр Ч.Ганхуяг дэд сайд МОХ-ны ерөнхийлөгчийн албан тушаалаасаа түдгэлзжээ. Одоогоор дэд сайд энэ талаар ямар нэгэн албан ёсны тайлбар хэлээгүй байгаа ч оюутнуудын шаардлага үүнд нь нөлөөлсөн гэж зарим хүн үзэж байна.