Энэ сарын 7-нд буюу өнгөрсөн пүрэв гаригийн шөнө Сүхбаатар дүүргийн наймдугаар хороо МУБИС-ын зүүн замд Toyota Lexus 00-23 УБР дугаартай автомашины жолооч осол гаргаж, хүний аминд хүрлээ. Тэрээр осол гаргах үедээ согтууруулах ундаа хэрэглэсэн байжээ. Ослын улмаас явган зорчигч , 20 настай Х газар дээрээ амиа алдсан байна. Мөн тус өдөр 22.00 цагийн үед Төв аймгийн нутаг 52-ын давааны хойд замд Hyundai Grace маркийн автомашин 37-12 дугаартай автомашин онхолджээ. Ослын улмаас зорчигч арван настай Г нас барж, зургаан хүн гэмтсэн байна.
Түүнчлэн Хөвсгөл аймгийн Чандмань-Өндөр сумаас 16 км замд Мустанг-5 /улсын дугааргүй/ мотоцикл Барс /61-44 ХӨТ/ дугаартай мотоциклтой мөргөлдөж, 44 настай Ө нас барж, 23 настай И гэмтжээ.
Сүүлийн үед зам тээврийн осол их гарч буйтай холбогдуулан техникийн бүрэн бүтэн байдлыг хангаж, замын хөдөлгөөний дүрмээ баримтлан хөдөлгөөнд оролцохыг Замын цагдаагийн газраас анхааруулж байна.
Б.Чимэг
