УИХ-ын 2012 оны сонгуульд Чингэлтэй дүүргийн 24-р тойргоос нэр дэвшиж байгаа Эрдэс баялаг, эрчим хүчний сайд Д.Зоригт хамгийн түрүүнд нэр дэвшигчийн үнэмлэхээ гардаж авлаа. УИХ-ын гишүүн Д.Очирбат, Д.Зоригт нарын Чингэлтэй дүүргийн тойргийн хороонд гаргасан өргөдлийг хэлэлцээд өнөөдөр үдээс өмнө нэр дэвшигчийн үнэмлэхийг нь  өгсөн байна. Тэрбээр үнэмлэхээ гардаж авсныхаа дараа "Чингэлтэй дүүрэгт дахин нэр дэвшиж байгаадаа баяртай байна. Би замын дундаас буцахгүй. Уул уурхайн салбараас орж ирж байгаа мөнгийг иргэн бүрт тэгш хуваарилах талаар хүчин чармайлт гарган ажиллана" гэв.  Д.Зоригт сайд өмнө нь энэ тойрогт  нөхөн сонгуульд өрсөлдөн ялалт байгуулж байсан. Мөн энэ жил Чингэлтэй дүүргээс УИХ-д сонгогдох өндөр магадлалтай хүмүүсийн тоонд бичигдэж байгаа юм.