Өнөөдөр Баянзүрх дүүргийн шүүхэд замын цагдаа зодсон улсын харцага Г.Намсрайжавыг шүүх хурал боллоо. Түүнийг шүүхээс гурван сар нэг хоног баривчлахаар болжээ. Мөн түүнд зодуулсан цагдаагийн эмчилгээний зардлыг гаргахыг мөн шаардсан байна.

  Тэрбээр өнгөрсөн гуравдугаар сарын 28-нд Баянзүрх дүүргийн нутаг дэвсгэрт байрлах Нарантуул захын баруун урд уулзварын орчим албан үүргээ гүйцэтгэж, шаардлага тавьсан замын цагдаагийн ажилтныг зодож гэмтээсэн. Тухайн үед Г.Намсрайжавын хүү Замын хөдөлгөөны дүрэм зөрчиж, нэг чигийн урсгалтай зам дээр буцаж эргэхийг завдахад нь замын цагдаа дүрэм зөрчихгүй чигээрээ явахыг сануулж, бичиг баримтаа шалгуулах шаардлага тавьжээ. Гэтэл Г.Намсрайжав тус цагдаагийн биед халдаж, зодож танхайрсан нь Замын хөдөлгөөнийг хянах камерт бичигдэн үлдсэн юм.