Хятадын баруун өмнөдөд байрлах Юннань мужид Жан Юнмин гэх 56 настай иргэнийг 11 хүний амийг хөнөөсөн хэрэгт холбогдуулан баривчилсан тухай Синьхуа агентлаг мэдээлжээ. Нийгмийн аюулаас хамгаалах яамны мэдэгдсэнээр тус этгээд нь 2008 оноос эхлэн 11 эрэгтэйн аминд хүрсэн нь бүгд хэрэгтний гэрийн ойролцоо болсон аж. Тэрбээр үйлдсэн хэргийнхээ ул мөрийг баллахын тулд цогцсыг мөчлөх, шатаах, булах зэрэг олон арга хэрэглэсэн бөгөөд гурван нохойгоо хүний махаар хооллодог байж магадгүй ул мөр илрүүлжээ. Мөн түүнчлэн Жан Юнминий гэрээс дарсны лонхонд архи дүүргэж дарсан хүний нүд олдсон гэнэ. Энэ гэмт хэрэгтэн нь 1979 онд хүн амины хэргээр бүх насаараа хоригдох ял сонссон ч шийтгэлийн зүйлийг нь хэд хэдэн удаа өөрчилж зөөллөснөөр 1997 онд шоронгоос суллагджээ. Хэрэг гарсан цагдаагийн байгууллагын даргыг ажлаас нь чөлөөлж, НАХЯ-наас томилогдсон ажлын хэсэг гэмт хэргийг мөрдөн шалгах ажиллагааг явуулж байгаа аж.
Филиппин эмэгтэй олон хүний аминд хүрч, махыг нь хөргөгчиндөө нөөшилсөн байсан жигшүүрт хэрэг 2006 онд мөн гарч байсан байна. Эмэгтэйн хэлж байгаагаар: “Надад хүний мах таалагддаг. Би гэртээ олон үдэшлэг зохиож байсан, ирсэн зочид хамаатнуудаа ч дайлдаг байсан.” хэмээн мэдэгдэл хийсэн байна. Зочид хүний мах гэдгийг нь мэдэлгүй амтархан идээд, дараа нь өөрсдөө хохирогч болдог байсан байна. Харгис эмэгтэй нөхрөө зооглосны дараа цагдаа нар түүнийг баривчилжээ.
Сэтгэгдэл (2)