Эрүүл мэндийн тухай хууль, “Хүүхэд өсвөр үеийн байгууллагуудад мөрдөх эрүүл ахуйн үлгэрчилсэн дүрэм”, Хүүхдийн цэцэрлэгийн аюулгүй ажиллагааны дүрэм зэрэгт холбогдох хуулийн хэрэгжилтийг хангаж байгаа эсэхийг нягтлахаар МХЕГ-аас шалгалт хийжээ. Тус шалгалтанд 260 байгууллага хамрагдах болсноос 206 буюу 79.2 хувьд нь одоогоор хяналт тавиад байна. Шалгалтын явцад зориулалтын барилга байгууламжгүй 114 цэцэрлэг үйл ажиллагаагаа явуулж байсан аж. Мөн хүүхдийн цэцэрлэгийн эдэлбэр газарт орон сууц баригдсан, гадны объект байрласан нь хүүхдийн тоглох наадах эрхийг зөрчсөн олон газар байжээ. Түүнчлэн бага насны хүүхдийн насны онцлогт тохирсон тоглоомын төрөл, ангилал хүрэлцээгүй 129 цэцэрлэг байсан бол сургалтын хэрэглэгдэхүүнээр бүрэн хангагдаагүй 104 цэцэрлэг байв. Харин биеийн тамирын заалгүй 174 цэцэрлэг байсан гэх мэт цэцэрлэгүүд шаардлага хангасан нөхцөл, орчинд ажлаа явуулахгүй байгаа олон дутагдлууд илэрчээ.
Д.Ундрах
Сэтгэгдэл (1)