Генерал Ч.Амарболдын биеийн байдал шүүх хуралд оролцох хэмжээнд байгаа эсэх талаар ШШГЕГ болон эмч нар зөвлөлдөөд хоёр цаг гаруй болж байна. Ч.Амарболдын биеийн байдлыг хянаж, үзлэг болон эмчийн дүгнэлтэнд гарын үсэг зурдаг Гуравдугаар эмнэлгийн эмчлэгч эмч Ц.Төмөр-Очирын өрөөнд тэд уулзаж байна. Хавдар боох эмчилгээнд орсон Ч.Амарболд генералын бие хүнд байгаа гэдгийг эмч нар дахин дахин хэлсээр байгаа ч ШШГЕГ өнөөдөр заавал шүүх хурал болох ёстой гэсэн үүднээс Ч.Амарболд, Д.Зоригт нарыг авч явахаар ярилцаж байгаа аж. Шастины нэрэмжит гуравдугаар эмнэлгийн гадаад тэднийг авч явах хоёр машин аль хэдийн ирсэн байгаа юм.