АНУ-ын Мянганы сорилтын сан тус байгууллагатай амжилттай хамтран ажиллаж байгаа орнуудыг тодруулжээ. Үүнд хамтран төсөл хэрэгжүүлж, гэрээ байгуулсан 24 орноос Монгол улс анхны “Шилдэг Орон” шагналыг авсан байна. “Төслийг санхүүжүүлэгч АНУ-ын Мянганы сорилтын корпорациас манай улс төслийг амжилттай хэрэгжүүлж буйг үнэлж байгаа бодит үнэлгээ гэж ойлгож байна” хэмээн ерөнхий сайд С.Батболд твиттер хуудасдаа бичсэн байна. Монгол улс нь Мянганы Сорилтын Сангийн шалгуурт тэнцсэн дэлхийн 39 орны дотроос “Мянганы сорилтын гэрээ” байгуулсан 24 улсын нэг юм.