Хүүхдийн хөдөлмөрийн эсрэг дэлхийн өдрийг манай улс 11 дэх жилдээ тэмдэглэх гэж байна. Энэ жилийн дэлхийн өдрийг “Хүний эрх ба нийгмийн тэгш байдал”, “хүүхдийн хөдөлмөрийг устгая” уриатай тэмдэглэх юм.
    Хүүхдийн хөдөлмөрийн эсрэг дэлхийн өдрийг манай улс 11 дэх жилдээ тэмдэглэх гэж байна. Энэ жилийн дэлхийн өдрийг “Хүний эрх ба нийгмийн тэгш байдал”, “хүүхдийн хөдөлмөрийг устгая” уриатай тэмдэглэх юм. 2016 он гэхэд хүүхдийн хөдөлмөрийн тэвчишгүй хэлбэрүүдийг бүрэн устгах дэлхий нийтийн зорилгыг хангахад энэ ажил чиглэгдэж байна. Энэ сарын 12-ны өдрийн үйл ажиллагааг Засгийн газрын хэрэгжүүлэгч агентлаг-Хүүхдийн төлөө газар, хүүхдийн хөдөлмөрийн тэвчишгүй хэлбэрүүдийн эсрэг үндэсний сүлжээ байгууллага хамтран зохиож байна. Тэдний дэвшүүлж буй гарц санаа нь өрхийн амжиргааг дээшлүүлж, ядуурлыг бууруулвал хүүхдийн хөдөлмөр дагаад буурна гэж үзэж байгаа юм. Ямар ч хүүхэд сайн дураараа ажил хөдөлмөр эрхэлдэггүй. Ар гэрийн гачигдлаас болж хөдөлмөр эрхлэх нь цөөнгүй байдаг байна. Дэлхий нийтийн хүүхдийн хөдөлмөрийн эсрэг өдрөөр манай улс аймаг, нийслэлийн хэмжээнд өргөн тэмдэглэх юм байна. Тэмдэглэлт өдрийн хүрээнд  Ататуркийн нэрэмжит нийслэлийн 5 дугаар сургуулийн хөл бөмбөгийн талбайд хөдөлмөр эрхээдэг хүүхдүүд хоорондоо хөл бөмбөгөөр өрсөлдөх юм. Хүүхдийг хөдөлмөрөөс нь чөлөөлөх нэг арга бол тоглоом наадамд хандуулах юм байна.